Овации за Кукоч во Чикаго: Сплит ми е роден град, но ова ми е дом - Канал 5

Кошарка

Овации за Кукоч во Чикаго: Сплит ми е роден град, но ова ми е дом

Чикаго Булс синоќа ја победи Јута Џез со 107:99, но име на вечерта не беше Демар Дерозан кој постигна 32 поени, туку Тони Кукоч.

Овации за Кукоч во Чикаго: Сплит ми е роден град, но ова ми е дом

Биковите му приредија церемонија на својот легендарен член на шампионскиот тим од 90-те години за да му честитаат за неодамнешното влегување во Куќата на славните, а целата вечер беше наречена „Ноќ на Тони Кукоч“. Биковите продаваа специјални маици со ликот на хрватскиот кошаркар, кој одржа говор пред натпреварот.

„Добро вечер на сите. Би сакал да им се заблагодарам на Булс што ми ја дадоа оваа шанса пред 30 или повеќе години. Му благодарам на моето семејство за љубовта и поддршката и им благодарам на моите соиграчи и тренери што ме направија подобар играч.“, рече Кукоч и продолжи:

"Но, најголемата благодарност оди до вас, навивачите. Од првиот ден кога дојдов во овој град ја почувствував вашата љубов и поддршка. Сплит е мојот роден град, но Чикаго е мојот дом и моето срце. Ви благодарам за сите прекрасни години , а сега на сите ни посакувам добра сезона и победи. Само напред Бикови!“.

Говорот на Кукоч беше проследен со аплауз, а Биковите објавија неколку објави во негова чест на социјалните мрежи. Објавија и видео на кое Кукоч погодува две тројки по ред со коментар:

„Сè уште удира.“

Тони Кукоч беше во Булс од 1993 до 2000 година и учествуваше во освојувањето на три последователни шампионски титули во 1996, 1997 и 1998 година, а во 1996 година беше прогласен за најдобар шести играч во лигата. Тој ја делеше соблекувалната со Мајкл Џордан, Скоти Пипен, Денис Родман и други ѕвезди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција во пламен: Пожарникарите се обидуваат да го спречат ширењето на пожарот

Денес во регионите Варда и Илија во западен Пелопонез, Грција, избувна пожар, кој зафати ниска вегетација.

Грција во пламен: Пожарникарите се обидуваат да го спречат ширењето на пожарот

Според првичните информации, 20 пожарникари, седум возила и три авиони се вклучени во гаснењето на пожарот, објавува „Катимерини“.

Локалните самоуправи исто така даваат помош во гаснењето на пожарот, а на лице место се наоѓаат цистерни за вода и градежна механизација.

Западен Пелопонез моментално е под висока пожарна тревога.

Извор: Б92

Тагови: грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена облачност. 

Утре сончево со мала до умерена облачност

Попладне претежно во југоисточните делови ќе има услови за локален пороен дожд и грмежи. Ќе дува слаб до умерен ветер од источен правец. Минималната температура ќе биде во интервал од 10 до 18, а максималната ќе достигне од 28 до 35 степени.

Во Скопје, сончево со мала до умерена облачност. Ќе дува слаб до умерен ветер од јужен правец. Минималната температура ќе се спушти до 18, а максималната ќе достигне до 35 степени.

Следува период на стабилно и потопло време освен во вторник кога ќе има услови за локален пороен дожд и грмежи.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Груби останува во куќен притвор до 13 септември

Поранешниот вицепремиер Артан Груби останува во куќен притвор, кој му е продолжен откако вчера беше поднесено обвинение за случајот ,,Лотарија”, информираа од Кривичниот суд.

Груби останува во куќен притвор до 13 септември

Судењето против Груби и останатите седум обвинети во овој случај ќе стартува на 24 август.

Груби ќе седне на обвинителна клупа, но не за „проневера во службата“, туку за „злоупотреба на службената положба“. Од обвинителството појаснуваат дека при одредување на правната квалификација во поднесеното обвинение, надлежниот јавен обвинител се водел од доказите прибрани во текот на истражната постапка.

Тагови: Груби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер