Отворено писмо од Трендафилов за најавениот протест во среда - Канал 5

Македонија

Отворено писмо од Трендафилов за најавениот протест во среда

„Овој протест е за твојата плата, затоа што истата не стигнува од први до први, а кој да протестира за твојата плата ако не прво ти, па сите ние заедно со тебе.“

Отворено писмо од Трендафилов за најавениот протест во среда

Почитувани сестри и браќа,

28 јануари е денот кога зборуваат работниците !

Овој протест не е за „ако имаш време“ па ќе дојдеш, не е ниту за ,,чекај сега, кај најдоа да протестираат во 17 ч., ќе биде темно и ладно, може и ќе врне, може друг ќе протестира па ќе завршат работа".

Овој протест е за твојата плата, затоа што истата не стигнува од први до први, а кој да протестира за твојата плата ако не прво ти, па сите ние заедно со тебе.

Овој протест е затоа што те потценуваат и понижуваат и газдите и властите, затоа што на едните им е важно за ниски плати да им го стварате капиталот, а на другите им е важно со ниски плати да ги гласате за да Ве владеат, да владеат сиромашен народ, но послушен народ, затоа што ако имате пристојна плата и пристојна работа нема да мислите ниту на едните ниту на другите.

Овој протест е за сите вас, за Вашите деца, за Вашите внуци за тоа што со мизерни плати некој свесно Ве брка и Ви ги брка од Државата.

Овој протест е против неправдата, против неправдата тие да имаат, а вие да немате, неправдата која значи 250 евра зголемени плати за нив и 78 % зголемени плати на нив (избраните и именуваните), 250 евра зголемена плата на истите тие на кои Вие им ја давате моќта и платата, а тие не водат грижа за Вас и Вашите семејства.

Овој протест е затоа што сакаат да ве заменат со ефтина работна сила од странство, а вие да ги гласате.

Овој протест е против газдите, против истите тие кои одбиваат да Ви ја зголемат платата за да не се откажат од добивката и луксузот кој им го овозможувате со вашиот труд и вашата пот, против газдите кои не само што ги избркаа квалификуваните работници од Македонија, туку избркаа цели семејства.

Овој протест е затоа што одбиваат да ја зголемат минималната плата, а со тоа Ве принудуваат да живеете во сиромаштија, затоа што повеќе од 200.000 работници имаат плата под 31.200 денари, односно под прагот на сиромаштија во Македонија.

Овој протест е затоа што Владата оваа година не планира да ги зголеми платите во јавниот сектор, на војската, полицијата, управата и правосудството,, културата и др., а во здравството и образованието само минимално да ги усогласи, а планира на функционерите да ги зголеми за 10% или од 200 до 300 евра.

Овој протест е и затоа што не ги почитуваат колективните договори и не исплаќаат плата согласно истите за да не им се зголемеле многу платите на работниците, па сте приморани да тужите.

Овој протест е затоа што тие сметаат дека Вас не ви е потребно зголемување на Вашата плата, затоа што не барате, затоа што ако не барате, тие мислат дека Ви е доста.

Овој протест е за сите кои се плашат, им се закануваат и ги омаловажуваат затоа што сами не можат да се изборат против своите работодавачи за зголемување на нивната плата.

Овој протест е дури и за оние кои не напаѓаат, а не се функционери, затоа што со нашата борба и тие ќе добијат зголемена плата и зголемена пензија.

Овој протест е затоа што господата (Власта и Газдите) ви личат многу големи, а Ви личат големи затоа што им клечите, станете со нас и ќе видите всушност колку се тие ситни и мали.

Нема на кого да му се плашите, на 28 јануари во 17 ч., придружете ни се, облечете се топло, капа, шал и во темницата застанете со работниците.

Ова не е покана за протест, секој сам треба да се покани, секој сам треба да го покани своето семејство, своите колешки и колеги, затоа што со седење дома давате аргументи и сила на тие што одбиваат да Ви ја зголемат платата.

Јас и луѓето што ги знам ќе бидеме таму, доколку и ти и луѓето што ги знаеш дојдете, треба да знаеш дека сами може не можеме да промениме многу, но заедно можеме да промениме се !

А овој протест, овој протест е само почеток доколку не ги зголемат Вашите плати и доколку продолжат да го газат Вашето достоинство.

Затоа, Сојузот на синдикатите на Македонија организира Протест со главна цел:

-Зголемување на работничките плати за најмалку 6.000 денари преку зголемување на минималната плата на 600 евра.

Протестот започнува на 28 јануари 2026 година во 17:00 часот пред Работнички дом (зграда на ССМ на ул. Мирче Ацев бр.6) во Скопје, по што продолжува пред Собранието, Стопанската комора и Македонската Влада.

Сме протестирале во недела, сме протестирале на празник, сме протестирале и во работно време, сега протестираме кога најголем дел од работниците се завршени со своите работни обврски, па затоа, по работно време на протест за плата.

Додека трае протестот, можеби некој ќе има итна потреба ( за медицинска нега или за итни семејни потреби) да се движи по истите улици по кои ќе се протестира, за што однапред му се извинувам, но без оглед на протестот ќе биде обезбеден коридор.

За крај, изговор да не протестираат за плата може да имаат само газдите и избраните и именуваните.

Време е! ,

Слободан Трендафилов, еден од Вас, работниците

Тагови: Трендафилов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Убавицата од 90-тите не се двоуми да покаже сè, дури во шеста деценија од животот

Познатата актерка, русокосата убавица Хедер Греам (56) на Инстаграм сподели фотографии од својот одмор во Италија, на кои  покажа дека се уште има тело на кое може да и позавидат и двојно помлади девојки.

Фото: Убавицата од 90-тите не се двоуми да покаже сè, дури во шеста деценија од животот

Хедер прво покажа како изгледа фантастично во провокативно сино, а потоа и во бордо бикини.

Актерката беше одлично расположена додека уживаше во летниот одмор.

Таа повторно ги воодушеви сите со својот изглед и докажа дека воопшто не остарела од периодот на деведесеттите години, кога беше на врвот на својата слава.

Хедер зрачи со самодоверба на секоја објава додека позираше и ја покажуваше својата фигура во бикини, кои ги надополни со темни очила за сонце.

Фотографиите наводно ги направил нејзиниот партнер Микеле Чивета (50), италијански режисер и продуцент, кој ѝ се придружил на патувањето.

Не застана тука – неповторливата Хедер повторно блесна на плажата, но ја смени бојата на костимот за капење.

Тагови: бикини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Се појави видео од тајната венчавка на Кристијано Роналдо и Георгина Родригез која не носи венчаница

Атрактивната Георгина Родригез и најплатениот светски фудбалер, Кристијано Роналдо  пред околу една недела тајно стапија во брак, а сега се појави и видео од церемонијата.

Се појави видео од тајната венчавка на Кристијано Роналдо и Георгина Родригез која не носи венчаница

На свадбата биле присутни само нивните деца, а невестата воопшто не носела венчаница.

Долгогодишните партнери Кристијано и Георгина официјално стапија во брак, а како што се дозна подоцна, на интимната свадба присуствуваа само нивните деца.

Како што се очекуваше, милиони нивни фанови се интересираа и каква венчаница избрала Георгина, со оглед на тоа што е познато дека таа сака да се истакнува со скапи парчиња, особено со накит вреден стотици илјади евра.

Но на изненадување на фановите Георгина на свадбата воопшто не носела венчанца

Наместо венчаница, таа се одлучи за едноставна кошула и тесно здолниште, а изгледот го надополни со скап дијамантски накит.

Во истото издание, парот се венчал и во црква, а фокусот бил ставен на самиот чин, што пријатно ги изненади луѓето навикнати на тоа како Георгина редовно се фали со скапи парчиња и пари.

Тагови: Георгина Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Домашното производство во април покри 88,8% од вкупната потрошувачка на електрична енергија

Домашното производство во април покри 88,8% од вкупната потрошувачка, значаен чекор кон целта Македонија да стане нето-извозник на електрична енергија.

ВМРО-ДПМНЕ: Домашното производство во април покри 88,8% од вкупната потрошувачка на електрична енергија

Владата предводена од ВМРО-ДПМНЕ продолжува со реализација на политики и инвестиции што имаат за цел зголемување на домашното производство на електрична енергија, намалување на зависноста од увоз и обезбедување стабилен и сигурен енергетски систем за граѓаните и компаниите.

И покрај тврдењата на опозицијата дека електричната енергија ќе поскапи за 5%, реалното зголемување изнесува 2,28%, што е меѓу најниските стапки на зголемување во Европа. Истовремено, со нови законски решенија се отвора можност за намалување на цената на електричната енергија за домаќинствата за 5 до 10%, а со преземените мерки за субвенционирање на електричната енергија, директно се заштитува стандардот на граѓаните и се спречуваат ценовни шокови за домаќинствата.

Од друга страна, долгорочната цел е Македонија да произведува повеќе домашна електрична енергија и постепено да ја намалува зависноста од увоз.

Така, во април годинава, домашното производство покри 88,8 проценти од вкупната потрошувачка на електрична енергија во земјата, што претставува значаен чекор кон стратешката цел Македонија да стане нето-извозник на електрична енергија.

Паралелно се работи на консолидација и подобрување на работењето на ЕСМ, зголемување на акумулациите и максимално искористување на постојните производствени капацитети, а дополнително се реализираат нови стратешки инвестиции во енергетиката.

Во таа насока, потпишани се договори за реализација на фотонапонската електрана „Битола 3“ и за ревитализација на хидроелектраните – Фаза 3, со вкупна вредност од 97 милиони евра. „Битола 3“ ќе придонесе кон зголемување на производството на електрична енергија од чисти извори, додека ревитализацијата на хидроелектраните ќе овозможи подобро искористување на постојните капацитети.

Воедно, започнува изградбата на најголемиот ветерен парк во земјава, со 55 ветерници, кој се очекува да произведува електрична енергија за околу 100 илјади домаќинства. Инвестицијата на „Алказар Енерџи“ е вредна околу половина милијарда долари.

Додека со потпишувањето на меморандумот со „Казанџи Груп“ се отвора можност за реализација на стратешки проект вреден до една милијарда евра. Проектот предвидува развој на нови капацитети за производство на електрична енергија, изградба на дистрибутивна мрежа за природен гас и мерки за зголемување на сигурноста во снабдувањето со гас.

Овие инвестиции значат нови можности за индустријата, поддршка на гасификацијата, нови работни места и поголема енергетска отпорност на државата, а со развојот на домашните производствени капацитети се намалува зависноста од увоз и изложеноста на надворешни ценовни и политички ризици.

Владата предводена од ВМРО-ДПМНЕ гради енергетски систем кој ќе биде стабилен и отпорен на кризи, флексибилен во однос на идните предизвици и усогласен со европските стандарди со крајна цел, Македонија да биде држава која произведува, извезува и има сигурен и стабилен енергетски систем, со предвидливи и пониски трошоци за граѓаните и компаниите.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер