Македонија

Пендаровски на средба со членовите на Бошњачкиот демократски сојуз

Кандидатот за претседател на Република Северна Македонија Стево Пендаровски на 06.03.2019 година ја посети политичката партија Бошњачки демократски сојуз.

Во рамки на посетата Стево Пендаровски имаше состанок со претседателот на Бошњачки демократски сојуз Мунир Колашинац и со членовите на претседателството на партијата.

Стево Пендаровски даде изјава за медиумите во која нагласи дека неговиот концепт се базира на тоа дека Република Северна Македонија мора да биде држава на сите, дека не смее да има кираџии и газди во аваа земја, дека не смее да има граѓани од прв и втор ред и дека сите што живееме овде имаме еднакво право да ја штитиме, сакаме државата и државата апсолутно еднакво да одговара на нашите потреби.

Мунир Колашинац во својата изјава за медиумите потенцираше дека Бошњачкиот демократски сојуз ќе го подржи Стево Пендаровски на претседателските избори и ги повика членовите, активистите и симпатизерите на Бошњачки демократски сојуз како и Бошњачкиот народ во Република Северна Македонија да гласаат за Стево Пендаровски на претстојните претседателски избори.

Во вториот дел на посетата Стево Пендаровски имаше состанок со членовите на претседателството на партијата.

БОШЊАЧКИ ДЕМОКРАТСКИ СОЈУЗ

Свет

Во Појасот Газа за еден ден загинале 83 луѓе

Според Министерството за здравство во Газа во изминатите 24 часа при израелските напади во Појасот Газа загинале 83 луѓе.

Во војната помеѓу Израел и Хамас вкупно загинале 35.386 луѓе

Од почетокот на војната на 7 октомври минатата година повредени се 79.366 лица.

Најголемиот број од жртвите се деца и жени. /МИА

Македонија

Кривична против градоначалник за незаконско располагање со буџетски средства за време на избори

Пријавениот извршил нередовни исплати на еднократна парична помош на 38 физички лица во вкупен износ од 195 000 денари.

СВР Струмица, до Основното јавно обвинителство Гевгелија, поднесе кривична пријава против градоначалник на една општина поради постоење основи на сомнение за сторено кривично дело „противзаконито располагање со буџетски средства за време на избори" по член 165-в од Кривичниот законик.

Како што информира МВР, пријавениот извршил нередовни исплати на еднократна парична помош на 38 физички лица во вкупен износ од 195 000 денари согласно програмата за мерките и активностите на општината во областа на социјална заштита од буџетски средства за 2019 година.

Пријавениот ги извршил исплатите на 15.02.2019, 18.03.2019 и 12.04 2019, односно во период кога се распишани Претседателските избори 2019 година, со што постапил спротивно на член 8-а став 1 алинеја 2 од Изборниот Законик и член 34 став 1 алинеја 2 од Законот за спречување на корупција и судир на интереси. /МИА

Фудбал

Реал и Модриќ постигнаа договор за продолжување на договорот

Лука Модриќ и Тони Крос најверојатно ќе останат во Реал Мадрид.

Претходно се дозна дека клубот е подготвен да ја продолжи соработката со овие играчи.

Според „Марка“, претседателот на Реал Мадрид, Флорентино Перез, во последните часови имал средби со Модриќ и Крос. Мадриѓаните веќе постигнаа начелен договор со хрватскиот играч за врска за продолжување на договорот. Ја прифати новата улога во тимот - Лука сезонава поретко се појавува во стартниот состав.

Што се однесува до Крос, клубот сè уште не постигнал договор со него. Но и Германецот е блиску до продолжување на договорот за една сезона./МИА