Пијан управувал дрон: Полицијата немала милост - Канал 5

Технологија

Пијан управувал дрон: Полицијата немала милост

Во Шведска е забележан првиот случај на казна за управување со дрон во пијана состојба во таа земја.

Пијан управувал дрон: Полицијата немала милост

Ситуацијата се случила во јули минатата година, но извештаите за тоа се појавија дури сега. Полицијата правела патролирала со нивниот дрон и видела уште еден дрон во воздухот. Брзо откриле дека го управува 55-годишен маж.

Алкохолот во крвта му бил 0,69 промили, а полицијата го применила законскиот лимит за возење автомобил, а тоа е 0,2 промили алкохол.

„Тоа е авион со кој, иако управува човек, сепак може да падне од голема висина и да повреди некого“, изјави претседателката на окружниот суд Карин Хелмонт за шведската телевизија „SVT“.

Пијаниот „возач“ е казнет со околу 2.800 евра (32.000 шведски круни). Ова е прв ваков случај во Шведска, но другите ентузијасти на дронови сега веројатно ќе размислат двапати пред да пробаат нешто слично.

Казните за управување со беспилотни летала во пијана состојба не се ништо ново на глобално ниво - Јапонија, на пример, веќе има закон што го санкционира ова, а казната е околу 2.000 евра (околу 300.000 јени).

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП: Додека се шири западнонилската треска, институциите молчат – кој ќе одговара?

Додека западнонилската треска се шири, имаме заболени и веќе еден починат пациент, надлежните институции повторно се однесуваат како проблемот да ќе исчезне ако доволно долго молчат.

ЛДП: Додека се шири западнонилската треска, институциите молчат – кој ќе одговара?

Ова не е тема за бирократски соопштенија и префрлање на топката од една институција на друга. Ова е јавно здравје и човечки животи.

Според досега објавените информации, епидемија е прогласена во Кисела Вода, Гази Баба, Аеродром, Бутел и Илинден, регистрирани се 26 случаи, а еден пациент е починат. Затоа прашуваме: што правеа институциите додека растеше бројот на заболени?

Кога го добиле првото предупредување? Кога сфатиле дека бројот на случаи расте? Дали и кога е извршена дезинсекција и со каков опфат? Кои биле утврдените ризични подрачја? Колку пари се обезбедени за итни мерки и, конечно, кој ќе понесе одговорност ако било задоцнето со превенцијата?

Не прифаќаме граѓаните да дознаваат од медиуми и социјални мрежи дека во нивната општина е прогласена епидемија, додека надлежните се кријат зад институционален молк.

Комарецот не знае каде завршува една, а почнува друга општина, па затоа е срамно Владата, Министерството, здравствените институции и општините да си ја префрлаат одговорноста додека заразата се шири.

Бараме Владата, Министерството за здравство, Институтот за јавно здравје, Центарот за јавно здравје – Скопје и локалните самоуправи веднаш и јавно да соопштат што презеле досега, што ќе преземат во следните денови и кој конкретно е одговорен за секоја мерка.

За епидемија не се реагира откако ќе почнат да се бројат заболени и починати. Се реагира пред тоа. Тоа се вика превенција. Сè друго е неодговорност што граѓаните ја плаќаат со сопственото здравје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Сега Муцунски се занимава со полиција откако Тошковски беше задолжен за хиперхлорирање

Граѓаните се соочуваат со здравствени последици од труење со вода, со небезбедна вода во над 50 населени места, со загадени реки а сега и со епидемија од западно нилска треска.

СДСМ: Сега Муцунски се занимава со полиција откако Тошковски беше задолжен за хиперхлорирање

Што прави премиерот и министрите во Владата?

Прмеиерот Мицкоски е на екскурзија.

Министерот за полиција Панче Тошковски, беше задолжен за хиперхлокирање на водата во Гостивар и чистење на цевките.

Сега Тимчо Муцунски – министер за надворешни работи се занимава со полиција.

Тој кажува колку луѓе биле повикани на разговор во полиција за шпекулациите и лажните информации за водата во Скопје.

Па каде е Тошковски? Работи ли нешто? Да не е и тој на екскурзија?

Во ВМРО – ОКГ сите се занимаваат со туѓа работа само не со својата.

Како луѓето да имаат доверба?

Гледаат дека ништо не функционира, затоа здравјето на луѓето е под ризик.

Доцнат со реакциите, кријат информации од народот, потоа ескалира состојбата.

Неспособната Влада на Мицкоски ниту основните функции не ги извршува, не може да го заштити здравјето на луѓето.

Тотален институционален распад а сметката ја плаќаат граѓаните.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче на одмор на јахтата на Заев, од каде му нарачува СДС да прави хистерија за водата во Скопје

Каде е Венко Филипче?

ВМРО-ДПМНЕ: Филипче на одмор на јахтата на Заев, од каде му нарачува СДС да прави хистерија за водата во Скопје

Венко Филипче седми ден е на одмор на јахтата на Зоран Заев, каде што на 6 август заминал со својот мотор преку граничниот премин Богородица. А СДС тоа го крие. Зошто се срамат да кажат дека нивните двајца лидери се на заеднички одмор, каде што уживаат во украдените пари?

Од јахтата на Зоран Заев дава насоки СДС да шири хистерија и лажни вести за водата во Скопје, немајќи факти и аргументи. Претходно тераа лажна кампања и беа против прославата за независноста на Македонија.

Таквиот предавнички тандем, меѓу другото, од јахтата на Егејското Море, купена со украдени пари, нарачуваше и штрајк на струмичките пиперкари, каде што манипулираа со ниските откупни цени преку фирмата на Заев за ајвар, „Мамас“.

Сè на сè, плоден одмор на талогот: шират лаги за водата, се против независноста и уценуваат земјоделци.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер