Свет

Пекинг: Во кинеско-американските односи нема место за менталитетот на Студената војна

Продолжувањето на пинг-понг дипломатијата служи како потсетник за САД дека кинеско-американските односи не треба да бидат доминирани од менталитетот на Студената војна и оти не треба да има простор за идеолошки линии или конфронтации, изјави портпаролот на кинеското Министерство за надворешни работи Жао Лиџиен, пренесе кинеската медиумска групација (ЦМГ).

Кина и САД ќе ги здружат силите во мешани двојки на Светското првенство во пинг-понг во 2021 година, по повод 50-годишнината од пинг-понг дипломатијата, соопшти во понеделникот Меѓународната федерација за пинг-понг. „Тоа е нешто за кое треба да се радуваат љубителите на пинг-понг и спортската заедница на Кина и САД, како две нации кои го поддржуваат кинеско-американското пријателство, рече Жао на редовна прес-конференција во Пекинг.

Пред 50 години, американскиот тим за пинг-понг беше поканет од кинески колеги да ја посети Кина на крајот на 31-то Светско првенство во Нагоја, Јапонија. Американските пингпонгари слетаа во Пекинг на 10 април 1971 година, станувајќи првата американска група што го посетила од основањето на Народна Република Кина во 1949 година. Кинескиот тим отиде во возвратна посета на САД следната година.

Се верува дека овие настани на крајот создадоа услови за историската посета на тогашниот американски претседател Ричард Никсон на Кина во 1972 година, кога студената војна беше во полн ек, што јасно ја постави насоката за нормализирање на кинеско-американските односи во годините што следеа.

– Најважната инспирација од ова поглавје од историјата е дека сè додека се придржуваат до заемно почитување и рамноправен третман, земјите со различно историско потекло и социјални системи можат да постигнат мирен соживот и соработка во која имаат корист сите страни, подвлече Жао.

Шоу биз

Синот на Шерон Стоун стана актер

23 годишниот Роан Џозеф Стоун тргна по актерските стапки на својата славна мајка, холивудската ѕвезда Шерон Стоун.

Сексапилната актерка не го криеше задоволството што нејзиниот наследник стана актер, пишува Daily Mail.

Шерон Стоун воодушевене од новиот ангажман на синот на интернет објави фотографија од Роан.

"Роан Џозеф Стоун. Прв ден на снимање. Добре дојдовте во семејниот бизнис, дете. Забавувајте се", напиша гордата мама.

Честитки дојдоа од сите страни. Обожавателите напишаа дека е убав и едвај чекаат да го видат на големите или малите екрани.

Да потсетиме дека Шерон го посвои Роан со нејзиниот поранешен сопруг Фил Бронстин во 2000 година.

Македонија

Демократски сојуз: Полицијата да обезбеди услови за фер избори

Демократски сојуз на сите полицајци и припадници на службите за безбедност, им го честита 7 Мај, ДЕНОТ НА ПОЛИЦИЈАТА и им посакува успешно извршување на сложените безбедносни задачи.

Празникот се совпаѓа и со изборите за претседател на државата и за пратеници, каде за жал, улогата на полицијата е клучна за обезбедување стабилност и услови за мирни и фер избори.

Овие денови се клучни за да спречите нерегуларности, притисоци, купување на гласови, организирање на „Бугарски воз“ или нарушување на изборниот процес на кој било начин (насилство итн).

Инаку полицијата и службите за безбедност извршуваат тешки, одговорни и сложени безбедносни задачи, но последните години се со ниски примања. Така, главен оперативец задолжен за спречување и откривање на тешки кривични дела прима плата од околу 45 илјади денари, а јавен обвинител околу 130 илјади денари.

Затоа предлагаме двојно зголемување на платите и нивно усогласување со платите на обвинителите и судиите.

Честит празник!

Забава

Екипата од Туминец повторно најуспешна на велигденскиот фудбалски турнир на Општина Пустец

Фудбалската екипа од село Туминец е победник на годинaшниот турнир одржан во Долна Горица, општина Пустец. Младите фудбалери од Туминец беа подобри во финалето против екипата на Горна Горица.

Фудбалскиот турнир организиран од Општина Пустец, традиционално се одржува по повод големиот празник Христовото воскресение - Велигден, кога Македонците, кои живеат и работат во други земји, главно во соседните, се враќаат во родните села.

На турнирот, што годинава беше посветен на Васил Јанкула, кој почина на трети минатиот месец, учествуваa екипи од сите села на општината.

Градоначалникот Пали Колефски ѝ го врачи пехарот на фудбалската екипа на Туминец, предводена од капитенот Драган Вурмо, која повеќе години по ред е победник на велигденскиот фудбалски турнир.

- Најпрво ви го честитам големиот празник, Христовото Воскресение - Велигден, со желби за здравје и благосостојба. Честитки за победата, а и на сите учесници за фер однесувањето на натпреварите. Моја порака и голема желба, е, да продолжиме со оваа убава традиција, посака Колефски.

Сите екипи, учесници, како и досега, соодветно беа наградени од општината.