Папараците „ја уловија“ Синди Крафорд во незгоден момент- никој не ја препознава (ФОТО) - Канал 5

Шоу биз

Папараците „ја уловија“ Синди Крафорд во незгоден момент- никој не ја препознава (ФОТО)

Легендарната американска манекенка Синди Крафорд е позната по своите беспрекорни фотографии и изданија, знае како да комуницира со фотоапаратите и да се покаже во најдобро можно светло.

Папараците „ја уловија“ Синди Крафорд во незгоден момент- никој не ја препознава (ФОТО)

57-годишната Синди била уловена од папараците додека излегувала од ресторан во Малибу и направила смешен и симпатичен израз на лицето со кој не сме навикнати да ја гледаме, поради што не било лесно да се препознае.

Синди е една од ретките дами која и денес е верна на својот природен изглед, а освен ригорозните вежби кои ѝ го одржуваат телото цврсто, таа е поборник за природниот изглед, а нема направено никакви естетски зафати.

Инаку, Синди е мажена за Ранде Гербер, кого го запознала на свадба и веднаш се спријателиле. Во тоа време Гербер повремено работел и како модел, но подоцна се префрлил на претприемништвото на кое се фокусирал.

И двајцата биле со други партнери во времето кога се запознале, а Синди во тоа време дури била во брак со Ричард Гир, но набрзо се развеле. Подоцна, таа зборуваше за тоа како нејзиниот прв брак не успеал бидејќи се омажила премногу млада, а се шпекулираа дека Ранде можело да биде причина за нивните неволји.

„Ниту Ранде, ниту јас не планиравме да запознаеме некого во тој момент од животот. Тој имаше девојка, а јас бев мажена“, изјави таа години подоцна во едно интервју и дека не се смириле додека двајцата не биле соло.

Додека не започнале романтична врска, добро се запознале и биле пред сѐ пријатели, а Синди вели дека токму тоа е рецептот за среќен брак. Тие се венчале на Бахамите на 29 мај 1998 година, а манекенката до олтарот пристигнала боса на плажата. Двајцата опишале како нивната венчавка била убава и лежерна и не правеле премногу врева за сѐ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Првиот електричен Ferrari е веќе целосно распродаден

Првиот целосно електричен модел на Ferrari, Luce, можеби не ги освои симпатиите на љубителите на автомобили на социјалните мрежи, но тоа не ги спречи купувачите да резервираат речиси секој планиран примерок.

Првиот електричен Ferrari е веќе целосно распродаден

Иако моделот се соочи со критики во врска со дизајнот и преминот на Ferrari кон електричен погон, првичната серија на производство е веќе целосно распродадена.

Ова потврдува дека јавното мислење не секогаш се совпаѓа со желбите на купувачите кои можат да си дозволат огромни суми за ексклузивни автомобили.

Повикувајќи се на два извори запознаени со плановите на компанијата, Financial Times известува дека Ferrari планирало да продаде нешто помалку од 500 примероци од моделот Luce во текот на првата година, пренесува Računalo.com.

Според извештаите, целата планирана серија на производство за првата година била распродадена уште на почетокот на овој месец, и покрај почетната цена од 550.000 евра (без данок).

Иако Ferrari ги демантираше тврдењата дека купувачите мора да го нарачаат моделот „Luce“ за да го задржат својот привилегиран статус кај брендот, многумина сметаат дека овој фактор можеби придонел за големата побарувачка.

Наводно, од дилерите било побарано да не вршат притисок врз долгогодишните колекционери на Ferrari да го купат „Luce“, туку да се фокусираат на нови купувачи – особено на богати клиенти во Кина и во технолошките центри како Силиконската долина, каде што електричните автомобили веќе се широко прифатени.

Се чини дека оваа стратегија дава резултати. Според „Фајненшл тајмс“ (Financial Times), Ferrari планира да продаде приближно 2.500 примероци од моделот „Luce“ до 2030 година, што изнесува околу 600 возила годишно.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Уапсен добитникот на 167,3 милиони долари на лотарија

Џејмс Фартинг, добитник на една од најголемите лотариски награди во историјата на Кентаки, повторно е уапсен – што е четврти пат откако го освоил џекпотот вреден повеќе милиони долари. 

Уапсен добитникот на 167,3 милиони долари на лотарија

Педесет и едногодишниот Фартинг од Џорџтаун бил уапсен во неделата, на 26 јули, под обвинение за семејно насилство.

Според затворските евиденции до кои дојде списанието *People*, тој се товари за семејно насилство што вклучува давење и напад од четврт степен со нанесување полесни телесни повреди. Тој моментално се наоѓа во притвор во затворот на округот Скот.

Во април, тој освои 167,3 милиони долари на лотаријата „Пауербол“ (Powerball), што претставуваше најголема добивка во историјата на Кентаки.

Тогаш Џејмс изјави дека планира да ги подели парите со својата мајка, Линда Гризл. „Ќе биде убав Ден на мајката. Ова ќе ми помогне да ги отплатам долговите“, изјави тогаш неговата мајка.

Според полицискиот извештај, наводната жртва – чиј идентитет не е откриен – изјавила дека дошло до расправија по возењето со брод.

За време на расправијата, тој наводно ја фатил за вратот со двете раце, отежнувајќи ѝ го дишењето. Тој се појави пред судот во вторникот, на 28 јули, и се изјасни дека не е виновен. Судот одреди кауција од 15.000 долари, му забрани контакт со наводната жртва и нареди да носи уред за електронски надзор за да се обезбеди почитување на забраната за контакт.

Ова не е првпат добитник на лотарија да има проблеми со законот по голема добивка. Само неколку дена откако го освоил џекпотот, тој бил уапсен на Флорида, каде што се соочил со обвиненија за напад врз полицаец и давање отпор при апсење.

Тагови: милион долари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Популарна српска актерка воодушеви со танц на плажа

Актерката Анѓелка Стевиќ Жугиќ повторно ги воодушеви своите следбеници на социјалните мрежи, овој пат со шармантно видео од нејзиниот летен одмор, кое брзо собра повеќе од 5.000 реакции.

Фото: Популарна српска актерка воодушеви со танц на плажа

Анѓелка објави видео со натпис „Разгледница од море. Поздрав од брегот“, на кое се гледа како таа оди боса во бикини по карпеста плажа.

Поради острите камења, секој чекор изгледа како мал танц, што ги поттикна многумина на шега да коментираат дека таа изгледа како да игра оро.

Објавата предизвика бројни позитивни реакции, а следбениците не штедеа пофалби за нејзиниот изглед, природност и смисла за хумор. „Жена со природна убавина и одлично тело! Секоја чест што ја одржуваш таа линија“, напиша еден следбеник.

Други се пошегуваа: „Танц на туристи врз прекрасните камчиња, за кои отсекогаш ни велеле дека лечат рамни стапала“, ...

Таа уште еднаш покажа дека за привлекување внимание не е потребен спектакл – доволни се малку хумор, опуштеност и летна атмосфера.

https://www.instagram.com/reel/DbQeje3tOWA/?utm_source=ig_embed&utm_campaign=loading

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер