Пациентите со малигни заболувања тврдат дека се оставени без соодветна терапија - Канал 5

Здравје

Пациентите со малигни заболувања тврдат дека се оставени без соодветна терапија

Дали и зошто државата штеди на грбот на болните од канцер? 

Пациентите со малигни заболувања тврдат дека се оставени без соодветна терапија

Ова прашање се поставува откако пациенти на Онкологија и нивни блиски тврдат дека проблеми со добивање на современата терапија која се набавуваше со години наназад преку тендер, дури и во време на пандемија, сега со месеци ја нема. Некои од нив не успеале да се изборат со болеста, но нивните роднини апелираат итно да се набават терапиите, бидејќи секој има право на лек и на надеж за живот. Таков е случајот со Марија Мраовиќ, чија мајка била онколошки пациент, но за жал починала.

-Во јануари кога требаше да ја подигне кутијата, апчињата ги немаше три недели, па ги подигна на 10 февруари. Потоа, откако ги зема, тие се пијат 21 ден па се прави пауза, требаше да ги прима мускулните инекции. По ова, пак отиде, но повторно немаше таблети, па и во март кога требаше да биде на инекции и да ја подигне терапијата, пак ги немаше лековите. Во април веќе и се појави метастаза на црн дроб. Јас лично сметам дека ако немаше пропусти во терапијата нејзиниот живот немаше да заврши толку брзо, таа сакаше да живее. Освен на здужението „Борка“ за недостатокот на лековите му пишав и на министерот, а нормално и на Директорот на Клиниката. Не добив од нив повратен одговор, само од здружението.Марија Мраовиќ.

Терапијата инаку чини околу 3.000 евра месечно, ако семејството, во приватна режија, успее да го набави. Оние кои немаат толку пари за месечна терапија, се оставени на милост и немилост на државата. Канал 5 контактираше со повеќе онколошки пациенти кои тврдат дека не добиваат терапија или поради недостатокот им се дава половична доза. Сепак, поради страв за тоа како ќе бидат понатаму третирани во болница, пред камера не сакаа да говорат.

Канал 5 упати прашања до Министерството за здравство дали и зошто се скратени парите од програмите наменети за набавка на посовремена терапија. Оттаму на ова не дадоа конкретен одговор, но велат оти по стапување на функција на министер, Беким Сали, останал зад заложбата за континуирано обезбедување на најсовремена терапија. Дополнително, велат од Министерството „средствата за пациентите со малигни заболувања се обезбедуваат во рамки на буџетот на самата установа за што претходат преговори со ФЗОМ“.

Во меѓувреме, пак, обвинување дека Министерот Беким Сали ја скратил програмата и буџетските сретства за лековите за пациентите со ХИВ, пристигна и од Здружението за поддршка на луѓе со ХИВ „Заедно посилни“.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC.

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC, институција која располага со инвестициски капацитет од 205 милијарди долари и претставува значаен инструмент на САД за мобилизирање приватен капитал и инвестиции во стратешки сектори.

Разговаравме за можностите за продлабочување на соработката и отворање нови перспективи за инвестиции во Македонија, особено во стратешки области како енергетиката, високите технологии и современата инфраструктура.

Нашата цел е преку силното стратешко партнерство со Соединетите Американски Држави да создадеме нови можности за економски развој, привлекување инвестиции и подобар стандард за граѓаните, напиша на својот профил на Фејсбук, премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Се огласија сирени во два полски града, затворени и аеродромите

Полска привремено затвори два аеродрома поради воени дејствија на руските воздухопловни сили во соседна Украина. 

Видео: Се огласија сирени во два полски града, затворени и аеродромите

Пријавени се експлозии во близина на полско-украинската граница.

Оперативната команда на полските вооружени сили соопшти дека активностите во воздушниот простор се поврзани со руските напади со беспилотни летала во Украина, пренесува LBC.

Украински претставник потврди дека за време на денешниот руски напад со беспилотни летала, се слушнале експлозии на неколку километри од границата со Полска, која е членка на НАТО. Во Жешов и Лублин, во источниот дел на земјата, се огласија сирените за воздушна опасност, а граѓаните беа предупредени да побараат засолниште.

„Копнените системи за противвоздушна одбрана и системите за радарски надзор се во состојба на целосна готовност“, соопштија Полските вооружени сили.

Од командата додадоа дека станува збор за превентивни мерки насочени кон обезбедување и заштита на воздушниот простор, особено во областите што граничат со загрозените региони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Инспекциските служби на Општина Центар за една недела изрекоа глоби, во износ од 1.300 до 1.800 евра, за четири градилишта на територијата на локалната самоуправа.

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Казните се изречени поради оставање градежен материјал и градежен шут на јавни површини, со што биле нарушени комуналниот ред и јавната чистота, а биле отежнати движењето на пешаците и одвивањето на сообраќајот.

„Нашите инспектори се на терен и будно ја следат состојбата на активните градилишта. Контролите продолжуваат, а особено внимание посветуваме одржувањето на чистотата и непреченото користење на јавниот простор. Секој што нема да ги почитува прописите ќе биде соодветно санкциониран“, порача градоначалникот на Општина Центар Горан Герасимовски.

Од Општина Центар апелираат до инвеститорите и градежните компании да не оги узупираат а јавните површини, да ги почитуваат законските обврски и да се грижат за безбедното движење на граѓаните.

Инспекциските контроли продолжуваат со засилен интензитет.

Тагови: Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер