Пет години подоцна: Најсеопфатната анализа на науката за ковид третманите - Канал 5

Здравје

Пет години подоцна: Најсеопфатната анализа на науката за ковид третманите

Во првите месеци од пандемијата владееше страв и неизвесност поради вирусот кој глобално се ширеше и немилосрдно ги убиваше најранливите. 

Пет години подоцна: Најсеопфатната анализа на науката за ковид третманите

Официјално, ефективни третмани не постоеја, иако вистината е поинаква. Уште во април 2020 имаше високо ефективна терапија, но таа главно беше игнорирана и се тргна во развој на нови лекови и вакцини. Сега, 5 години подоцна, благодарение на истражувачите од веб страницата c19early.org, имаме многу јасна слика кои третмани за ковид се ефективни, а кои се неефективни па дури и опасни. Генералниот заклучок е дека најефективните третмани се најевтини, најнеефективните третмани се најскапи, а голем дел од скапите третмани не само што се неефективни, туку и го зголемуваат ризикот.

Списанието ЕМИТЕР на нивниот веб-портал објавува статија, од перото на д-р Марјан Божиновски, во која се дава преглед на научените лекции од истражувањата презентирани на веб страницата c19early.org со анализа на резултатите добиени од сеопфатните мета-анализи за клучните ковид третмани, во контекст на апсурдните политики на здравствените власти во најголемиот број држави. За оние кои не се запознаени со овој поим, мета-анализа е статистички метод кој комбинира резултати од повеќе независни научни истражувања (студии) со контролни групи за да се добие посигурна и прецизна проценка на проучуваниот ефект. На пример, ако 10 студии ја испитуваат ефикасноста на лек за ковид, мета-анализата ќе ги собере нивните резултати за да утврди дали лекот генерално функционира и со каква сигурност.

Иако беа брутално цензурирани, истражувачите од c19early.org продолжија неуморно да работат и да го информираат целиот свет во реално време на нивната веб страница за сите ефективни и неефективни третмани за ковид. Нивниот 5 годишен труд сумиран во неколку реченици:

“c19early анализираше над 5.700 студии за 145 третмани - над 17 милиони часови истражување. Американските власти веруваат дека само три високопрофитни третмани го намалуваат ризикот (ремдесивир, паксловид, молнупиравир). Всушност, многу третмани го намалуваат ризикот, а 25 третмани со ниска цена се одобрени во 163 земји.”

Бројни клинички студии покажаа дека првата линија на одбраната требаше да биде третирањето на примарниот извор на почетната инфекција (носот, устата и грлото) со помош на антисептички средства одамна познати во медицината (на пример, повидон-јод или Бетадине) кои драматично ги намалуваат ризикот од влошување на состојбата и ризикот од пренос на вирусот кон други луѓе.

Од исклучителна важност за имуниот систем се некои витамини и минерали како витаминот Д, за којшто западните здравствени власти и СЗО никогаш не препорачаа масовна суплементација, иако постоеја бројни солидни докази дека нивото на серумскиот 25(OH)D3 е во обратно-пропорционална зависност со ризикот од смртен исход, пришто една мета-анализа од 2021 утврди дека доколку концентрацијата на серумскиот 25(OH)D3 ви е над 50 ng/mL, ризикот ковид да ве убие е речиси НУЛА.

Мета-анализите на евтините лекови (без патент) хидроксихлорокин (423 студии со околу 600 илјади пациенти) и ивермектин (105 студии со околу 220 илјади пациенти) покажаа висока ефективност против ковид особено како профилактични и рани третмани. На пример, ивермектин ја намалил смртноста во просек за речиси 50% и покрај неколкуте сомнителни студии кои сериозно ја контаминираа мета-анализата, а ризикот од ковид инфекција го намалил за неверојатни 81% (од 16 студии со 14 илјади субјекти), додека хидроксихлорокин применет како ран третман достигнал редукција на смртноста од 76%. За жал, беа исмевани и некоректно прикажувани во мејнстрим медиумите или како токсични (хидроксихлорокин) или како лекови за коњски глисти (ивермектин), за разлика од миленичињата на медиумите - екстремно скапите, патентирани медикаменти како едвај ефективниот паксловид (Фајзер) и токсичниот ремдесивир (Гилеад) за чиишто набавки беа платени десетици милијарди долари од голем број држави во светот.

