Peugeot во Македонија ја разубавува есента со најновата лавовска понуда - Канал 5

Автомобилизам

Peugeot во Македонија ја разубавува есента со најновата лавовска понуда

Peugeot Македонија ја лансира својата најнова кампања со која на клиентите им нуди повеќе избор, повеќе стил и повеќе престиж. 

Peugeot во Македонија ја разубавува есента со најновата лавовска понуда

Четири модели ја предводат понудата: градскиот шармер Peugeot 208, најпосакуваниот SUV 2008, динамичниот fastback 408 и хедонистичкиот 3008 – сите достапни по нови цени.

Ова е вистинскиот момент да се доживее возењето на Peugeot – комбинација на француски дизајн, напредни технологии и удобност без компромиси.

„Peugeot отсекогаш симболизирал елеганција и динамика. Allure, тоа е симболот кој се врзува до нашите модели. Со својот фасцинантен надворешен дизајн, i-Cockpit во внатрешноста, напредните технологии, спортскиот управувач и богатата опременост, Peugeot моделите имаат многу елементи со кои се одвојуваат од mainstream брендовите и се вклoпуваат во upper-mainstream категоријата.

Нашата цел е Peugeot да го направиме поблизок и подостапен за што поголем број возачи во Македонија,“ изјави Томислав Нафидов, Бренд Менаџер за Peugeot во Еуроимпекс.

„Со оваа кампања моделите на Peugeot, уште повеќе се приближуваат до секој еден потенцијален клиент, правејќи посакуваното да стане реалност. Peugeot е блиску до секој возач – од оние кои бараат практично градско возило, до оние што сакаат SUV или модерен fastback. Ве покануваме да ја откриете понудата во нашите салони. Сите модели се достапни за пробно возење и Ве очекуваме во нашите салони,“ – Изјави Мимоза Марковиќ, Продукт Менаџер за Peugeot во Еуроимпекс.

Секој модел е подготвен за тест возење во салоните на Peugeot Македонија, каде клиентите ќе можат да ја почувствуваат разликата уште од првиот момент зад управувачот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукотница во пошта во Ајова: Има повеќе застрелани (ВИДЕО)

Според извештаите, се случила пукотница во пошта во Де Мојн, Ајова, во која се застрелани повеќе лица.

Пукотница во пошта во Ајова: Има повеќе застрелани (ВИДЕО)

Наредникот на полициската станица во Де Мојн, Пол Паризек, изјави дека најмалку три жртви претрпеле повреди кои не се опасни по живот.

Полицијата во соопштението соопшти дека осомничениот е приведен. Полицијата добила повик веднаш по 9 часот утрово до зградата на американската поштенска служба на Втората и Универзитетската авенија.

Наредникот Паризек потврди дека повикот на 911 дошол од поштата и дека истрелите биле испукани на вториот кат. На местото на настанот кратко време потоа реагирале повеќе возила за итни случаи и полиција.

Тагови: Ајова пукотница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Младите брачни парови и самохрани родители до 40 години ќе се ослободат од комуналии за да се реши станбеното прашање

На денешната седница на Советот на Град Скопје, една од темите за која дискутираа советниците беше за мерката за ослободување од комуналии наменета за младите брачни парови, а која ќе важи и за самохрани родители до 40 години. 

ВМРО-ДПМНЕ: Младите брачни парови и самохрани родители до 40 години ќе се ослободат од комуналии за да се реши станбеното прашање

Со оваа мерка, истите ќе се ослободат од делот од надоместокот за уредување на градежно земјиште, или 60 отсто од вкупни комуналии.

,,Младите до 40 години, ќе имаат можност да изградат свој дом без плаќање на комуналии. Со многу мерки, како и на Владата, така и на Град Скопје, овој период се овозможија доста можности на младите. За оваа година, како јаготката на шлагот, во оваа година од новиот мандат на ова раководство. Ја поздравувам оваа одлука и препорачувам да едногласно ја донесеме во Советот на Град Скопје“, рече советничката од ВМРО-ДПМНЕ, Анета Марковска Илиевска.

,,Со оваа одлука, се врши ослободување од плаќање на комуналии на млади брачни парови и самохрани родители до 40 години, за една станбена единица, односно куќа до 120 метри кавдратни. Апликантите треба да имаат потврда од Катастар дека немаат имот за живеење. Ова е една од мерките со која што градот Скопје директно помага на младите брачни парови и самохраните родители за решавање на станбеното прашање“, вели советникот од ВМРО-ДПМНЕ, Сашо Кукески, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Обдукцијата ја откри причината за смртта на фудбалерот Хесус де Мигел, му немало спас

По трагичната смрт на напаѓачот на Тенерифе, Хесус де Мигел, кој почина по судир со голманот на Андора, беа објавени првите официјални резултати од обдукцијата. 

Обдукцијата ја откри причината за смртта на фудбалерот Хесус де Мигел, му немало спас

Според судските експерти, 30-годишниот фудбалер починал од фатални повреди на градите.

Потсетете се дека тој беше убиен во сударот на натпреварот во втората шпанска лига. Во борба за топката, голманот на Андора, Хесус Овоно, случајно, но силно го удрил во градите со коленото. Де Мигел останал неподвижен на тревата, добил итна медицинска помош на теренот, по што бил префрлен во болница, каде што починал еден ден подоцна.

Резултатите од обдукцијата веќе се доставени до истражниот суд во Санта Круз, Тенерифе. Во исто време, шпанската полиција ја продолжува истрагата не само за околностите на самиот судир, туку и за брзината на медицинската интервенција на теренот, како и за постапката за време на транспортот до болницата.

Како што објавија шпанските медиуми, посебно внимание се посветува на недостатоците во грижата за играчот. Според извештаите, поминале повеќе од шест минути од моментот кога медицинскиот тим пристигнал на теренот до моментот кога играчот бил ставен на носилка.

Вистинскиот транспорт на повредениот играч до амбулантното возило е исто така под лупа, бидејќи наводно тие трчале со носилката, што можело дополнително да го загрози неговото здравје. Дополнително, властите истражуваат дали несреќниот напаѓач примил кислород за време на процесот на реанимација на тревата.

Тагови: фудбалерот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер