Откриена меѓународна мрежа за трговија со кокаин следена преку финансиски текови - Канал 5

Живот

Откриена меѓународна мрежа за трговија со кокаин следена преку финансиски текови

Меѓународна криминална мрежа која профитирала од трговија со кокаин за италијански организирани криминални групи е разбиена по детална истрага што ја следела трагата на парите низ Европа, соопшти Европол.

Откриена меѓународна мрежа за трговија со кокаин следена преку финансиски текови

Мрежата, која служела како средство за перење пари за италијанските мафијашки групи Камора и Ндрангета, оперирала преку фиктивни компании, лажни фактури и луксузни инвестиции, така што милиони евра од кокаин биле проневерени и реинвестирани во европската економија.

Истрагата, што ја спроведуваше француската национална жандармерија во соработка со италијанските карабинери и швајцарската федерална канцеларија на полицијата ја откри операцијата што опфатила повеќе европски земји. Покрај наведените, во истрагата учествувале и белгиската федерална судска полиција, бугарската Државна агенција за национална безбедност, германската царина, како и еквадорската Национална полиција, во координација на Европол и Евроџаст.

Со следење на финансиските текови, истражителите забележале црногорски државјанин, кој бил високо рангиран на списокот на осомничени на Европол и бил предмет на потрага во неколку европски земји.

Осомничениот живеел во областа Кан во Франција, заедно со членови на неговото семејство, вклучувајќи го и зетот, кој веќе им бил познат на италијанските власти за перење пари, измами и кривични дела поврзани со оружје.

Финансиската истрага покажа дека мрежата за перење пари била директно поврзана со голем трговски пат за кокаин од Јужна Америка кон Европа. Има сомневање дека групата била одговорна за координирање на поморските пратки кокаин до клучните европски пристаништа. Голема заплена од страна на белгиските царински службеници кон крајот на 2025 година беше клучна точка во разоткривањето на мрежата. Пред три дена, беше спроведена координирана акција во четири европски земји - Франција, Италија, Белгија и Швајцарија, а седум лица беа уапсени, вклучувајќи го и осомничениот од Црна Гора.

На Француската ривиера се запленети луксузни автомобили, како и имот вреден повеќе од пет милиони евра, вклучувајќи луксузни недвижности. Евроџаст, во соработка со Франција, Италија и Швајцарија, го формираше Заедничкиот истражен тим во 2024 година, што овозможи тесна судска координација и полесна размена на информации меѓу земјите. Преку Европол, во истрагата се приклучија и Белгија, Германија и Еквадор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Јапонија: Најмалку 37 повредени по силен земјотрес

Во земјотресот со јачина од 5,9 степени според Рихтеровата скала, што рано наутро ја погоди источна Јапонија, според прелиминарните извештаи, повеќе од 40 лица се повредени во Токио и во соседните префектури, соопштија денеска локалните власти.

Јапонија: Најмалку 37 повредени по силен земјотрес

Според локалните противпожарни служби, повеќе од 20 лица се повредени во земјотресот во градот Саитама, северно од Токио, девет се повредени во Канагава и четворица во префектурата Чиба, објави Кјодо.

Водоводна цевка пукна во областа Кото во Токио по земјотресот, што ги натера градските власти да истражат дали штетата е поврзана со земјотресот. Земјотресот што се случи во 2 часот по полноќ, чиј епицентар беше во јужниот дел на префектурата Ибараки, на длабочина од 68 километри, не предизвика цунами, соопшти Јапонската метеоролошка агенција.

Поаѓањата на некои железнички линии беа одложени по земјотресот, додека некои возови сообраќаа со намалена брзина. Операторот на линијата Кејсеи, која го поврзува Уено во центарот на Токио со аеродромот Нарита во префектурата Чиба, источно од Токио, рече дека поаѓањата на возот се вратиле во нормала по 9:40 часот по локално време. Некои експресни услуги со кои управува железницата Тобу останаа суспендирани.

По земјотресот не се забележани нарушувања во нуклеарната централа Токаи бр. 2 во префектурата Ибараки, ниту во нуклеарната централа Фукушима Даичи и блиската електрана Фукушима Даини во североисточна Јапонија, рекоа нивните оператори.

Јапонската премиерка Санае Такаичи на социјалните мрежи објави дека им наредила на официјалните лица да го утврдат степенот на штетата од земјотресот и навремено да ја информираат јавноста.

Метеоролошката агенција ја повика јавноста да остане на будност за земјотреси со јачина од 5 степени по сеизмичка скала во текот на наредната недела, особено во следните два до три дена. Земјотрес од 5 степени, на сеизмичка скала од 0 до 7, агенцијата го дефинира како земјотрес што предизвикува страв и потреба повеќето луѓе да се држат за нешто стабилно, додека предметите може да паднат од полиците.

Земјотресот што се случи утринава беше почувствуван во поголемиот дел од земјата, особено на североистокот и во централна Јапонија.

Извор: Б92

Тагови: земјотрес јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожарите кај Бигла и Пехчево ставени под контрола, во гасењето вклучени над 300 луѓе

Под контрола се ставени двата големи пожари што денеска беснееа на истокот од земјава, кај Бигла делчевско и во околината на Пехчево, кон бугарска граница. 

Пожарите кај Бигла и Пехчево ставени под контрола, во гасењето вклучени над 300 луѓе

Првиот човек на ДЗР Стојанче Ангелов попладнево се сретна со градоначлниците на двете општини. Тие информираа дека во справувањето од пламените јазици и во Бигла и кај Пехчево се употребени сите расположливи ресурси: трите ер-трактори, тешка механизација, а на терен ангажирани биле над 300 луѓе - локалните пожрникари, доброволци и месно население, со цел да се спречи загрозување на домовите.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Чамец потона кај Тунис: Осум мигранти пронајдени мртви

Телата на осум мигранти се пронајдени откако чамец потона кај брегот на Тунис, додека уште се трага по шест други. Еден преживеан беше спасен по 48 часа на море.

Чамец потона кај Тунис: Осум мигранти пронајдени мртви

Се вели дека крајбрежната стража, војската и тимовите за цивилна заштита, поддржани од два хеликоптери, продолжуваат со потрагата по исчезнатите мигранти, објави Ројтерс.

Чамецот, кој превезувал 15 претежно млади луѓе, испловил рано во четврток и потонал кај брегот на Тунис, а вчера е спасено само едно лице, изјави претходно раководителот на група за права на мигрантите.

Преживеаниот талкал по море 48 часа пред да биде спасен од трговски брод.

Сите мигранти на чамецот што потона беа од регионот Бен Гердан во југоисточна Тунис, а десетици млади луѓе се собраа доцна во саботата во градот во близина на либиската граница за да побараат од властите да ги забрзаат операциите за пребарување, а полицијата употреби солзавец за да ја растера толпата.

Централномедитеранската рута од северноафриканскиот брег е една од најсмртоносните миграциски рути во светот, која ја користат мигрантите од Африка и Блискиот Исток кои се обидуваат да стигнат до Европа, честопати во преполни или неисправни чамци.

Извор: Б92

Тагови: мигранти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер