Шоу биз

Овој актер го игра Владимир Путин, а еве како го маскираа: „Не се плашам од последици, но се скрив во глувчешка дупка додека се подготвував за улогата“

Филмот на режисерот Оливје Асажа „Волшебникот од Кремљ“ беше прикажан синоќа на Венецискиот филмски фестивал. Публиката ова остварување, кое ќе се бори со уште 20 други наслови за „Златен лав“, го поздрави со десетминутни овации.

„Се надевам дека не сум наивен, но не се плашам од последиците“, изјави Џуд Лоу пред новинарите на Венецискиот фестивал, коментирајќи на прашањето дали го загрижува реакцијата на рускиот лидер Владимир Путин.

Филмот го прикажува политичкиот подем на Владимир Путин и неговото доаѓање на власт од перспектива на млад советник кого го глуми Пол Дејно. Тој лик е измислен, но се претпоставува дека е базиран на рускиот политичар Владислав Сурков.

„The Guardian“ пишува дека Дејно е многу неубедлив во оваа улога, додека BBC истакнува дека Владимир Путин е прикажан како мошне блага личност, па „фановите на Џуд Лоу би можеле да се разочараат ако очекуваат во филмот да вика и беснее на потчинетите како кога го толкуваше Хенрик VIII во филмот „Firebrand“ од 2023 година“.

Путин не е главен лик на филмот, кој нуди интригантна и уверлива интерпретација за тоа како настанала Русија на Путин по распадот на СССР, наведува BBC.

„Волшебникот од Кремљ“ е адаптација на истоимениот бестселер на Џулијан да Емполи од 2022 година. Може да се спореди со романот „Wolf Hall“на Хилари Мантел по тоа што зборува за тивкиот, лукав стратег зад престолот, а не за монархот кој седи на него.

View this post on Instagram

A post shared by 🔹Aziz Shaikh🔹 (@moviestalkofficial)

„Не е ракетен научник, но засега ќе биде сосема во ред“

Во филмот, Баранов му објаснува на гостувачки американски академик (Џефри Рајт) дека бил студент на почетокот на 1990-тите кога комунизмот пропаднал и Москва вриела од млади луѓе кои уживале во новите слободи, верувајќи дека никогаш нема да ги изгубат. Сакал да биде актер и театарски режисер, но брзо одлучил дека може да биде повлијателен како телевизиски директор, нудејќи лажни квизови.

Додека ја вршел таа работа, го регрутирал Борис Березовски (вистински олигарх, кого го игра британскиот актер Вил Кин) да му помогне во кампањата за реизбор на остарениот претседател Борис Јељцин: еден трик бил да го врзат Јељцин за столче за да седи исправено и да не падне напред на масата, а потоа врз неговите зборови да преснимаат делови од неговите стари говори. И Березовски и Баранов сметале дека во политиката она што се прикажува може да значи повеќе од реалноста.

View this post on Instagram

A post shared by Jude Law (@d.judelaw)

Јељцин повторно бил избран, но Березовски знаел дека времето на претседателот истекува – како и неговиот режим ориентиран кон пари.

Личноста што Березовски ја имал на ум за премиер, а потоа и за претседател, бил државниот службеник Владимир Владимирович Путин. „Не е ракетен научник, но засега ќе биде сосема во ред“, рекол олигархот.

Березовски згрешил мислејќи дека Путин ќе бара совети од него кога ќе дојде на власт. Наскоро бил протеран од Кремљ, а потоа и од државата.

Филмот испраќа следни пораки: манипулирајте ги работите така што ќе изгледаат како што „обичниот“ свет сака, организирајте јавни настани што се блескави и кичасти, а не достоинствени, за да привлечете што поголема публика. Дозволете да се слушнат некои од вашите најгласни противници, зашто нивните глупости ќе ви го зголемат угледот. Украдете го анти-естаблишментскиот јазик на оние што го користат против вас и научете ги вашите поддржувачи да зборуваат на тој начин: така поддршката за вас и вашата политика ќе изгледа бунтовнички. Не трудете се да ширите проруски пропаганди онлајн, едноставно користете го интернетот за да ширите доволно збунетост и одвлекување на вниманието за луѓето да ја изгубат од вид вистината. А ако некоја телевизија ве критикува – присвојте ја.

„Не бркавме контроверза, Путин е таинствен“

View this post on Instagram

A post shared by Jude Law (@d.judelaw)

„The Guardian“ ја критикува и слабата синхронизација на филмот, додека „BBC“ забележува дека филмот е одмерен и е малку веројатно да стане голем хит, но нуди добар увид во тоа како Путин дошол на власт.

Филмот детално опишува како се развил популизмот на 21. век. „Не се работи само за раѓањето на денешна Русија,“ рече режисерот во интервју за „Variety“, „туку за раѓањето на денешниот свет.“

„Се чувствував безбедно во рацете на Оливје и неговото сценарио, дека оваа приказна ќе биде раскажана интелигентно, слоевито и внимателно. Не бркавме контроверза поради контроверза. Тоа е лик во поширока приказна. Ништо не се обидувавме да дефинираме“, рече Џуд Лоу, па додаде дека се повлекол во „мишја дупка“ додека се подготвувал за улогата.

Истражувал обемен материјал, но не било лесно, бидејќи Путин не открива многу за себе во јавните настапи. „Научив џудо“, истакна тој, а е познато дека рускиот претседател ја обожава оваа боречка вештина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Дип Парпл со важна порака од Иан Гилан, откако итно е однесен во болница

„Дип парпл“ објавија важна порака од пејачот Иан Гилан по неговата хоспитализација.

Ја објавуваме целосно.

„Важна порака од Иан Гилан

Драги пријатели,

Ви благодарам за сите ваши желби за добро здравје и поддршка во последните неколку дена, тоа ми значеше сè.

Имав медицински проблем додека бев во Лајпциг, кој бараше итен болнички третман.

Се надевав дека мојот лекар ќе ми даде дозвола да продолжам со турнејата, но ова ќе значеше многу сериозни ризици за мене.

Како резултат на тоа, и по совет на мојот медицински тим и менаџмент, донесовме одлука да го одложиме остатокот од европската/британската турнеја до понатамошно известување.

Многу ми е жал за евентуалните непријатности што ова може да ги предизвика, но тоа е во најдобар интерес на сите.

Ви благодарам за разбирањето.

Со почит,

IG“, се вели во соопштението.

Свет

Трамп се подготвува за изборен пораз- најавува помилувања на соработниците, меѓу кои е и Маск

Американскиот претседател Доналд Трамп изјави дека е подготвен однапред да ги помилува своите соработници за да ги заштити од евентуално гонење доколку демократите ја преземат контролата врз Конгресот по утрешните конгресни избори.

Тој исто така рече дека ќе го заштити милијардерот Илон Маск доколку тој биде цел на истраги.

Трамп зборуваше за ова во интервју со новинарката Миранда Девајн за подкастот „Pod Force One“, кој беше објавен денес, еден ден пред среднорочните избори во САД.

Кога беше прашан дали превентивно би помилувал луѓе кои работеле во неговата администрација доколку им се закани со гонење, тој одговори: „Би го направил тоа, доколку е потребно. Секако.“

Кога новинарот дополнително го праша дали би им обезбедил таква заштита на сите свои соработници, Трамп беше уште порешителен.

„Не би ни помислил на тоа. Едноставно би го направил тоа“, рече тој.

Во исто време, Трамп потсети дека по враќањето во Белата куќа, помилувал околу 1.500 луѓе поврзани со нападот врз американскиот Капитол на 6 јануари 2021 година.

Трамп: Ако тргнат по Маск, ќе го заштитиме

Тој конкретно се осврна на Елон Маск, сопственикот на Тесла и СпејсИкс, кој за време на вториот мандат на Трамп учествуваше во работата на американската администрација и ја предводеше иницијативата за намалување на владините трошоци позната како DOGE.

Кога беше прашан за можноста демократите да покренат истраги против Маск или да се обидат да му ги запленат средствата, Трамп одговори дека таквите најави засега се само зборови.

„Ова се само приказни. Но, ако тоа се случи, ќе мора да ги заштитиме“, рече тој.

Во исто време, Трамп ја отфрли можноста за национализација на SpaceX, за која дискутираа некои демократски политичари. Тој го спомена и Едвард Користин, млад соработник кој работеше во проектот DOGE на Маск.

Пред изборите, Маск е еден од најважните финансиски поддржувачи на републиканците. Според „Аксиос“, тој потрошил речиси половина милијарда долари за антидемократски политички активности за време на овој изборен циклус.

Трамп се повикува на помилувањата на Бајден

Трамп, исто така, ја оправда најавената можност за помилување со постапките на неговиот претходник, Џо Бајден. Пред крајот на неговиот мандат, Бајден превентивно помилува членови на своето семејство и неколку лица за кои се плашеше дека би можеле да станат мети на политички мотивиран прогон по враќањето на Трамп на власт.

Меѓу нив беа поранешниот главен американски епидемиолог Ентони Фаучи, пензионираниот генерал Марк Мили и членовите на конгресниот комитет што го истражуваше нападот врз Капитол.

„Тоа е она што го направи Бајден. Тој им даде помилувања на сите“, рече Трамп.

Демократите најавуваат истраги ако го преземат Конгресот

Неговите коментари доаѓаат во време кога демократите се обидуваат да ја преземат контролата врз барем еден дом на Конгресот на изборите на 3 ноември. Доколку успеат, ќе можат да започнат парламентарни истраги за администрацијата на Трамп, да повикаат службеници на сослушувања и да бараат документација за нејзината работа.

Демократскиот претставник Џејми Раскин веќе најави истраги за можна корупција во администрацијата, додека демократската сенаторка Елиса Слоткин зборуваше за потребата од гонење на лица кои олесниле евентуални нелегални дејствија од страна на администрацијата на Трамп.

Сепак, конгресните истраги не се кривични постапки сами по себе. Агенциите за спроведување на законот, а не претставниците во Конгресот, се одговорни за нивно поведување.

Што всушност може да направи Трамп?

Претседателот на Соединетите Американски Држави има широки овластувања за помилување, вклучително и можноста за превентивни помилувања за федерални злосторства што веќе се извршени, дури и кога не се поднесени обвиненија против одредено лице.

Сепак, ваквите помилувања не можат да спречат конгресни истраги, граѓански тужби или гонења според поединечни државни закони. Исто така, изјавата на Трамп не значи дека Маск е обвинет или кривично гонет.

Досега, Трамп не објави план за конкретни помилувања или список на луѓе кои би биле опфатени со нив. Неговите изјави покажуваат дека е подготвен да ги користи претседателските овластувања за да ги заштити своите соработници од евентуално идно гонење.

Фудбал

Продолжува скандалот за доделувањето на Златната топка- организаторите најавуваат тужби

Групацијата „Амаури“, сопственик на дневниот весник „Л'Екип“ и списанието „Франс фудбал“, која ја доделува годишната награда „Златна топка“, планира да поднесе формална тужба.

Групацијата „Амаури“, сопственик на дневниот весник „Л'Екип“ и списанието „Франс фудбал“, која ја доделува годишната награда „Златна топка“, планира да поднесе формална тужба поради наводите за протекување информации и потенцијално лажно обложување поврзано со победата на Хари Кејн од Англија минатиот вторник, објави АФП.

„Интегритетот на „Златната топка“ е апсолутен приоритет“, соопшти групацијата „Амаури“ во соопштение за медиумите испратено до АФП и потврди дека „многу сериозно ги сфаќа наводите за протекување резултати и потенцијално лажно обложување“.

Сомнителни облози

Финансискиот новински портал „Апсајд“ објави во последните денови дека неколку потенцијално сомнителни облози биле поставени на платформата за обложување „Полимаркет“, која нема лиценца за работа во Франција, пред церемонијата минатиот вторник во Лондон.

Според „Апсајд“, само неколку дена пред церемонијата, речиси 265.000 долари биле исплатени преку 12 сметки за кои се верува дека се од исто лице. Редоследот на првите пет кандидати за „Златната топка“ е прецизно предвиден: Хари Кејн, Килијан Мбапе, Ламин Јамал, Родри и Лионел Меси.

„Во тек се проверки за да се утврдат фактите и да се утврди кој би можел да биде одговорен“, објави групацијата Амаури.

Тагови: Златната топка