Откриен е нов, мистериозен сигнал од далечната вселена: Се повторува - Канал 5

Технологија

Откриен е нов, мистериозен сигнал од далечната вселена: Се повторува

Научниците открија уште еден повторлив извор на брз проток на радио бранови (FRB) што дополнително ја продлабочи мистеријата за тоа што точно може да ги произведе овие сигнали.

Откриен е нов, мистериозен сигнал од далечната вселена: Се повторува

FRB 190520B првпат е откриен во 2019 година, а сега е откриено дека често емитува рафали на моќни радио бранови во траење од една милисекунда.

Брзите изливи на радио бранови се една од најфасцинантните мистерии во вселената. Тие се исклучително моќни, некои ослободуваат повеќе енергија од 500 милиони сонца и траат помалку од трепнување со око.

Една од најважните карактеристики на овие сигнали е тоа што тие се краткотрајни и непредвидливи. Обично се појавуваат ненадејно на некој дел од небото и траат само неколку милисекунди. Повеќето од нив доаѓаат од други галаксии, само еден извор е откриен во Млечниот Пат.

Повторливите FRB, односно кога тоа не е само еден интервал, туку неколку по ред, се многу ретки и особено го привлекуваат вниманието на научниците. Некои од повторливите FRB се јавуваат периодично, во редовни интервали, на секои неколку дена или месеци. Досега се откриени три повторливи извори на брзи радио бранови.

Сигнал од FRB 190520B пристигнал на Земјата во мај 2019 година, снимен од радио телескопот FAST во Кина, а последователните набљудувања покажале дека тој се повторува и доаѓа од работ на многу стара џуџеста галаксија, оддалечена речиси 4 милијарди светлосни години.

И се чини дека емитува послаби радио преноси, што пак укажува дека брзите радио рафали доаѓаат од компактен и стабилен радио извор, чија природа е непозната.

Слична е ситуацијата и со повторливиот FRB 121102. Ова е првиот FRB откриен од каде доаѓа - од многу стара џуџеста галаксија оддалечена 3 милијарди светлосни години, пишува Science Alert.

„Сега имаме два такви FRB, што покренува многу прашања“, рече астрономот Кејси Ло од Калтек.

На пример, сите брзи изливи на радио бранови може да се повторуваат, но нивните емисии се премногу ниски во енергија и не можеме да ги снимиме. Научниците веруваат дека може да има најмалку два различни механизми зад појавата на FRB: бран емитиран од различни предмети или емитиран од ист тип на објект во различни фази од неговата еволуција.

Магнетарите се вид на неутронска ѕвезда која настанала откако масивна ѕвезда се распаднала и станала супернова и која има исклучително силно магнетно поле. Можно е нормалните неутронски ѕвезди и магнети да испуштаат FRB на различни начини.

Понатамошната анализа на податоците покажала дека можеби една карактеристика на FRB не е толку корисна во мерењето на растојанието како што претходно се мислело. Тоа е мерка за дисперзија, односно начинот на кој светлината се расфрла низ гасот помеѓу нас и изворот. Брановите со поголема фреквенција патуваат поефикасно од пониските бранови и ова може да се користи за мерење на растојанието.

За FRB 190520B, мерката за дисперзија сугерира дека изворот е оддалечен од 8 до 9,5 милијарди светлосни години. Но, други мерења на растојание покажале дека галаксијата е многу поблиску до нас.

„Ова значи дека има многу материјал во близина на FRB и дека има плазма средина околу изворот што се повторува; што е во согласност со карактеристиките на неодамна формираната супернова. Без оглед на изворот, таа е формирана неодамна“, рече астрофизичар Кшитиј Агарвал од Универзитетот во Западна Вирџинија.

Астрономот Ди Ли од Националната астрономска опсерваторија на Кинеската академија на науки верува дека FRB 121102 и FRB 190520B веројатно ја претставуваат почетната фаза на еволуцијата на популацијата FRB.

Студијата наречена A repeating fast radio burst associated with a persistent radio source е објавена во списанието Nature.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Рита Ора во секси бикини ги покажа стомачните!

Мегапопуларната пејачка со потекло од Балканот, Рита Ора ги покажа своите извајани стомачни мускули во сребрен бикини, споделувајќи впечатливи фотографии од својот одмор на Миконос на Инстаграм.

Фото: Рита Ора во секси бикини ги покажа стомачните!

35 годишната Рита на фотките позира на луксузна јахта на која уживала заедно со пријателите.

Покрај сребреното бикини, Рита имаше и зелен шал за да ја заштити косата и беше совршено стилизирана.

„Ми треба ресетирање на душата, сонце, бикини и музика“, напиша пејачката во описот на објавата.

Тагови: рита ора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ким Кардашијан во микро бикини го рекламира својот бренд

Најпознатата американска старлета, Ким Кардашијан не престанува да ги промовира различните делови од колекцијата на нејзиниот бренд SKIMS, а тоа значи само едно – нејзините фанови ќе уживаат во атрактивните новитети на старлетата.

Фото: Ким Кардашијан во микро бикини го рекламира својот бренд

Риалити ѕвездата Ким Кардашијан секогаш има свои решенија за привлекување внимание. Откако сите пишуваа за нејзината врска со Луис Хамилтон, која веќе не е тајна бидејќи возачот на Формула 1 редовно ја изјавува својата љубов кон ѕвездата, таа сега го насочи својот фокус кон својот бренд SKIMS.

Уште од самиот почеток, таа имаше провокативни рекламни кампањи во кои се појавуваше таа или нејзините сестри, облечени во многу малку облека, минијатурни бикини и слично.

Сега таа ги почести своите обожаватели со серија фотографии

.

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Ова се најдобрите половни автомобили до 10.000 евра

Ако планирате да купите половен автомобил со цена до 10.000 евра, петте модели што се сметаат за најдобри се VW од седмата генерација, Mazda 6, BMW серија 3, Honda Accord и Volvo S60.

Ова се најдобрите половни автомобили до 10.000 евра

Кои се најдобрите половни автомобили со цена до 10.000 евра?

Покрај самото одржување, важна е и сервисната мрежа во вашиот град или во околината.

Денес, сите производители имаат широка мрежа за сервисирање и набавка на резервни делови, што го става сопственикот во поволна положба; на него останува „само“ да вложува во своето возило, односно редовно да го одржува – да врши мали и големи сервиси и да ги заменува истрошените делови кога ќе дојде време за тоа, пред да настане сериозен дефект.

Ако планирате да издвоите 10.000 евра за купување половен автомобил, на пазарот секогаш се достапни неколку одлични модели кои се многу барани токму поради нивната репутација. Кај нас најчесто се возат дизел-автомобили, но и моделите на бензин се многу достапни и поволни.

1.VW Golf од седмата генерација – за сума до 10.000 евра може да се најде верзија со бензински мотор 1.4 TSI или дизел мотор 2.0 TDI. Достапни се и мануелни и автоматски менувачи, но доколку DSG менувачот нема сервисна историја, подобро е да го избегнете поради скапите поправки.

2.Mazda 6 од втората генерација – возило од средна класа кое нуди добар компромис меѓу удобноста, сигурноста и моќноста. Најразумен избор се дволитарските бензински мотори MZR со околу 147 КС (коњски сили) или 2.5 MZR, додека дизел моторите 2.0 и 2.2 MZR CD нудат помала потрошувачка за оние што возилото го користат главно за возење на отворен пат.

3. BMW Серија 3 – генерацијата F30 се движи во ценовниот опсег до 10.000 евра и обично доаѓа со поголема километража. Најдобар избор е дизел моторот 318d или 320d со мануелен менувач, а ако најдете добро одржуван примерок, нема потреба многу да се двоумите.

4. Honda Accord – ова е еден од најсигурните автомобили во средната класа. Најбарани се бензинскиот мотор 2.0 i-VTEC и дизел моторот 2.2 i-DTEC, при што вториот е малку поскап за одржување од бензинецот.

5. Volvo S60 од втората генерација – ова е веќе премиум возило што може да се најде по цена на „обичен“ половен автомобил.

Најбарани се дизел моторите D3 и D4 доколку планирате да потрошите до 10.000 евра, додека бензинската верзија со мотор T5 нуди подобра динамика на возење, но и малку повисоки трошоци за одржување.

Важно е да се напомене дека ова се модели што се застапени на бројни веб-страници за продажба на половни автомобили и не се единствените квалитетни опции во ценовниот опсег до 10.000 евра; затоа, потребно е темелно да ги истражите сите модели што ве интересираат и внимателно да ја донесете таа важна одлука. Исто така, секогаш одвојте најмалку 500 евра при купување половен автомобил, за случај веднаш да биде потребен некаков сервис или поправка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер