За претседателот Пендаровски, иако се уште постојат, шансите се минимални. Како што вели во интервју за Дојче Веле, тоа е резултат на обидот идентитетските прашања да се стават на преговарачка маса, во услови кога за тоа никој никаде во светот не преговара.
-Нашата „изненаденост" може да се оправда со фактот дека Декларацијата на бугарското собрание и нивниот објаснувачки меморандум до ЕУ несомнено излегоа надвор од рамките на билатералниот договор. Тука ние немавме практично никаков маневарски простор за било каков одговор, затоа што барањата на Бугарија се однесуваа на прашања за кои не се преговара, оценува Пендаровски за Дојче Веле.
За вицепремиерот за европски прашања, Никола Димитров, Македонија изгубила генерации чекајќи го решението со Грција, потоа со Франција околу методологијата, а сега со Бугарија. Во интервју за „N1“ потенцира дека како влада немаат намера да кренат раце од европската иднина, но во исто време, ниту да дозволат да биде допрен македонскиот иднетитет.
-Така што оние кои прават компарација и кои велат „ако доволно долго ги притиснеме, пак ќе може да има .Компромис прават на некој начин", ние велиме „сметка без крчма" бидејќи македонскиот идентитет е нешто околу кое што не можеме да направиме компромис без разлика со каков притисок би се соочиле и ќе се соочиме, вели Никола Димитров, вицепремиер за европски прашања.
Нова шанса за македонските преговори се очекува на Советот за општи работи на 8 декемри, од чиј исход ќе зависи и одржувањето на првата меѓувладина Конференција за земјава.