Арсовски за Канал 5 вели дека со ДЗС потпишале две годишен договор, период во кој државата се заложила да обучи нови кадри. Се надева дека набргу ќе се најдат кандидати, а младите ги повика да размислат за оваа професија, во која набргу вели ќе се вљубат.

-Седнавме со директорот, тој кажа дека друго решение тој не може да најде во моментов, треба да се отшколуваат пилоти. Прво треба да ги најде, па да ги отшколува, па после две години и сега тие две години е голема „луфта“.Би сакал младиве да покажат малку интерес, ако не да се обидат, дали би можеле тоа да го работат, затоа што кога ќе влезеш во тој свет, се повеќе го засакуваш, тука би апелирал до младиве, затоа штоа има прекрасни млади луѓе кои можеме да ги ангажираме на сите полиња, па и во воздухоплоството-Стоје Арсовски – Пензиониран пилот.

Директорот на дирекцијата за заштита и спасување Ангелов уверува дека засегнатите институции од пожарите интензивно работат на потребните реформи, а посочи дека, покрај пензионираните, веќе е во разговор со уште тројца пилоти, а трае потрагата и по повеќе. Вели, потребно е трајно решение на овој проблем.

-Воедно барам и други пилоти, еве упатувам јавен повик преку вашиот медиум, доколку има лица со професионална дозвола и имаат голем број на часови на налет, нека дојдат да поразговараме можеби и државата ќе партиципира во останатиот потребен број на часови на налет, затоа што мораме да го решиме овој проблем со пилотите трајно, ангажманот на пензионираните пилоти е само крпење на дупки, мора да најдеме трајно решение и работиме на него,-Стојанче Ангелов – В.д. директор на Дирекција за заштита и спасување.

„Драматично сме поподготвени од лани за справување со пожарите“ кажа премиерот Мицкоски, особено поради навременото ставање во погон на воздухопловите, но и поради 50те магационирани возила на војската и полицијата кои се адаптирани за гаснење на пожари и ќе носат до шест литри вода, а ќе ги управуваат лица од МВР и АРМ.

-Она што ќе биде новитет е тоа што дел од застарената и магационирана опрема, како што се БТР-80, старите хермелини, пицгауер и слично, кои што во магацините на МО и МВР се модернизираа, обработија, им се инсталираа посебни резервоари за вода, се купија пумпи кои работат на висок притисок и можат да пристапуваат на непристапни терени, што ни беше многу важно, навечер кога оганот, како што велат, спие, да можеме да му пристапиме и да го изгаснеме за да не се распламти преку денот,-Христијан Мицкоски – Претседател на Влада.

Во меѓувреме во фаза е и обновувањето на лиценцата на ДЗС за поседување на флота против пожари, која се обновува со секоја промена на директорско место, а во моментов исполен е и условот откако ветераните Михалчев и Арсовски се вратија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.