Овој град е прогласен за најсреќен град во светот - Канал 5

Забава

Овој град е прогласен за најсреќен град во светот

Официјалнио е прогласен наjсреќниот град во светот, а годинава титулата ја понесе европската престолнина.

Овој град е прогласен за најсреќен град во светот

Годишниот „Индекс на среќни градови“ анализира неколку клучни фактори за утврдување на тоа колку е „среќен“ еден град. Градовите се оценуваат според управувањето и граѓанскиот ангажман, економијата, здравството, животната средина и мобилноста - сето тоа со цел да се процени колку се задоволни нивните жители.

„Град длабоко посветен на одржувањето на животната средина“

А победникот оваа година? Копенхаген.

Според индексот, данската престолнина е „витален центар на културата, управувањето и економската активност“. Копенхаген според оценувањето на индексот постигна импресивни 1039 поени, што го доведе на самиот врв од рангирањето. Градот е „длабоко посветен на одржувањето на околината и 69 проценти од сообраќајот се одвива на еколошко прифатлив начин.

Копенхаген може да се пофали со сопствен Музеј на среќата. Овој „мал музеј за големите нешта во животот“ им објаснува на посетителите зошто Данска е меѓу најсреќните земји во светот.

Копенхаген е главен и најголем град на Данска. Се наоѓа на источниот брег на островот Зеланд (дански: Sjælland) и делумно на островот Амагер. Од 2000 година, е поврзан со шведскиот град Малме преку мостот Ересунд. Повеќе од 600.000 луѓе живеат во тесното градско подрачје, а целата градска агломерација има над 1,3 милиони жители.

Цирих е на второ место, а Сингапур на трето место

Цирих го освои второто место со вкупно 993 поени. Најголемиот град во Швајцарија е познат по својата економска сила, високиот квалитет на живот и посветеноста на екологијата. Градот нуди бројни еколошки опции за транспорт, силни иницијативи за обновливи извори на енергија и квалитетен здравствен систем.

Најдобро рангиран град надвор од Европа е Сингапур, кој со вкупно 979 поени го освои третото место на листата. Високо е оценет благодарение на своите „светски познати универзитети“, високото ниво на граѓански ангажман и екстремно ниската стапка на невработеност.

Орхус, уште еден дански град, го освои четвртото место со 958 поени. Како втор по големина град во земјата, Архус има „силна економија“ и високо ниво на граѓанска ангажираност. Антверпен во Белгија ја затвора првата петорка со 956 поени, со што го престигна Сеул кој беше на шестото место (942 поени).

Лондон, Њујорк

Лондон, најдобро рангираниот град од Обединетото Кралство, не се најде меѓу првите 20, туку се пласираше на 31-вото место. Сепак, постигна високи 842 поени и беше пофален за својата „обемна и ефикасна мрежа на јавен превоз“. Тој е нешто пониско рангиран поради високата стапка на дебелина (26 проценти). Следниот најсреќен британски град е Јорк (63-то место) со 771 бод, додека Рединг е рангиран на 88-мо место со 742 бода.

Манчестер (101-во место, 713 поени) и Бристол (103-то место, 708 поени) ја заокружуваат листата на петте најсреќни британски градови.

Њујорк е најдобро пласираниот американски град со 902 поени се најде на 17-тото место. Заработи високи оценки за образование, граѓанска ангажираност и одржување на околината. Сепак, падна на ранг-листата поради послабите резултати во областа на здравството - стапката на дебелина во Њујорк е 41,9%.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Прво Гостивар, сега Валандово - кој град е следен?

По масовното труење во Гостивар, каде илјадници граѓани пиеја загадена вода со недели, сега и во Валандово водата од градскиот водовод не е безбедна за пиење. 

СДСМ: Прво Гостивар, сега Валандово - кој град е следен?

Лабораториските анализи покажаа зголемено ниво на арсен. ЈП „Комунален сервис“ Валандово и Институтот за јавно здравје ги предупредија граѓаните да не ја користат водата за пиење.

Ова повеќе не е локален проблем туку е системски проблем на цела држава.

Проблем на еден човек - Христијан Мицкоски и на организираната криминална група ВМРО која ја презеде државата.

Оваа влада не знае да управува со основните работи што се однесуваат на здравјето и безбедноста на граѓаните.

Нема капацитет, нема стручност, нема системска контрола.

Единственото што добро го познаваат се криминалните тендери и личното богатење.

Во Гостивар дозволија луѓето да се трујат со фекално загадена вода. Сега во Валандово имаме арсен во водата за пиење. Утре ќе биде некој друг град.

Кога институциите не функционираат, кога контролата е слаба, кога се поставуваат луѓе според партиска послушност, а не според стручност - резултатот е токму ова: граѓаните остануваат без безбедна вода за пиење.

Мицкоски и неговата структура се занимаваат со базени, реконструкции и медиумски настапи.

Во меѓувреме, основните системи што треба да го штитат животот на луѓето се распаѓаат.

Ова е последица на нестручност, незнаење и целосен фокус на лични и партиски интереси.

Прашањето повеќе не е само „што се случува во Гостивар“ или „што се случува во Валандово“.

Прашањето е: кој град е следен?

Скопје, 23.07.2026

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Владата предводена од ВМРО-ДПМНЕ инвестира во младите

Владата предводена од ВМРО-ДПМНЕ инвестира во младите, ги вреднува социјалните работници и создава политики за силни семејства.

ВМРО-ДПМНЕ: Владата предводена од ВМРО-ДПМНЕ инвестира во младите

Владата предводена од ВМРО-ДПМНЕ продолжува со реализација на конкретни политики кои носат подобар животен стандард, посилна социјална заштита и долгорочен развој на државата.

Како дел од реформите во социјалниот сектор, потпишан е нов Колективен договор со кој платите на вработените во центрите за социјална работа се зголемуваат за 20 проценти. Со ова се исправа долгогодишната неправда кон социјалните работници и се вреднува нивниот професионален ангажман во обезбедувањето поддршка за најранливите категории граѓани.

Воедно, Владата го донесе Националниот план за управување со Европската младинска картичка за периодот 2026 – 2028 година и во тек се активности за објавување јавен повик за избор на оператор кој ќе биде задолжен за имплементација, развој и одржливо управување со нејзиниот систем.

Оваа мерка на младите ќе им овозможи полесен пристап до бројни поволности, услуги, образовни и културни содржини, како и можности во државата и низ Европа.

Паралелно, во соработка со УНФПА започна подготовката на Национална стратегија за демографски развој и отпорност, која, преку инвестиции во човечкиот капитал и рамномерниот регионален развој, ќе овозможи креирање сеопфатни политики за поттикнување на повратните миграции, поголема поддршка за семејствата и справување со негативните демографски предизвици.

Владата останува доследна на својата определба да спроведува политики што даваат конкретни резултати и ќе продолжи да применува мерки кои ги јакнат институциите, ги подобруваат условите за работа, отвораат нови можности за младите и создаваат сигурна иднина за македонските семејства.

Граѓаните заслужуваат ефикасни институции и политики што носат долгорочни придобивки, а токму тоа е правецот по кој се движи Владата предводена од ВМРО-ДПМНЕ.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Непроштено ќе се одбележат 25 години од киднапирањето и свирепото убиството на жителите

Во тетовското село Непроштено денеска ќе се одбележат 25 години од киднапирањето и свирепото убиството на жителите на ова населено место.

Во Непроштено ќе се одбележат 25 години од киднапирањето и свирепото убиството на жителите

Комеморацијата ќе се одржи во спомен-паркот со панихида и полагање цвеќе пред спомен-обележјето.

Потоа ќе следува и обраќање на иницијативниот одбор.Со ова се одбележува годишнина од свирепото убиство на Стојан Михајловски, како и од исчезнувањето на крсто гоговски, цветко михајловски и васко Михајловски кои се дел од 12-те македонци киднапирани во 2001 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер