Балкан

Петковиќ: Бараме КФОР и ЕУЛЕКС да бидат неутрални, Приштина цело време фалсификува факти

Бараме КФОР и ЕУЛЕКС да бидат неутрални, Приштина цело време фалсификува факти и податоци.

Директорот на српската Канцеларија за Косово и Метохија Петар Петковиќ, денеска изјави дека со вчерашното апсење на Лазар Јаниќијевиќ, косовскиот премиер Албин Курти продолжил со својот терор кон српскиот народ, додавајќи дека Курти дополнително е охрабрен да го напаѓа српскиот народ бидејќи меѓународната заедница му дозволила тоа, јави дописникот на МИА од Белград.

Петковиќ на прес-конференцијата рече дека вчера, додека „граѓаните на Косово и Метохија сакале да се простат на закопот на убиениот Србин од Бањска од својот сограѓанин Стефан Недељковиќ во Врњачка Бања“, косовската полиција го уапсила Лазар Јаниќијевиќ, како и дека ден претходно специјалната косовска полиција претепала тројца Срби кои отишле во шума по дрва, а во петокот косовската полиција упаднала во Клиничко-болничкиот центар „Косовска Митровица“.

Тој додаде дека Курти дополнително бил охрабрен да го нападне српскиот народ бидејќи меѓународната заедница му дозволила тоа.

-Бараме КФОР и ЕУЛЕКС да бидат неутрални. Прашање до ЕУЛЕКС - зошто им беше забрането да присуствуваат на обдукцијата. Поминаа седум дена и ќе инсистираме на ова прашање, изјави Петковиќ.

- Некој овде сериозно лаже и затоа е важно да се види извештајот, има многу лаги од Албин Курти, лажеа и за бројот на луѓе во Бањска - 30, 40, сега 90, па дека полицаецот е убиен во вкрстен оган, а сега дека настрадал од експлозив. Многу нелогичности укажуваат на тоа дека Приштина ги фалсификува фактите и затоа е јасно зошто ЕУЛЕКС беше одбиен да присуствува на истрагата, изјави Петковиќ.

Тој додаде дека до денес не добиле одговор ни на второто писмо до ЕУЛЕКС во кое бараат одговори на прашањата поврзани со обдукцијата.

-Посебно за Бојан и Игор и начинот на кој беа убиени. Она што ни го кажаа нашите патолози врз основа на фотографијата на Бојан е дека влезната рана била во пределот на левиот очен капак, а излезната рана на десната страна на главата, што укажува дека е убиен додека лежел на грб, рече тој.

Според Петковиќ, јасно е дека Приштина цело време фалсификува факти и податоци во врска со настанот и обдукцијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Штрајк на 400.000 работници во Германија- бараат поголеми плати

Повеќе од 400.000 работници во автомобилската, машинската и електроиндустријата во Германија излегоа на улиците и организираа предупредувачки штрајкови откако пропаднаа неколку рунди преговори за плати, објави синдикатот IG Metall.

Според AFP, податоците на синдикатот покажуваат дека околу 413.000 работници учествувале во штрајкови од минатиот викенд до петок, пренесе Кликс.

Првите собири пред фабричките порти започнаа во недела, 1 ноември, на полноќ, кога истекоа претходните договори за плати. Со нивното истекување, заврши и законската обврска на синдикатите да се воздржат од штрајкови.

Штрајкови во повеќе од 2.000 компании

Синдикатот IG Metall најави предупредувачки штрајкови во повеќе од 2.000 компании низ Германија само за оваа недела.

Барањата на синдикатот се фокусирани на:

• Зголемување на платите за седум проценти, со дополнителни подобрувања за работниците со најниски приходи.

• Зачувување на постојните работни места и локации за производство.

• Учество на вработените во распределбата на профитот на компанијата.

Од друга страна, за време на втората рунда преговори, работодавците презентираа понуда за трајно зголемување на платите од 1,3 проценти, со имплементација дури од јули 2028 година.

Синдикатот го окарактеризираше таквиот предлог како провокација која, како што наведуваат, всушност би им донела на работниците вистински пад на приходите.

„Работниците се борат за иднината на своите семејства и своите работни места. Тие очекуваат значително зголемување на куповната моќ и поконкретно преземање на обврските и инвестициите на работодавците“, рече главниот преговарач на IG Metall, Надин Богуславски.

Богуславски додаде дека синдикатите излегле со фер и флексибилна понуда и дека во овој момент потегот зависи од работодавците.

Преговорите меѓу двете страни ќе продолжат следната недела. Синдикатот предупредува дека штрајковите ќе траат значително подолго доколку работодавците не одговорат на барањата. Во овие преговори директно се вклучени повеќе од 3,7 милиони работници вработени во еден од клучните сектори на германската економија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Уапсени се 17 возачи: Десетмина немале возачка, петмина возеле пијани- еден дури со 3,35 промили алкохол во крвта

17 лица лишени од слобода во изминатото деноноќие поради безобѕирно управување со моторно возило.

Во текот на изминатото деноноќие, на територијата на целата држава, полициски службеници лишиле од слобода 17 лица додека со едно лице е извршен службен разговор, поради сторено кривично дело „безобѕирно управување со моторно возило“ по член 297-а од Кривичниот законик.

Десет лица управувале возило без положен возачки испит. Станува збор за Е.С.(34), Р.Ш.(18), Б.К.(19), кој управувал мотоцикл, Б.А.(49) и П.И.(29), сите од Скопје, А.А.(37) од Гостивар, Д.Л.(34) од Прилеп и Е.В.(53) од Струга.

Во Виница, 14-годишен малолетник, пред да се стекне со право на управување со моторно возило, изгубил контрола над мопедот и паднал. Исто така, службен разговор бил извршен со Е.Е.(19) од Велес, кој учествувал во сообраќајна незгода со мотоцикл без регистарски ознаки и две други возила, а претходно не се стекнал со право на управување со моторно возило.

Пет лица управувале возило под дејство на алкохол. Кај К.К. биле измерени 3,35 промили алкохол во крвта, кај И.А.(52) од Куманово 2,17 промили, кај Н.Ѓ.(33) од Куманово 1,55 промили, кај С.Ј.(34) од Битола 1,60 промили, а кај Х.П.(28) од Охрид 1,68 промили алкохол во крвта.

Две лица управувале возило и покрај активна забрана за управување со моторно возило. Станува збор за А.Ш.(39) од село Обедник, демирхисарско, и Р.Л.(55) од Охрид, кој претходно учествувал во сообраќајна незгода управувајќи патничко возило „опел“ со охридски регистарски ознаки.

Г.Р.(53) од село Мусинци, општина Могила, управувал возило без положен возачки испит и под дејство на алкохол, при што му биле измерени 2,92 промили алкохол во крвта.

По целосно документирање на случаите, ќе бидат поднесени соодветни кривични пријави.

МВР апелира до сите учесници во сообраќајот доследно да ги почитуваат сообраќајните правила и прописи, да не управуваат возило без положен возачки испит, под дејство на алкохол или за време на активна забрана за управување. Особено апелираме до родителите да не им дозволуваат на малолетни лица да управуваат моторни возила пред да се стекнат со законско право за тоа. Одговорното однесување во сообраќајот е од суштинско значење за спречување на сообраќајни незгоди и заштита на човечките животи, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Уапсен е охриѓанец- во неговиот дом се пронајдени дрога и пари

Лишен од слобода 49-годишник од Охрид, при претрес пронајдена дрога и пари.

На 07.11.2026 година, полициски службеници од СВР Охрид го лишиле од слобода Б.Н.(49) од Охрид. При претрес во неговиот дом, извршен со судска наредба, биле пронајдени и одземени три опаковки со бела прашкаста материја и пари.

По целосно документирање на настанот, против него ќе биде поднесена соодветна пријава, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.