Целата статија, со вклучените референци, можете да ја прочитате на веб-порталот на списанието Емитер на линкот https://emiter.com.mk/vesti/21361.

Тагови: корона

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Први тензии помеѓу Мурињо и Перез во Реал

Средниот ред на Реал Мадрид со години е проблематичен дел од тимот, а ситуацијата стана уште покомплицирана по пензионирањето на Тони Крос и заминувањата на Каземиро и Лука Модриќ.

Први тензии помеѓу Мурињо и Перез во Реал

Потоа клубот се сврте кон физички доминантен стил на игра и ги доведе Орелиен Чуамени, Едуардо Камавинга и Феде Валверде, но таа стратегија не ги донесе очекуваните резултати. Повлекувањето на Џуд Белингам на поповлечена позиција влијаеше на неговите напаѓачки перформанси и го намали бројот на голови, пишува Goal.com.

Барањето на Мурињо и ставот на клубот

Проблемите во средниот ред не исчезнаа ниту со доаѓањето на новиот тренер Жозе Мурињо. Иако клубот успеа да го доведе Бернардо Силва, португалскиот стручњак инсистира на уште еден клучен играч од средниот ред кој би го донел квалитетот што му недостасува на тимот. Претседателот на клубот, Флорентино Перез, засега го игнорира тоа барање. Причината е јасна - нема простор за нови засилувања додека еден од постојните играчи не го напушти клубот, првенствено мислејќи на Камавинг.

Одговорноста е префрлена на тренерот

Некои луѓе во клубот веруваат дека тимот веќе има доволно квалитетен среден ред. Тие признаваат дека играта не е оптимална, но ја префрлаат одговорноста на Мурињо. Се очекува тој да најде решение со постојниот персонал и да договори систем што ќе донесе резултати.

Проток во преодниот рок

Реал Мадрид ги доведе Марко Кукурела, Дензел Дамфрис, Ибрахима Конате и Бернардо Силва во овој преоден рок. Во исто време, Дани Карвахал, Давид Алаба, Дани Себалос и Фран Гарсија го напуштија клубот.

Тагови: Жозе Мурињо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пожари беснеат низ Европа- најкритично е во Шпанија и Франција, каде загинаа двајца пожарникари (ВИДЕО)

Пожарникарите денеска се борат со огромни пожари во делови од Шпанија и Франција, со многу висок ризик од нови пожари што избувнуваат низ поголемиот дел од Шпанија.

Пожари беснеат низ Европа- најкритично е во Шпанија и Франција, каде загинаа двајца пожарникари (ВИДЕО)

Пожарникарите денеска се борат со огромни пожари во делови од Шпанија и Франција, со многу висок ризик од нови пожари што избувнуваат низ поголемиот дел од Шпанија, иако големиот пожар што беснее низ централната покраина Гвадалахара постепено се повлекува, дозволувајќи им на жителите да се вратат дома.

Двајца пожарникари загинаа во Франција

Во францускиот регион Жиронда, двајца пожарникари загинаа во вторник кога нивното противпожарно возило се запали. Властите ги повикаа жителите и туристите да не користат скари во областите погодени од топлотниот бран и истакнаа дека дури девет од десет, или 90 проценти од пожарите се предизвикани - случајно или не - како резултат на човечка активност.

Во најлошиот пожар што ја погоди Шпанија досега, во регионот Гвадалахара, огнената стихија уништи околу 32.000 хектари. Во вторник, ситуацијата почна да се стабилизира откако жителите на 34 општини беа принудени да се евакуираат, а пристапот беше забранет за жителите на уште 14 општини.

Шпанската метеоролошка агенција AEMET објави дека во поголемиот дел од континентална Шпанија и Балеарските Острови, ризикот од шумски пожари е сè уште „многу висок или екстремен“ и се очекува поголем ризик во наредните денови.

Пожари има и во францускиот Вар и Високите Алпи

Во Франција, малку пониските температури и послабите ветрови придонесоа за напорите на пожарникарите во борбата против шумскиот пожар што опустоши 2.500 хектари во југоисточниот регион Вар, оштети десетици домови и принуди 400 луѓе да ги напуштат своите домови, соопштија локалните власти.

Во 7 часот утрово, хеликоптерите сè уште фрлаа вода врз шумскиот пожар во Вар, бидејќи тој е сè уште активен.

„Ситуацијата беше многу сериозна, околу 1.100 пожарникари се бореа со пожарот цела ноќ“, изјави командантот Вилијам Вогл, портпарол на противпожарната служба на Вар, за радио RMC.

Пожарот сè уште не е под контрола, но ветерот треба да биде поповолен во среда, рече тој.

Уште еден пожар беснееше во Високите Алпи на југоистокот од земјата, во живописниот француски департман кој се наоѓа во регионот Прованса-Алпи-Азурен Брег.

Грција погодена од топлотен бран

Главниот град на Грција, Атина, и другите источни и копнени области на Грција се соочуваат со високи температури трет ден по ред, а метеоролозите предвидуваат температури до 41 степен Целзиусов. Властите забранија работа на отворено околу пладне и попладне и им советуваа на работодавците да организираат работа од далечина за ранливите работници.

Тагови: пожари Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ребел Вилсон на суд ја победи поранешната колешка

Австралиската актерка Ребел Вилсон ја доби тужбата за клевета што ја поднесе нејзината поранешна колешка Шарлот Мекинес.

Ребел Вилсон на суд ја победи поранешната колешка

Тужбата следеше по серија објави на социјалните мрежи во кои Вилсон, според тужителот, сугерираше дека Мекинес измислила тужба за сексуално вознемирување за да ја унапреди својата кариера. Сепак, судот пресуди во корист на Вилсон, објави „Унилад“.

Како настанал спорот

Шарлот Мекинес ја тужеше Ребел Вилсон поради објави во кои се тврдеше дека таа ја повлекла тужбата за сексуално вознемирување против филмската продуцентка Аманда Гост. Таа тврдеше дека таквите објави ѝ го нарушуваат угледот и бараше отштета.

Мекинес негираше во својата тужба дека некогаш поднела или повлекла таква тужба. Таа, исто така, тврдеше дека не се срамела да дели туш и када со продуцентот.

Спорниот настан се случил во 2023 година на плажата Бонди. Аманда Гост му кажа на судот дека имала сериозна кожна реакција на ладната вода по пливањето во океанот. Мекинес рече дека влегла во кадата со неа за да ѝ помогне да се загрее и дека двете носеле костими за капење.

Сепак, Вилсон тврдеше дека Мекинес следниот ден ѝ се пожалила дека целата ситуација ја прави да се чувствува непријатно. Мекинес го негираше ова.

Судот пресуди во корист на Ребел Вилсон

Судијката Елизабет Рапер пресуди во корист на Ребел Вилсон. Во своето образложение, таа наведе дека Мекинес не успеала да докаже дека спорните објави сериозно ѝ го оштетиле угледот или дека веројатно би предизвикале таква штета.

Судијката заклучи дека Мекинес навистина се пожалила на Вилсон за инцидентот и дека една од објавите содржела одредена инсинуација. Сепак, таа процени дека тоа не е доволно за да се сметаат зборовите на Вилсон за клевета.

Таа исто така објасни дека самото менување на нечија изјава не мора да значи нешто нечесно, бидејќи едно лице може да има различни причини за тоа.

Вилсон се огласи по пресудата

По одлуката на судот, Ребел Вилсон се огласи на Инстаграм. Таа го опиша своето режисерско деби, филмот „The Deb“, како остварување на сон, но призна дека целиот конфликт бил многу тежок за неа.

„Научив многу во текот на овој процес. Тоа беше голем тест за мене, но и потврда за она во што отсекогаш сум верувала. Сè уште сакам да се залагам за она што го сметам за исправно, а во исто време да создавам проекти што им носат радост на луѓето“, напиша таа.

Таа го најави и својот втор режисерски филм „GIRL GROUP“. „Неверојатно сум горда што продолжив да снимам филмови, вклучувајќи го и новиот филм „GIRL GROUP“, кој е исто така чиста забава. Одлична вест е што, сосема случајно, премиерно ќе биде прикажан на Меѓународниот филмски фестивал во Торонто во септември. Горда сум и возбудена што публиката ќе ги види овие приказни“, додаде таа.

На крајот, таа им се заблагодари на сите што ја поддржаа. „Благодарна сум што ова поглавје е завршено и со нетрпение очекувам да се вратам на она што најмногу го сакам, моето семејство и работата. Благодарност до судијата и до австралиското судство, кое длабоко го почитувам“, рече Вилсон.

Тагови: Ребел Вилсон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер