Рецепти

Переци

Да ти кажам право, переците се мистерија. Дали знаеш некој, кој со сигурност ќе ти каже, дека ги разбира переците?

Тоа е едно искрено и едноставно пециво, со комплициран дел. Е, баш тој комплициран дел, всушност го прави перекот, перек.

Постои една теорија дека се направени во облик на прекрстени раце, а постои и друга теорија која вика дека во нив се крие тајната на вонземјаните и нивните цивилизации, квадратурата на кругот и конечниот број ПИ. Ако мене ме прашуваш, переците се како луѓе. Сите сакаат да бидат сфатени, сакани и едноставни, но секој си има некој чвор.

Переците, поради некоја причина, во секунда го поправаат расположението. Ако не си се смеел долго, направи переци. Ако паѓа дожд, а тебе ти се сака сонце, направи переци. Можеби нема да ги откриеш тајните на универзумот или квадратурата на кругот, но од рерната, заедно со переците, ќе извадиш и малку радост.

Никој не е сосема сигурен зашто. Можеби поради чашката ракија додадена во тестото, а можеби и затоа што наизглед комплицираните переци не враќаат во некое поедноставно време.

Состојки:

250 gr екстра Бело брашно од Жито Лукс

Вода 150гр. млака

Сол 1 лажичка

Путер мек 1 лажица

Сув квасец 1 лажичка

1 ? лажичка темен кафеав шеќер

Ракија 60мл. (30 мл. за переците и 30 мл. за шефот)

Kрупна морска сол

Mортадела 200гр.

Kрем-сирење 300гр.

Сода 1кг.

Зејтин 1л.

3 Јајца

Подготовка:

Ги ставаш шеќерот и квасецот во вода. Мешаш со жица да се растопи шеќерот. Оставаш 5 минути да се развие квасецот. Квасецот е среќен.

Во длабок сад за месење го сипуваш брашното, солта, путерот и се мешаш со рака. Лева или десна, по желба. Во центарот правиш дупка и додаваш вода во квасецот и шеќерот, а од страна покриваш со брашно. Отстојува 30-тина минути.

Потоа се замесува меко тесто. Меко како душа. Месиш околу 10 минути.

По месењето, тестото се остава да стасува во стаклен сад покриен со стреч фолија. Откога ќе стаса, го истиснуваш насобраниот воздухот. Да издише.

Го делиш топчето на 4 еднакви делови. Ги покриваш со влажна крпа.

Ролаш 4 долги “црви” од околу 30-тина сантиметри и ги оставаш да одморат под крпата.

Потоа ги досукуваш, и правиш уште подолги “црви” од 50-60 сантиметри. Ја потпевнуваш “Не се бели Маре мори, не се црви…”.

Ги “плетеш” переците и ги ставаш на тепсија. Ги покриваш со големи најлони и оставаш да растат околу 45 минути.

Потоа одат во замрзнувч да се замрзнат околу 2 часа. Минимум е 30 минути, а може да одат и на целовечерна.

Во тенџере подготвуваш 1,5л. вода со 1/3 од шолја сода и чекаш да зоврие.

На смрзнатите переци од фрижидерот, им приредуваш изненадување. Секој перек го спушташ со француска лажица во зовриената сода вода, и повторно назад на плехот. Така збунети, смрзнати па провриени, ги премачкуваш со жолчка од јајце и наросуваш со крупна морска сол

Се печат 12-15 минути на 200 степени без вентилатор.

Се мислиш зашто не подготви 8 перека, туку само 4.

Одбираш еден ил’ два, ги сечеш на половина, мачкаш со крем сир и редиш мортадела.

Ти си сега среќна личност!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

УФЦ спектакл на тревникот пред Белата куќа за 80-тиот роденден на Трамп

Јужниот тревник на Белата куќа денеска ќе биде домаќин на невиден спортски и политички спектакл.

Како дел од двојната прослава за 80-тиот роденден на американскиот претседател Доналд Трамп и големиот јубилеј – 250 години од Декларацијата за независност на САД, во претседателската резиденција е поставен октагон за борба. Претседателот Трамп, кој е долгогодишен страствен фан на мешаните боречки вештини, борбите според најавите ќе ги следи од првиот ред заедно со членовите на неговиот кабинет и илјадници вип гости

Фото: Индекс.хр

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Швајцарците го отфрлија предлогот за ограничување на населението на 10 милиони, покажуваат првичните проекции

Гласачите во Швајцарија го отфрлија предлогот за ограничување на населението на земјата на 10 милиони, покажуваат првичните проекции.

Не се пребројани сите гласови, но сегашниот тренд покажува дека 55% од учесниците гласале против, во споредба со 45% кои биле „за“, пренесе Би Би Си. Предлогот дојде од десничарската швајцарска Народна партија, која долго време води кампања на антиимиграциска платформа. Во швајцарија која има над 9 милиони жители, една третина се лица кои се родени во странство

Тагови: Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Остануваат двајца Мицкоски – на ниту еден не може да му се верува

Во ВМРО постојат двајца Мицкосски.

Едниот, во опозиција, ветуваше дека ќе го врати името, дека ќе го поништи Преспанскиот договор, ќе обезбеди подобра преговарачка рамка.

Другиот, на власт, го нарече Преспанскиот договор „ремек-дело на дипломатијата“, а НАТО го прогласи за „најдобра работа за безбедноста и инвестициите“.

Сега повторно имаме двајца Мицкоски.

Едниот најавува реконструкција на владата и продолжување на мандатот.

Другиот веќе отворено зборува за предвремени избори.

Во Македонија е против ЕУ, а во странство се претставува како голем поддржувач на ЕУ.

Овде не спроведува реформи и заедно со Латас води анти-ЕУ кампања, а во странство се фотографира и објавува дека наводно сака европска иднина за државата.

Во странство преговара за мигранти односно „економски работници„, а дома им зборува на граѓаните дека нема да ги има. Едниот вели нема да има а што вели другиот?

Ние рековме, избори, па мигранти.

Мицкоски толку многу лаже, што ги лаже граѓаните, ги лаже своите членови, ги лаже коалиционите партнери, а на крајот се лаже и себе си.

Кој Мицкоски е вистинскиот?

Дали е оној кој сака да остане на власт до крајот на мандатот, или оној кој веќе се подготвува за избори затоа што нема пари во буџетот и не може да ја одржува власта?

Граѓаните веќе знаат дека не може да му веруваат.

Еден ден Мицкоски вели едно, друг ден - сосема спротивно.

Ова не е политичка стратегија, туку доказ за слабост, несигурност и за тоа дека власта се распаѓа одвнатре.

Кој Мицкоски е вистинскиот?

Граѓаните веќе знаат – ниту еден.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.