Со надеж дека ќе слушне што Париз предлага како промена во методологијата за преговори за членство во ЕУ, и дали тоа ќе биде доволно да се крене блокадата за датумот, македонскиот претседател Пендаровски ја започна дводневната посета на Франција, во чии рамки е превдидена и средба со неговиот колега Макрон.
Пред да замине, Пендаровски рече дека не очекува пресврт или драстична промена на позицијата, но порача дека тоа ќе биде исклучителна прилика да се соочат ставовите и да се нагласи постигнатото на земјава на пат кон ЕУ. На средба со Макрон денеска ќе биде исрпскиот претседател Вучиќ, кој вчера од Охрид порача дека ќе се заложи за земјава пред францускиот претседател.
Изјавата на Вучиќ дојде по разговорите за создавање на мини шенген со дел од земјите од регионот. Оваа иницијатива се уште предвикува одредени дилеми и сомнежи, но наидува на поддршка.. По високиот американски дипломат Метју Палмер, денеска и францускиот амбасадор во земјава Кристијан Тимоние порача дека неговата земја е за сите облици на заедничка соработка на земјите од регионот.
Дел од аналитичарите пак сметаат дека одредени изјави од францускиот претседател Макрон и други политичари во ЕУ, покажуваат дека Европа сепак бара алтернативи за Балканот. Во интервју за ДВ, експертот за Балканот и соработник на атлантскиот совет Димитар Бечев вели дека иницијативи кои се од економски карактер како таа за мини Шенген лесно можат дапреминат и во политички. Според него, францускиот претседател Макрон, со новата методологија за членство ќе бара компромис кој пред неговите гласачи ќе го претстави како победа.