Пералната во Клинички центар повторно не работи, вработените во штрајк поради неисплатени плати - Канал 5

Македонија

Пералната во Клинички центар повторно не работи, вработените во штрајк поради неисплатени плати

Битка за чист чаршав помеѓу клиниките во клиничкиот центар „Мајка Тереза“. Вработените во пералната во клиничкиот центар се уште штрајкуваат и не работат, бидејќи на нивната сметка веќе седум месеци нема легнато плата. 

Пералната во Клинички центар повторно не работи, вработените во штрајк поради неисплатени плати

Велат штрајкот ќе продолжи, а внатре во пералната купишта чаршави стојат со денови, од каде се шири непријатна миризба. Од неколку клиники за канал 5 потврдија немаат чиста постелнина а проблем се и матријалите за во операционите сали. Со пералната управува фирмата Скопстер велат дека се во интензивни преговори со министерството за здравство за отпочнување на реализацијата на јавното приватно партнерство и велат дека пераланта била земена во исклучително тешка состојба. Во делот за платите прстот го вперуваат во службите за општи и заеднички работи од каде требало да бидат подмирени обврските за менаџирањето со пералната.

-Веруваме и се надеваме дека за многу кус временски период состојбата со пералната, посебно со заостанатите плати, ќе биде решена. Со Министерството за здравство интензивно се работи на координација со Службата за Општи и Заеднички Работи од каде треба да ни бидат подмирени обврските за менаџирањето со пералната- Скопстер.

Од Службата за општи и заеднички работи за Канал 5 потврдија дека средствата што ги префрлиле на сметката на Скопстер биле доволно да се покријат палтите на 11 вработени. Од трудовата инспекција за Канал 5 објаснуваат дека направена е инспекција и доколку во дадениот рок не се исплатат платите ќе биде поднесена кривична пријава. Од министерството за здравство не знаат дека има штрајк и дека се работи на решавање на проблемот.

YouTube video

Тагови: Клинички центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Брод е погоден со проектил во Ормутскиот теснец, покрај брегот на Оман

Британската Агенција за поморски трговски операции (УКМТО) извести за напад на брод што се случил на 7,5 наутички милји од брегот на Оман. 

Брод е погоден со проектил во Ормутскиот теснец, покрај брегот на Оман

Според извештајот, пловилото било погодено од неидентификуван проектил од десната страна, при што бил оштетен командниот мост. Во нападот нема повредени и не е забележано загадување.

Нападот уследи по предупредувањето од Иран

Инцидентот во Ормутскиот теснец се случи само неколку часа откако Иран предупреди дека бродовите што минуваат низ регионот без негово одобрение може да се соочат со „последици“.

Тагови: Ормутскиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фановите за синот на Рис Витерспун: Тој е нејзина машка верзија (ФОТО)

Синот на Рис Витерспун и Рајан Филип, Дикон Филип, се појави на премиерата на „Ел“ во вторник во чест на својот татко.

Фановите за синот на Рис Витерспун: Тој е нејзина машка верзија (ФОТО)

Младиот музичар изгледаше речиси идентично како својот татко на премиерата на „Русокоса од Харвард“ во 2001 година, а настанот беше почит кон култната франшиза што се враќа на малите екрани, пишува Page Six.

Почит кон таткото по 25 години

Дваесет и двегодишниот Дикон избра црно одело, розова вратоврска и очила за сонце Ray-Ban за премиерата, пресоздавајќи ја комбинацијата што Рајан Филип ја носеше пред точно 25 години на црвениот тепих. А неговата мајка Рис ја избра розовата боја, исто како на премиерата на првиот филм.

Актерката носеше чипкана фустан со отворени рамена од Monse. Нејзиниот тогашен сопруг, Рајан, ја придружуваше на премиерата на првиот дел во 2001 година, а ја поддржа на премиерата на продолжението „Русокоса од Харвард 2“ две години подоцна.

Ќерката и помладиот син на Риса не беа на премиерата

Витерспун и Филип се разделија во 2006 година по седум години брак и ги делат Дикон и неговата 26-годишна сестра Ава, која не се појави на настанот во Њујорк. Исто така, отсуствуваше и 13-годишниот син на Рис, Тенеси, од нејзиниот втор брак со Џим Тот.

За што е серијата?

„Ел“, приквел на „Русокоса од Харвард“, ја следи помладата Ел Вудс низ нејзините средношколски години и пристигнува на Prime Video на 1 јули. На премиерата, Витерспун позираше со главната актерка во серијата, Лекси Минетри, која неодамна го позајми фустанот на Рис од премиерата во 2001 година за гостување во „Tonight Show“.

„Тој е машката верзија од неа“

Иако модниот избор на Дикон беше посветен на неговиот татко, корисниците на социјалните мрежи коментираа за необична сличност со неговата мајка. „Тој го има целото нејзино лице“, напиша еден обожавател на Инстаграм, додека друг додаде: „Тој е буквално машка верзија од неа“.

Дури и самиот Рајан Филип се согласи со ова во 2021 година, несогласувајќи се со тврдењата дека Дикон е намалена верзија од него. „Очигледно постои сличност татко-син. Но, тој всушност е многу повеќе како страната на семејството на Рис. Ава е повеќе како мојата“, изјави тој за E! News. Заедно со Ава и Дикон, Филип има и 14-годишна ќерка Каи со неговата поранешна партнерка Алексис Кнап.

Тагови: Рис Витерспун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Судење за трагедијата во „Пулс“- дискотеката почнала со работа без да ги исполни законските услови

Дискотеката „Пулс“ во Кочани започнала со работа иако не ги исполнувала минималните технички услови за функционирање.

Судење за трагедијата во „Пулс“- дискотеката почнала со работа без да ги исполни законските услови

На денешното рочиште Обвинителството презентираше докази обезбедени од Министерството за економија и труд, кои, според обвинителите, покажуваат дека објектот започнал да работи и покрај тоа што не ги исполнувал законските услови.

Презентацијата на доказите ја започна обвинителката Наташа Сарамандова, но беше прекината откако одбраната побара нејзино изземање, обвинувајќи ја за пристрасно постапување при изведувањето на доказите. За барањето ќе одлучува државниот јавен обвинител Ненад Савески, а со презентцијата продолжи друг обвинител.

По оваа одлука, родителите на загинатите во знак на револт ја напуштија судницата во КПУ Идризово. Претставник на семејствата, оцени дека наместо фокусот да биде на доказите, сè повеќе вниманието се пренасочува кон процедурите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер