На првата патарина од Тетово кон Гостивар беше поставена бина во форма на автопат, а на столчињата пред нејзе седнаа речиси сите владини министри, пратеници од власта и лидерите на партиите, како и дипломати во земјава..
Премиерот Ковачевски, порача дека изградбата на предвидените коридори, ќе ја направи земјава главна крстосница и неизбежна рута на западен балкан.
-Вакво нешто, никогаш, во историјата на нашата држава не било направено. До денес овие два коридора биле само план на хартија кој никогаш не бил реализиран од најразлични причини. Денес тоа се менува и започнува нивната реализација. За прв пат како држава, се поврзуваме кон запад и исток, а не како досега само поврзување север и југ. Ако Македонија досега беше кружен тек, сега станува вистинска крстосница на Балканот, тоа е нашата иднинина, - Димитар Ковачевски.
Од говорницата се обрати и првиот вицепремиер Артан Груби, кој носеше и симболична маичка на која беше испечатен пат и бројот 8, како бројот на коридорот.. За значењето на проектот говореше и лидерто на ДУИ, Али Ахмети.
-Да го подобриш животот на луѓето, да го олесниш движењето нивно, да придонесеш во унапредувањето и директно да влијаеш во развојот на економиојата и на државата и пред се и над се, да поставиш и изградиш мостови и врски во еден цел Балкан е вистински светла работа, што директно ќе придонесе за уште посилно поврзување на пријателствата, -Али Ахмети – Претседател на ДУИ.
Меѓу присутните на свеченоста беше и амбасодарката на САД, Анџела Агелер, која се обрати на македонски јазик, велејќи дека ова е посебен ден за Македонија, Западен Балкан но и за Европа.
Ова е повеќе од една обична инвестиција во патиштата во Македонија, ова е инвестиција во иднината на Македонија и иднината на сите земји поврзани со коридорот 8 и пошироко.
Делницата Тетово-Гостивар е првата чија изградба ќе почне. Во текот на годината „Бехтел и Енка“ треба да ги почнат и останатите 3 делници од договорот, а сите автопати треба да ги завршат за 5 години.
Коридорот 8 ќе ги поврзува Тетово, Гостивар, Бојкочане, Требеништа, Струга и Ќафасан, додека пак коридорот 10д Прилеп и Битола. На 22ри месецов ќе започне проекцијата на двата коридори. Изградбата ќе чини 1,3 милијарди евра и ќе се потрошат уште околу 300 милиони експропријација.