Перински од Кисела Вода: Сите општини и граѓаните кои живеат во нив се подеднакво важни - Канал 5

Македонија

Перински од Кисела Вода: Сите општини и граѓаните кои живеат во нив се подеднакво важни

„Нашата определба е да бидеме постојан партнер на општините и да обезбедиме конкретна поддршка таму каде што е најпотребна.

Перински од Кисела Вода: Сите општини и граѓаните кои живеат во нив се подеднакво важни

Во рамки на караванот „Каде што срцето е дома“, министерот за локална самоуправа Златко Перински, оствари работна посета на Општина Кисела Вода, каде одржа средба со градоначалничката Бети Стаменкоска-Трајкоска, членовите на Советот на општината и општинската администрација.

На средбата се разговараше за тековните активности на општината, развојните приоритети, реализацијата на капиталните инвестиции и потребите за понатамошно јакнење на административните капацитети во насока на поефикасно извршување на надлежностите и обезбедување поквалитетни услуги за граѓаните.

Посебно внимание беше посветено на можностите што ги нуди Ресурсниот центар за поддршка на општините, преку кој Министерството за локална самоуправа обезбедува стручна, техничка и советодавна поддршка за општините во различни области од нивното работење.

Министерот Перински истакна дека директната комуникација со локалната самоуправа е неопходна за навремено препознавање на предизвиците со кои се соочуваат општините и за креирање соодветни решенија.

„Нашата определба е да бидеме постојан партнер на општините и да обезбедиме конкретна поддршка таму каде што е најпотребна. Преку Ресурсниот центар создаваме систем преку кој на нивно барање, ќе им помогнеме на општините полесно да ги надминуваат административните и техничките предизвици и поефикасно да ги реализираат своите развојни цели“, изјави министерот Перински.

Тој посочи дека Владата продолжува со силна поддршка на локалниот развој преку капитални инвестиции во општините.

„Во рамки на двата владини јавни повици, за Општина Кисела Вода се одобрени вкупно 24 проекти во вредност од 528.529.882 денари. Овие средства претставуваат значајна поддршка за реализација на проекти кои директно ќе придонесат за подобрување на условите за живот на граѓаните и за понатамошен развој на општината“, нагласи Перински.

Градоначалничката Бети Стаменкоска – Трајкоска потенцираше дека директната соработка помеѓу централната и локалната власт е клучна за ефикасен развој на општините, па оттука и денешната работна посета на министерот за локална самоуправа, Златко Перински е исклучително важна.

„Ова е можност за суштински дијалог за предизвиците и стратешките цели пред кои се наоѓа Кисела Вода. Во рамките на денешните состаноци, како со мене така и со претседателката на Советот, советниците и раководителите на општинските сектори, разговаравме за конкретни модели за поддршка од страна на Министерството. Од особена важност е што министерството за локална самоуправа стави на располагање Ресурсен центар за поддршка на развојот на општините. Ова за нас претставува вреден дополнителен инструмент кој нуди стручна помош и дигитални алатки, што ќе ни овозможат уште подинамично и поуспешно да пристапиме кон изработка и реализација на нашите идни проекти“

Министерството продолжува и во наредниот период, со посети и непосредни средби во општините, со цел зајакнување на соработката и унапредување на локалниот развој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Продавач едвај спаси жива глава- го нападна леопард (ВИДЕО)

Леопард провалил во продавница за алкохол во Индија и го нападнал продавачот, а настанот бил снимен од надзорни камери.

Продавач едвај спаси жива глава- го нападна леопард (ВИДЕО)

Инцидентот се случил во продавница во Тодараисинг, град во државата Раџастан, пишува The Telegraph.

На снимката се гледа како животното скока преку шанкот и го напаѓа 25-годишниот продавач Санџај Гурџар. Леопардот скокнал врз него двапати, го зграпчил за грбот и се обидел да го касне. Гурџар успеал да се ослободи, да избега и да го заклучи животното во продавницата.

Потоа на снимката се гледа како леопардот се движи низ празниот простор, превртува кутии и конечно се крие под полица. Друго видео, од магацин, го снимило нападот врз 40-годишниот Фатех Лал Коли. Животното го соборило на подот, а потоа претрчало преку полицата по Гурџар. Во нападот, Гурџар претрпел повреди од канџи на раката, рамото и носот, а уште двајца мажи биле повредени.

Хронологија на нападот

Службениците им кажале на индиските медиуми дека леопардот го извршил својот прв напад во недела наутро. Тогаш тој се нафрли врз волонтер од Шумската служба кој проверувал извештаи дека животно е видено во грмушките околу 8:45 часот. После тоа, леопардот влегол во градот, каде што провалил во продавница за алкохол и нападнал уште две лица.

Акција за ловење

Спасувачката екипа пристигнала во градот околу 14 часот и започнала операција за спасување која траела пет часа. Полицијата го опколила подрачјето околу продавницата, го затворила главниот пазар и повикала специјализирана единица за спасување животни.

Властите потврдија дека станува збор за петгодишен мажјак кој ќе биде подложен на медицински преглед пред да биде вратен во дивината. Заменик-конзерватор на шумите, Вирендер Синг Кришнија, изјавил дека се верува дека животното талкало во градот во потрага по плен откако ги напуштило блиските шуми.

Тагови: леопард

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мадуро повторно пред судот во Њујорк- му се заканува доживотен затвор

Поранешниот венецуелски претседател Николас Мадуро повторно ќе се појави на суд во Њујорк, што ќе биде негово трето рочиште по апсењето во јануари. 

Мадуро повторно пред судот во Њујорк- му се заканува доживотен затвор

Мадуро и неговата сопруга, Силија Флорес, кои се во притвор во Бруклин, се обвинети за трговија со дрога, поседување оружје и други кривични дела. Двајцата се изјаснија за невини, пишува Euronews.

Предлог за започнување на судење

Во судскиот поднесок поднесен доцна во вторникот, обвинителството и одбраната заеднички предложија судењето да започне во јуни 2027 година. Се очекува судијата Алвин Хелерштајн да го потврди тој датум на процедуралното рочиште во среда.

Обвинувања и правни предизвици

Мадуро и Флорес се соочуваат со доживотен затвор доколку бидат осудени од порота за учество во организација за шверц на кокаин во Соединетите Држави. Обвинителите тврдат дека Мадуро се заговарал со венецуелските службеници за спроведување на законот за да им помогне на нарко-картелите да шверцуваат илјадници тони кокаин во Соединетите Држави.

Адвокатот на Мадуро, Бери Полак, објави дека ќе ја оспори легалноста на апсењето, кое го нарече „воено киднапирање“. Одбраната нагласи дека постојат сложени правни прашања што мора да се решат пред да започне судењето. Досега, Мадуро и Флорес не побарале кауција.

Различни толкувања на апсењето

Администрацијата на поранешниот американски претседател Доналд Трамп ја опиша операцијата на апсење како „хируршки прецизна полициска операција“ како дел од гонењето започнато пред шест години. Мадуро, од друга страна, го смета своето апсење за киднапирање и се нарекува себеси „воен заробеник“.

„Не сум виновен. Јас сум чесен човек, уставен претседател на мојата земја“, рече Мадуро на првото рочиште во јануари. Во исто време со денешното рочиште, демонстрантите се собраа пред зградата на судот и ја изразија својата поддршка за Мадуро и неговата сопруга со транспаренти.

Тагови: Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Спасовски: Катастрофата во Гостивар е уште една потврда за нефункционалниот систем под оваа власт

„Случајот со загадената вода во Гостивар е уште една потврда дека институциите под оваа власт не функционираат кога се најпотребни за граѓаните. 

Спасовски: Катастрофата во Гостивар е уште една потврда за нефункционалниот систем под оваа власт

По трагедијата во Кочани, до денес ништо суштински не е променето. Еве, сега го имаме и Гостивар, каде повторно гледаме задоцнета реакција, институционален молк и избегнување одговорност“, рече пратеникот на СДСМ, Оливер Спасовски, во гостувањето во емисијата „Вести плус“ на Канал 5.

Тој посочи дека одговорноста мора да ја понесат сите надлежни институции – од Владата и здравствените власти, до Институтот за јавно здравје и сите институции кои имале законска обврска навремено да реагираат.

„За ова што се случува во Гостивар, одговорноста е на сите нивоа – од централно до локално. Досега не слушнав дека некој од министрите чувствува одговорност. Зошто затајувањето на здравствените власти не понуди никаква одговорност? Моментот кога првите 200 граѓани од Гостивар се пријавиле во болница не значел ништо ниту за здравствените власти, ниту за Владата. Првичната реакција следува дури по пет или шест дена“, нагласи Спасовски.

Спасовски потенцираше дека токму ваквото институционално постапување покажува како оваа власт ја води државата.

„ Треба да се признае. Да се признае дека ни се случи Кочани и дека нема никаква промена во системот. И дека сега ни се случува ова што се случува во Гостивар, а институциите една недела молчат и ништо не прават во тој момент“, рече Спасовски.

Тој нагласи дека јавноста сè уште нема одговори на најважните прашања – каков бил квалитетот на водата, колку испитувања биле направени и какви биле резултатите од нив.

„До ден-денеска немаме никаков одговор во однос на тоа каков бил квалитетот на водата, колку испитувања биле направени и така натаму. Ако мострите покажале дека водата била исправна, тогаш треба да се утврди што се случило, како се направени тие испитувања и дали извештаите реално ја отсликувале состојбата“, рече Спасовски.

Спасовски посочи дека Институтот за јавно здравје има законска обврска континуирано да ја следи исправноста на водата за пиење и да постапува навремено.

„Што правел Институтот за јавно здравје? Тие се обврзани да ја прават контролата на водата, не само во еден град, туку во сите градови“, истакна Спасовски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер