Отворен 16. Фестивал на европски филм „Синедејс“ - Канал 5

Култура

Отворен 16. Фестивал на европски филм „Синедејс“

Во кино „Милениум“ вечерва почна 16. Фестивал на европски филм „Синедејс“ кој го организира Младинскиот културен центар. Фестивалот е отворен со сатиричната комедија „Квадратот“ на шведскиот режисер Рубен Естлунд кој на Канскиот фестивал годинава ја освои „Златната палма“.

Отворен 16. Фестивал на европски филм „Синедејс“
Од 21 часот „Синедејс“ почнува и во кино „Фросина“ во МКЦ со музичкиот документарец за џез саксофонистот Џон Колтрејн.

Фестивалот во „Милениум“ го отворија градоначалникот на Скопје, Петре Шилегов и директорот на МКЦ Златко Стевковски.

Во трка за награди се осум филмови во Официјалната селекција и шест во програмата СинеБалкан кои и годинава се избрани од селекторот Бернд Будер.

Како што најави организаторот, во единаесет фестивалски денови ќе бидат прикажани 135 филмови, а покрај Официјална и СинеБалкан, ќе има уште неколку програми: гала-програма, музички документарци, Синедејс плус, шведски филмови од програмата „Земја во фокусот“, МК кратки и студентски филмови, како и богата придружна програма со седум концерти и четири работилници.

Филмот со кој почна „Синедејс“ (Квадратот) е во гала-програмата во која се нови филмови на познати режисери, како Ханеке, Акин, Озон, Херцог, Аронофски, Каурисмаки, Клуни, Софија Копола... и наградени на престижни филмски фестивали. Во гала-програмата е и македонската премиера на филмот „Исцелител“ на Ѓорче Ставрески со кој на 19 ноември ќе заврши фестивалот, како и „Пченица“ - новиот филм на турскиот режисер Семих Капланоглу, добитник на „Златна мечка“ во 2010 година и претседател на жирито за филмовите од официјалната конкуренција на годинашниот „Синедејс“.

Фестивалот официјално ќе заврши на 19 ноември со соопштување на наградите од двете натпреварувачки програми, но од наредниот ден ќе продолжи со десетдневен филмски маратон во Џебното кино на МКЦ со проекции во десет различни тематски целини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ангелов: Пожарот кај селото Милетино е ставен под контрола

Тежок пожар кај селото Милетино во општина Брвеница.

Ангелов: Пожарот кај селото Милетино е ставен под контрола

Директорот на ДЗС, Стојанче САнгелов рече дека пожарот кај селото Милетино, што се закануваше на куќите, е ставен под контрола.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Му заврши казната на поранешниот прв човек на шпанскиот фудбал- безобразно бакна фудбалерка (ВИДЕО)

На поранешниот претседател на Шпанската фудбалска федерација, Луис Рубијалес, му истече тригодишната суспензија и му е дозволено да ги продолжи своите должности во фудбалот. 

Му заврши казната на поранешниот прв човек на шпанскиот фудбал- безобразно бакна фудбалерка (ВИДЕО)

ФИФА ги информираше сведоците кои учествуваа во постапката дека казната е целосно спроведена.

Рубијалес беше суспендиран од фудбалот поради инцидентот по финалето на Светското првенство за жени во 2023 година. Шпанија потоа ја освои титулата со победа против Англија, но историскиот успех на националниот тим падна во втор план.

Бакнеж што ја засени прославата

За време на церемонијата на доделување медали, Рубијалес ја бакна репрезентативката Џени Хермосо во уста, која подоцна потврди дека не се согласува со тоа. Видеото од настанот брзо се прошири низ целиот свет и предизвика силни реакции.

Рубијалес првично тврдеше дека станува збор за спонтан и заеднички чин, но Хермосо ја отфрли неговата верзија. Таа рече дека се чувствувала изложена и дека немала слобода да реагира во тој момент.

Оставка под притисок и тригодишна казна

Случајот се претвори во еден од најголемите скандали во шпанскиот фудбал. Јавноста, политичарите и фудбалерите бараа оставка од Рубијалес, а притисокот се интензивираше од ден на ден.

На почетокот, тој одби да ја напушти функцијата и на вонредна седница на Здружението неколку пати повтори дека нема да поднесе оставка, што дополнително ја продлабочи кризата. ФИФА прво привремено го суспендираше, а потоа му изрече тригодишна забрана за работа во фудбалот. Казната вклучуваше сите активности на национално и меѓународно ниво, што целосно го отстрани Рубијалес од спортот.

На крајот, сепак, тој поднесе оставка од функцијата претседател на Шпанската конфедерација и ја напушти функцијата потпретседател на УЕФА. Неговиот подем на врвот на европскиот фудбал дојде до ненадеен крај.

Судска постапка и поширока општествена дискусија

Аферата не остана само во спортските институции. Настаните од Австралија беа разгледани и од шпанското судство, па Рубијалес мораше да се соочи и со правни последици.

Во текот на целиот процес, Џени Хермосо инсистираше дека не дала согласност. Фудбалерката беше поддржана од бројни соиграчки и спортистки од целиот свет, а случајот започна широка дискусија за злоупотребата на моќта, согласноста и положбата на жените во спортот.

Формално враќање и неизвесна иднина

ФИФА сега ги информираше вклучените во постапката дека Рубијалес ја отслужил казната. Ова значи дека нема формални пречки за негово враќање во фудбалот и теоретски може повторно да се кандидира за една од позициите.

Сепак, истекот на суспензијата не значи дека Рубијалес лесно ќе најде нова работа. Неговиот углед беше сериозно нарушен, а скандалот стана неопходен дел од неговата биографија. Секој од неговите следни чекори речиси сигурно би предизвикал нови контроверзии.

Сè уште не е познато дали Рубијалес планира да се врати во фудбалот. Тој не објави каде би можел да ја продолжи кариерата, ниту пак објави конкретна кандидатура, па затоа неговите потези ќе бидат внимателно следени.

Тагови: фудбалерка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ирачанец силувал 14 годишно дете во Британија, а потоа прогонувал девојка

Ирачанец (33) е обвинет за силување на 14-годишно момче, следење на девојка во нејзините 20-ти години и оштетување на имот откако истрагата поврза два одделни инциденти во Портсмут, Велика Британија.

Ирачанец силувал 14 годишно дете во Британија, а потоа прогонувал девојка

Садик Фархад Азад, за кого полицијата вели дека нема фиксна адреса, е во притвор и треба да се појави пред Крунскиот суд во Портсмут во понеделник, 7 септември.

Првиот случај се однесува на наводно силување на 14-годишно дете.

Полицијата на Хемпшир и островот Вајт соопшти дека на 11 август добиле пријава дека малолетник бил силуван во уличка покрај Лондон Роуд во Портсмут.

Полицијата соопшти дека инцидентот се случил помеѓу 19 и 20 часот на 6 август.

Момчето претходно разговарало со мажот во автобусот, но не го познавало пред средбата. Истрага беше покрената по пријавата.

Случајот доби нов пресврт на 1 септември, кога во полицијата беше поднесена сосема посебна пријава од девојка во нејзините 20-ти години.

Таа пријави маж за кој тврди дека ја следи околу една година.

Според полицијата, мажот наводно оштетил и автомобил што му припаѓал на член на семејството.

Истрагите за двата случаи на крајот ја доведоа полицијата до истиот осомничен.

Азад потоа беше уапсен и обвинет за силување момче на возраст меѓу 13 и 15 години, следење и нанесување штета на имот вреден помалку од 5.000 фунти, според „Дејли меил“.

Полицијата соопшти дека 33-годишникот е ирачки државјанин без постојана адреса.

По обвинението, тој беше приведен во притвор, а неговото следно судско рочиште е закажано за понеделник.

Обвиненијата против него сè уште не се конечни и ќе бидат одлучени од страна на судот.

Тагови: девојка дете

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер