Отворен 25. Меморијален турнир во чест на загинатите бранители и припадници на полицијата во 2001 и 2015 година - Канал 5

Македонија

Отворен 25. Меморијален турнир во чест на загинатите бранители и припадници на полицијата во 2001 и 2015 година

Во чест на загинатите припадници на Армијата во конфликтот во 2001 година и на загинатите припадници на полицијата во кумановските настани во 2015 година, денеска, во спортската сала „Борис Трајковски“ беше отворен 25. Меморијален турнир .

Отворен 25. Меморијален турнир во чест на загинатите бранители и припадници на полицијата во 2001 и 2015 година

Во чест на загинатите припадници на Армијата во конфликтот во 2001 година и на загинатите припадници на полицијата во кумановските настани во 2015 година, денеска, во спортската сала „Борис Трајковски“ беше отворен 25. Меморијален турнир во мал фудбал којшто го организира Здружението „Херои на Македонија 2001–2015“.

Отворањето започна со едноминутно молчење во чест на загинатите, по што беше интонирана македонската химна, а потоа следуваа и музички изведби на детски хор со порака за мир и единство. Министерот за одбрана Владо Мисајловски, во обраќање изрази благодарност до Здружението „Херои на Македонија“ за зачувувањето на споменот на бранителите, истакнувајќи дека грижата за загинатите и нивните семејства мора да биде трајна обврска за сите институции.

– Меморијалниот турнир е посветен на луѓе кои во клучни моменти за државата не прашуваа колку е тешко, туку колку е потребно. Нивната жртва има име, семејство и приказна. Благодарение на нивната служба, денес зборуваме за безбедност и стабилност. Грижата за припадниците на безбедносните сили и нивните семејства мора да биде постојана, одговорна и суштинска, рече Мисајловски.

На Меморијалниот турнир присутен беше и министерот за внатрешни работи Панче Тошковски кој истакна дека храброста на бранителите, како и нивната жртва, се вградени во темелите на државноста. Гордоста на семејствата на загинатите, додаде, е гордост на цела Македонија. – Нивната жртва не е само дел од историјата. Таа е жртва која нè обврзува, која нè учи дека слободата, безбедноста и мирот не се дадени, туку вредности кои се бранат со храброст, со чест и со највисока лична цена, нагласи Тошковски.

Како израз на почит кон загинатите припадници на вооружените сили, претседателот на Здружението „Херои на Македонија“, Владо Стојанов, нагласи дека ваквиот собир се одржува секоја година во организација на Здружението и институциите на локално и централно ниво. Обврска на секој, нагласи, е подеднакво да ја брани татковината.

– Македонските јунаци кои со љубов ја бранеа својата татковина, животот го дадоа за државата да не се распадне. Сите ние што живееме во неа, без разлика на национална, верска или расна припадност, сме исти пред Уставот и законите. Обврска на секој од нас е подеднакво да ја брани татковината. Затоа, преку спортските игри и во спортски дух, сплотени во добри дела, независно од национална припадност, обединети во масовност и заедништво, ќе заиграме и ќе го одржиме овој турнир, нагласи Стојанов.

Во рамки на турнирот, екипите од институциите и организациите ќе се натпреваруваат во спортски дух, а целта, како што беше нагласено, е преку спортот да се афирмира аедништво и почит кон жртвата на бранителите.

Тагови: мал фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Скандалозно признание на Тошковски дека нашата граница е швајцарско сирење

Претседателот на СДСМ, Венко Филипче, во телевизиско гостувањето, рече дека изјавата на министерот за внатрешни работи Панче Тошковски дека границата е швајцарско сирење е скандалозна.

Филипче: Скандалозно признание на Тошковски дека нашата граница е швајцарско сирење

Претседателот на СДСМ, Венко Филипче, во телевизиско гостувањето, рече дека изјавата на министерот за внатрешни работи Панче Тошковски дека границата е швајцарско сирење е скандалозна, посочувајќи го примерот со пуштањето на Ива Михаилова , како и низата безбедносни пропусти во изминатиот период.

„Вчера министерот за внатрешни работи, би рекол, скандалозно изјавува дека нашата граница е швајцарско сирење. Ама тоа не треба тој да го изјави, тоа се гледа секојдневно. Изминатите повеќе од две години како е тој министер за внатрешни работи. Се сеќавате на скандалите на границата со Косово, како поминуваше Африм Гаши на свадба и така натаму. Како избега Артан Груби?“, рече Филипче.

Филипче посочи дека случајот со Ива Михаилова е уште еден во низата скандали за кои треба да има одговорност.

„ Најмалку што може, Панче Тошковски, сега, после овој скандал, последен во низата скандали е тоа. Да не го заборавиме случајот со пожарот во Кочани, се обиде да ги заштити делот од полицајците кои што таму работеа, рече претседателот на СДСМ, Венко Филипче.

Во врска со случајот со Ива Михаилова, Филипче побара Бугарија да ја екстрадира и побара одговорност од Тошковски и Христовски.

„Бараме Бугарија да направи екстрадиција. И тоа е најмалку што Бугарија треба и може да направи во корист на добрососедските односи. Да потсетам на лажниот сертификат што директорот на АНБ, Бојан Христовски, го има од Бугарија. Да не е тоа причината зошто сега има вакви договори? Затоа што АНБ треба да има одговорност, затоа што МВР треба да има одговорност. А како ние можеме да бидеме сигурни дека сега нема некој таков договор, кога директорот на АНБ има фалсификуван сертификат за англиски јазик од Бугарија?. Нема што друго да е освен договор, затоа што нема објаснување како некој може така да помине граница. И адвокатот и самата Ива кажаа дека ја поминале границата најлегално, рече Филипче.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на потпишување договор за нова инвестиција

Премиерот Христијан Мицкоски денеска ќе присуствува на потпишување договор за нова инвестиција.

Мицкоски на потпишување договор за нова инвестиција

Договорот ќе биде потпишан во свечената сала на владата.

По потпишувањето предвидено е Мицкоски и претставници на „компанијата да одржат заедничка прес-конференција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Украина ќе ги продолжи нападите врз руските рафинерии

Украина ќе ги продолжи нападите врз руските рафинерии, изјави украинскиот претседател Володимир Зеленски во интервју за весникот „Фајненшл тајмс“.

Зеленски: Украина ќе ги продолжи нападите врз руските рафинерии

– Забраната за напади врз рафинериите е укината. Завршивме со тоа, истакна Зеленски.

Претседателот на САД, Доналд Трамп на 11 октомври изјави дека е постигнато енергетско примирје меѓу Русија и Украина, кое ќе стапи во сила веднаш. Подоцна, Зеленски наведе дека Русија не го почитува примирјето и не ги почитува изјавите на американскиот претседател.

Тагови: Володимир Зеленски украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер