Печено јагнешко бутче - Канал 5

Рецепти

Печено јагнешко бутче

Мирисно, сочно и полно со вкусови – ова печено јагнешко бутче е вистински празничен специјалитет што буквално се топи во уста.

Печено јагнешко бутче

Долгото маринирање и бавното печење му даваат совршена мекост и богат вкус.

Состојки за маринада:

3 чешниња лук

1 кафена лажичка оригано

1 кафена лажичка мајчина душица

1 супена лажица рузмарин

сок од 1 лимон

2 супени лажици алкохолен оцет

3–4 супени лажици сол

1 морков

За печење:

1 јагнешко бутче (околу 3 кг)

200 мл масло

200 мл бело вино

1 млад кромид

1 лимон

1 кг млади компири

700 мл вода

2 супени лажици сув зачин

Подготовка:

Јагнешкото бутче измијте го добро под млаз ладна вода. Со остар нож направете мали засечоци (џебови) во месото. Во секој засек ставете по едно чешне лук и парче морков. Во сад измешајте ги ориганото, мајчината душица, рузмаринот, сокот од лимон и оцетот. Бутчето посолете го рамномерно, а потоа премачкајте го со подготвената маринада. Завиткајте го во фолија и оставете го во ладилник 24 часа за да ги впие вкусовите.

Во тава наредете исечен млад кромид, морков и лимон, како и излупени млади компири. Врз нив ставете го маринираното јагнешко бутче. Во тавата додадете вода, бело вино и масло, а одозгора посипете со сув зачин.

Покријте ја тавата со алуминиумска фолија и печете во загреана рерна на 170°C околу 3 часа. По истекот на времето, отстранете ја фолијата, прелијте го месото со течноста од тавата и вратете го во рерна да се запече на 200°C додека убаво не зарумени.

Тагови: рецепт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Денеска нови цени на нафтените деривати

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ и Арина Сабаленка ги добија своите противници на Ју-Ес Опен

Најтрофејниот свтески тенисер во историјата Новак Ѓоковиќ и најдобрата светска тенисерка Арина Сабаленка ќе се соочат со Френсис Тиафо и Лејла Фернандез во осминафиналето на Грен слемот во Њујорк,  УС Опен во конкуренција на мешани двојки.

Новак Ѓоковиќ и Арина Сабаленка ги добија своите противници на Ју-Ес Опен

Ќе видиме како домашната публика ќе реагира на мечот против северноамериканскиот пар и кого ќе го поддржува, а според моменталната ситуација, натпреварот е закажан за утре, 25 август.

Во евентуалното четвртфинале, ги очекуваат победниците од дуелот меѓу брачниот пар Гаел Монфис и Елина Свитолина, односно Алекс Ил и Феликс Оже-Алијасим.

И Александра Круниќ би можела да се најде во главната ждрепка доколку таа и Мате Павиќ ги победат Пејтон Стернс и Кристијан Харисон.

Меѓу поинтересните парови во главната ждрепка се Карлос Алкараз и Серена Вилијамс, кои ги очекуваат своите противници од квалификациите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВРЕДИ: Груби пред правдата, „пеењето“ на Бујар даде резултат…

Денес „пеењето“ на Бујар Османи добива поинакво значење: Артан Груби е пред правдата, а Бујар сè уште го чека моментот да направи чекор кон лидерската позиција во ДУИ.

ВРЕДИ: Груби пред правдата, „пеењето“ на Бујар даде резултат…

Со месеци Бујар молчи за Груби, иако некогаш двајцата беа на врвот на ДУИ. Денес се однесува како никогаш да немале заедничка политичка историја.

Наместо мандатот како министер за надворешни работи да го користи во интерес на државата, Бујар го искористи и за своите внатрепартиски пресметки во ДУИ, „пеејќи“ де ваму де таму и правејќи сметки за преземање на раководството на ДУИ.

Денес сценариото станува сè појасно: Груби пред судот, Али Ахмети под притисок, а Бујар ја чека фотелјата на претседателот на ДУИ.

Но, прашањето е едноставно: зошто Бујар молчеше за Груби кога беа заедно на врвот на ДУИ? Што знае тој за оваа приказна и зошто денес се однесува како Груби никогаш да не постоел?

Зашто во политиката, понекогаш не е важно само кој зборува, туку и зошто досега молчел.

Ако „пеењето“ на Бујар било за правда, нека го каже тоа отворено. Ако било за власт и за фотелјата на Али Ахмети, тоа веќе сите го разбираат.

Груби нека одговара пред правдата. Бујар нека им одговори на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер