Пензионер потрошил цело богатство за да ја избрка ќерка си од станот (ВИДЕО)

84-годишниот пензионер од Мелбурн, Австралија, веќе осум години се обидува да ја истера сопствената ќерка од неговиот стан, но иако потрошил мало богатство на правни трошоци, тој сепак не успеал во својот план.

Питер Грунди, пензиониран земјоделец од австралиската држава Викторија, се обидува да го продаде станот за да може да се пресели во старечки дом. Бидејќи нема право на пензија, тој мора однапред да плати за престојот во домот, а за да го стори тоа, тој мора да го продаде станот.

Питер се обидува да го стори тоа веќе осум години, но неговата 49-годишна ќерка Катрина прави се што е во нејзина моќ за да го запре. И покрај сите напори да ја истера од неговиот стан, таа одбива да се исели, а правните експерти велат дека пензионерот ги исцрпил сите законски опции.

„Државата Викторија нема други механизми на располагање да ја исфрли - тој стори сé што може, но таа остана“, изјави адвокатот Џејмс Лоренс за емисијата „9News A Current Affair“, додавајќи дека секој нов ден што таа го минува во станот е нов ден на неправда за него.

Катрина, наводно, вели дека нејзините родители и го оставиле станот во Мелбурн пред осум години, но иако судот го отфрлил тоа тврдење, тоа не ја сменило ситуацијата. Покрај тоа, таа стави предупредување за имотот. „Многу итро во правна смисла“, изјави Грунди, кој исто така се бори со карцином. И три месеци по пресудата, полицијата сè уште не се појавила на нејзината врата.

84-годишникот им откри на новинарите дека досега потрошил 70.000 долари за иселување на својата ќерка и проценува дека е во загуба од околу 200.000 доалри од потенцијалниот закуп во последните осум години.

Бидејќи станот е технички негов, тој ги плаќа сите даноци и комуналните услуги. Катрина тврди дека исто така придонесува за плаќањето, но не покажала докази.

Гала оперски концерт и балет ,,Болеро” во петок во НОБ

На 22.1.2021 поради големиот интерес повторно на репертоарот на Националната опера и балет ќе се одржи гала оперски концерт со почеток во 20 часот. 

Настапуваат солистите: Сандра Митровска (сопран), Катерина Стојановска (сопран), Ѓорѓи Цуцковски (тенор) и Марјан Јованоски (баритон), во придружба на оркестарот при Националната опера и балет, под диригентската палка на Бисера Чадловска.

Во вториот дел, публиката ќе има можност да го проследи балетот „Болеро“ од Морис Равел, во кореографија на Саша Евтимова, подготвена во согласност со препораките на Комисијата за заразни болести. Тоа е балет под маски, без допир и на дистанца.

Настапува: Женски балетски ансамбл, Катерина Стојановска - сопран и Оркестарот на Националната опера и балет.

Диригент: Бисера Чадловска, концерт мајстор: Јане Бакевски, кореограф: Саша Евтимова костимограф: Марија Пупучевска, светло дизајн: Милчо Александров.

Настанот ќе се одржи според протоколите предвидени со моменталната состојба предизвикана од пандемијата Ковид-19 за одржување настани, одобрени од Комисијата за заразни болести. Задолжително е носење на заштитна маска.

Влезот за публика ќе биде отворен еден час пред почетокот на настанот.

Билетите се во строго ограничен број!, соопштуваат од НОБ.

Дел од патот кон Пониква во прекин поради полициска вежба

Сообраќајот на регионалниот пат  Кочани кон Спортско рекреативниот центар Пониква на потегот од место викано „аеродром" до паркингот кај објектот на МВР ќе биде во прекин денеска во периодот од 08:00 до 16:00 часот .

Сообраќајот на регионалниот пат Кочани кон Спортско рекреативниот центар Пониква на потегот од место викано „аеродром" до паркингот кај објектот на МВР ќе биде во прекин денеска во периодот од 08:00 до 16:00 часот поради одржување на вежбовни активности од припадниците на МВР на Република Северна Македонија, информираат од СВР Штип.

СВР Штип апелира до граѓаните да ги почитуваат наредбите што ги издаваат полициските службеници.

Меланија Трамп го имаше последното обраќање во Белата куќа

Првата дама на САД, Меланија Трамп, утре ќе ја напушти Белата куќа.

По тој повод таа и се обрати на нацијата и истакна неколку проекти кои во последните четири години ги спроведе фамилијата Трамп, кога станува збор за обновата и одржувањето на Белата куќа.

„Во 2020 година нашата земја претрпе разорни и неочекувани загуби на живот заради пандемијата на ковид-19. Како што се ближи крајот на ова поглавје, важно е да се препознаат бројни луѓе без кои мојата улога на прва дама не би била можна“, нагласи Меланија и се заблагодари на сите вработени во Белата куќа кои помогнале на проектите кои ги работела.

притисни ентер