Автомобилизам

Ова се најдобрите електрични автомобили

Американската организација за потрошувачи „Consumer Reports“ тестираше речиси 50 електрични автомобили во текот на изминатата година, а сега издвоија 14 за кои сметаат дека се барем малку подобри од сите останати.

„Consumer Reports“ ги оценува производите на американскиот пазар скоро 90 години и потрошувачите во Соединетите Држави му веруваат.

Нивните оценки за автомобили се засноваат на голем број фактори, од квалитет на изработка до искуство во возењето, перформанси и доверливост, како и извештаи за задоволството на сопствениците.

Значи, ова се тестови кои комбинираат класични тестови на автомобили со мислењето на сопствениците на возила и затоа се единствени.

Организацијата, исто така, ги разгледа вредностите како што се опсегот и перформансите на полнење, а потоа ги спореди со податоците декларирани од производителот.

Резултатот е листа на електрични автомобили од „BMW“, „Hyundai“, „Ford“ и „Tesla“, меѓу другите, и голем број други брендови за кои се верува дека нудат практични автомобили кои функционираат во секојдневниот живот.

„Ги претставуваме најдобрите електрични автомобили што сме ги тестирале, рангирани според нивните вкупни перформанси, земајќи ги предвид перформансите на тестовите на патиштата, доверливоста, задоволството на сопственикот и безбедноста“, според „Consumer Reports“.

На врвот на листата е „BMW iX“, кој беше оценет со 84 од можни 100 поени. Следуваат „Hyundai Ioniq 6“ и „BMW i4“ кои го делат второто место со 83 поени.

Проверете ја листата на топ 14 електрични автомобили (на американскиот пазар, имајќи предвид дека повеќето од овие модели се продаваат и во Европа):

1. BMW iX (84/100)

2-3. Hyundai Ioniq 6 (83/100)

2-3. BMW i4 (83/100)

4. Kia EV9 (78/100)

5. Kia EV6 (77/100)

6. Porsche Taycan (76/100)

7-8. Genesis GV60 (75/100)

7-8. Lexus RZ (75/100)

9. Tesla Model Y (72/100)

10-11. Audi Q4 e-tron (71/100)

10-11. Kia Niro(71/100)

12-14. Nissan Ariya (70/100)

12-14. Ford Mustang Mach-E (70/100)

12-14. Audi Q8 e-tron (70/100)

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Максим Димитриевски: Оваа е резултат од теренска анкета работена за Куманово во период Јануари - Март 2026та

Првиот човек на Движењето ЗНАМ, Максим Димитриевски на социјалните мрежи се огласи за анкетата на МКД.мк.

Бидејќи анкетите многу често служат за креирање а не за сондирање на мислење а со цел работите да бидат појасни ќе објавам само еден резултат.

- Оваа е резултат од теренска анкета работена за Куманово во период Јануари - Март 2026та по нарачка на НДИ спроведена од агенцијата Маркет вижн Скопје на 1053 теренски испитаници, национален примерок (етничка припадност, пол, возраст).

Повелете заклучокот изведете го сами?!

- Јас лично сметам дека најдобрата анкета се добива на избори според резултатот, напиша Димитревски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-Фото: Англиски репрезенативец ги воодушеви жените!!

Англискиот фудбалер ги запали мрежите со свои жешки фотографии.

Високите температури влијаат и врз фудбалерите на Светското првенство, а да не беше тоа, немаше да има лавина од коментари на социјалните мрежи за изгледот на англискиот ас Џуд Белингем.

Англискиот репрезентативец Џуд Белингем привлече огромно внимание на Светското првенство – до тој степен што социјалните мрежи се преплавени со негови фотографии, а овојпат тоа нема никаква врска со фудбалот.

Фотографите го овековечиле Белингем за време на еден тренинг додека бара „спас“ од горештината, па така се најде само во долна облека, а жените на социјалните мрежи им се заблагодаруваат на сите за овие снимки.

Jude Bellingham during recovery session today🔋 pic.twitter.com/GjcJnNCcvH
— Ria (@itsjudithworld) July 2, 2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Де Минор по 4 сета до осминафиналето на Вимблдон

Алекс де Минор, шестиот тенисер во светот, се пласираше во осминафиналето на Вимблдон откако го победи Закари Свида со резултат 6:2, 5:7, 6:2, 6:4.

Австралијанецот добро го отвори мечот и го доби првиот сет без поголеми проблеми. Свајда возврати во вториот. Сепак, Де Минор го подигна нивото на својата игра, ја врати контролата врз мечот и обезбеди место меѓу првите 16 на Лондонскиот Гренд Слем со сигурна игра во третиот и четвртиот сет.

Во борбата за четвртфиналето, Де Минор ќе игра против победникот од дуелот меѓу Карен Хачанов и Флавио Коболи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.