Македонија

Пендаровски: Само заедно можеме да ја добиеме битката против коронавирусот, да бидеме одговорни и дисциплинирани

 Во пораката по повод одблежувањето на Светскиот ден на здравјето кога се соочуваме со глобалната закана #COVID19, претседателот на државата Стево Пендаровски уште еднаш ги повика граѓаните да бидат одговорни и дисциплинирани.

-Со стотици илјади смртни случаи во целиот светот, вирусот #COVID19 сè уште претставува глобална закана по сечиј живот. На денешниот #СветскиДенНаЗдравјето уште еднаш повикувам да бидеме одговорни и да бидеме дисциплинирани. Од секој од нас зависи дали ќе има потреба и натаму да се заоструваат мерките за заштита. Од секој од нас зависи до кога ќе биде неопходен полицискиот час или вонредната состојба, истакнува во својата порака објавена на Фејсбук претседтелот Пендаровски.

На меѓународниот ден на здравјето, тој изразува посебна почит и признание за докторите и за останатиот персонал во здравствените установи.

-Тие се на првата линија во спречувањето и справувањето со последиците од епидемијата на COVID 19. Го ризикуваат своето здравје и својот живот, за да го заштитат нашето здравје и нашите животи. Затоа, да ги почитуваме препораките и да им помогнеме на лекарите. Само заедно можеме да ја добиеме битката против коронавирусот. #WorldHealthDay, потенцира претседателот Пендаровски.

Фудбал

Салфетката на Меси се продава на аукција, веќе се понудени 300.000 евра

Денеска е отворено наддавањето за салфетката на која фудбалскиот клуб Барселона го напиша своето ветување дека ќе потпише со тогаш 13-годишниот Лионел Меси, а предвремените понуди достигнаа речиси 300.000 долари.

Салфетката беше потпишана во декември 2000 година кога Карлес Рексах, тогаш спортски директор на Барселона, се договори со агентот Хорасио Гаџиоли да го ангажира аргентинскиот тинејџер кој подоцна стана најдобар стрелец на клубот на сите времиња.

Наддавањето за документот, опишан од аукциската куќа Bonhams како „сино мастило на стандардна шпанска восочна салфетка“, достигна 220.000 фунти (274.824,00 долари) набргу по отворањето на продажбата, според веб-страницата на аукционерот. „Тоа никогаш не беше правно обврзувачко, но емотивно претставува длабока врска или почеток на длабока врска што Меси ја имаше со Барселона“, рече главниот маркетинг директор на Бонамс, Марк Сендс.

Меси ѝ помогна на Барселона да освои 35 трофеи, со рекордни 782 настапи и 674 голови. Меси ја напушти Барселона во 2021 година и сега игра за Интер Мајами. „Ако го сакате фудбалот, ќе знаете сè за Лионел Меси и ќе знаете дека тој го дефинираше фудбалот со генерации. Ако сакате дел од акцијата, ова е местото“, рече Сендс. Онлајн продажбата завршува на 17 мај.

притисни ентер