„Ако сте избрале и одите таму под неутрален статус, претепајте ги, покажете им дека сте вистински Белоруси“, рече Лукашенко, цитиран во соопштението за медиумите.

За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство. "Спортистот треба да избере. Ако одлучи да учествува на Олимпијадата, ќе биде уште пожесток. Затоа што разбирате дека состојбата на умот и гневот не се од мала важност во спортот. Вие сте Белоруси и кога сте победници, тоа е добар начин да ги удриме политички“.

Лукашенко, кој е на власт од 1994 година, ги искорени сите форми на опозиција во неговата земја, потиснувајќи го мирното масовно движење во 2020 година, нарекувајќи ги „стаорци“.

Во февруари 2022 година, тој ја отвори Белорусија за руската војска за да може да ја нападне Украина од север. Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.

Кандидатите што влегоа во втор круг за претседателски избори не се квалитетни, доаѓаат од две криминални и злосторнички здуженија, двете партии 33 години ја уништуваат државата и не работат за добро на народот. Сите политички партии треба да имаат исто право за учество на Претседателските избори, итна промена на законот и да нема лимит дека треба да се соберат десет илјади потписи. Изборниот законик е криминален, донесен нелегално во Собранието. Да се обединиме со народот, не со партиите што учествувале во штетни процеси за државата, за жал такви партии што не учествувале во криминалот се многу малку, рече Јорго Огненовски во Само Вистина.

Од народниот митинг во Струмица претседателот на ВМРО-ДПМНЕ, Христијан Мицкоски во своето обраќање пред присутните граѓани, меѓу другото, кажа неколку збора и за претседателот на Социјалдемократскиот сојуз, Димитар Ковачевски кој, како што рече, вината за големиот пораз и дебакл на изборите на 24 април ја бара секаде, само не во себе и во своите луѓе.

„Тој секаде и во сите ја бара вината за својот пораз и дебакл само не во себе си и своите луѓе. Многу погрешно потсетува на некои минати времиња, вика и се надвикува на полупразни митинзи дека ќе се врател режимот и не знам уште што. Па сакам да му одговорам. Тој може да се навраќа и за тоа што било пред 10 или 15 години, за тоа што било и пред 50 и сто години, но народот е незадоволен и револтиран затоа што сега лошо живее и затоа што нема пари да си плати сметки за струја, затоа што животниот стандард е уништен“, рече Мицкоски.

Во однос на тоа што Ковачевски го нарекува режим, Мицкоски го потсети на снимките од пред за време на отворањето на новата зграда на МНТ, каде што тој аплаудираше и се восхитуваше на тоа.

„А што се однесува до тоа што тој го нарекува режим, мислам дека нема право да збори, затоа што ако тоа било режим, тогаш тој му аплаудираше на тоа и се восхитуваше на тоа, што и впрочем го видовме на снимките при отворање на МНТ во Скопје пред петнаесетина години. Па токму тој е измеќар на ДУИ партијата која беше соучесник во сите влади овие 20 години. Како ДУИ не е режим и како таа соработка не му пречеше? Но, Димитар доаѓа време кога треба да се стави крај на таквата лицемерна политика, а тој крај е 8 мај кога народот масовно и во голем број ќе излезе на избори и ќе каже доста е“, порача Мицкоски, се наведува во партиското соопштение.