Барем така гласи теоријата која ја застапуваат многу денешни физичари.

Сепак, најновото истражување укажува на тоа дека би можеле да постојат црни дупки кои би можеле да ни донесат некој вид на бесмртност.

Тие би го избришале, односно уништиле целиот претходен живот на лицата кои би влегле во нив и би ги заробиле во паралелен универзум со бесконечен број на можни иднини.

Тоа е затоа што универзумот “од другата страна“ не би бил регулиран со правилото на причина и последица кое важи во нашиот систем.

Математичарот Питер Хинц дошол до ова откритие со помош на пресметката заснована на точно одреден тип на црни дупки со електричен набој, пишува „Дејли меил“.

Во вистинскиот свет, нашето минато ја одредува нашата иднина и овој детерминизам владее во законите на физиката. Тоа значи дека законите на физиката во нашиот универзум дозволуваат постоење на само една можна иднина.

На пример, кога научниците би знаеле како всушност настанал универзумот, би можеле во теорија да пресметаат што ќе се случи до смртта на вселената и крајот на времето.

Но, во Рајснер-Нордстром-де Ситер црните дупки, овој детерминизам не важи.

Кога вселенскиот патник би “паднал“ во овој вид на релативно бенигни црни дупки, постои можност да преживее. А доколку успее да ја избегне сингуларноста на црната дупка, би се нашол во некој друг вид на универзум, од другата страна на црната дупка.

Не е познато што би се случувало понатаму, со оглед на тоа дека не би постоел причинско-последичен систем.

Резултатот од тоа најверојатно би бил таков што минатото, сегашноста и иднината би постоеле во исто време.

Хинц инаку ги проучувал неротирачките црни дупки кои во рамките на хоризонтот на случувањата имаат Кошиев хоризонт – место на кое минатото престанува да ја одредува иднината.

Денешните физичари сметаат дека ниту едно човек не би можел да го помине Кошиевиот хоризонт од проста причина затоа што тоа не го преживеал. За време на движењето кон оваа точка, времето би почнало да се забавува, а патникот на едно место би се нашол со честичките на светлината, многу силните гравитациони бранови и се останато што црната дупка би го привлекла во тој момент.

Сепак, докторот Хинц тврди дека Рајснер-Нордстром-де Ситер црните дупки се исклучок.

„Нормално ниту еден физичар нема да отиде таму тоа да го провери. Станува збор за математичко прашање. Сепак, овој проблем има и физика, па и филозофски импликации, поради што и ме привлече“ – објаснил тој.

Истражувањето е објавено во магазинот „Physical Review Letters”.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.