Осумгодишно девојче со хеликоптер пренесено од Скопје во Истанбул за операција - Канал 5

Македонија

Осумгодишно девојче со хеликоптер пренесено од Скопје во Истанбул за операција

По неколкучасовен лет осумгодишно девојче од Охрид со дијагноза на напредна сколиоза успешно е пренесено во Спинален центар Истанбул со медикоптерот од ГОБ 8ми Септември. 

Осумгодишно девојче со хеликоптер пренесено од Скопје во Истанбул за операција

Девојчето било лекувано во нашите здравствени институции, но по консултации на лекарите одлучено е понатамошниот третман да биде во Турција каде ќе му биде извршен оперативен зафат. По четиричасовната операција ќе следува третман на рехабилитација кој ќе трае две недели до еден месец.

- Заради тоа што пациентката е да кажеме во неподвижна состојба, транспортот е овозможен во лежачка положба е транспортирана заедно со еден родител, дека сепак е малолетно лице. Безбедно се пристигнати во медицинската установа каде што ќе треба да се спроведе хируршка интервенција,- - Христијан Костов -директор на ГОБ 8 Септември.

Д-р Костов потсетува дека транспортот за пациентите кои имаат ваква потреба е бесплатен и тој му следува на секој осигуреник во Македонија. Според протоколот потребно е да се испрати Барање за користење на медикоптерот до ЦУК на телефонскиот број 112.

- После пријавувањето во ЦУК се препраќа барањето до МВР, откако ќе се одобри употребата на хеликоптерот се препраќа до Министерство за здравство, односно тој препраќа барање до нас за да овозможиме медицинска придружба за транспорт од една медицинска установа кон друга или обратно,- - Христијан Костов -директор на ГОБ 8 Септември.

Ова е трет меѓународен транспорт на пациент со Медикоптерот „бел 212“ од одделот за воздухопловни едници при МВР кој е опремен со медицинска опрема за итен транспорт за високоризични пациенти, а беше промовиран во декември минатата година на хелиодромот на Општа Болница Битола.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Стојаноски: Македонија лидер во регионот: Патничкиот авиосообраќај порасна за 27,9%

И ова може да биде вест во Република Македонија.

Стојаноски: Македонија лидер во регионот: Патничкиот авиосообраќај порасна за 27,9%

Резултатите покажуваат дека Македонија станува се попривлечна туристичка и транспортна дестинација.

Аеродромите во Охрид и Скопје го имаа најуспешниот јули досега, поставувајќи историски рекорди во македонскиот воздушен сообраќај.

27,9% раст на патничкиот сообраќај – прво место меѓу земјите кои не се членки на ЕУ+, според ACI Europe.

Меѓународниот аеродром Скопје е рангиран меѓу најбрзорастечките средни аеродроми во Европа, со раст од 28,6%.

Аеродромот Св. Апостол Павле Охрид го забележа најуспешниот месец јули во својата историја.

Во текот на јули, охридскиот аеродром има раст од 41,21% во споредба со истиот месец минатата година.

Овие бројки се потврда дека инвестициите во нови авиолинии, развојот на аеродромите и поддршката на туризмот носат конкретни резултати за македонската економија.

Бојан Стојаноски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Извршени 44 акциски контроли за санкционирање на незаконит риболов во јуни и јули

Приведени две лица, запленети 702 парчиња риба и 25 рибарски мрежи.

Извршени 44 акциски контроли за санкционирање на незаконит риболов во јуни и јули

Полициската станица за граничен надзор „Охридско Езеро“ Охрид, во текот на јуни и јули оваа година, во водите на Охридското езеро изврши 44 акциски контроли поврзани со кривичното дело „незаконит риболов“ и откривање лица сторители, како и пронаоѓање мрежи и други предмети од извршено кривично дело. Притоа, при вршење на кривичното дело „незаконит риболов“, полициските службеници затекнаа две лица, едното од охридското село Пештани а другото од Струга, ги приведоа во полициската станица и против нив се поднесени соодветни пријави.

Во текот на акциските контроли, пронајдени се вкупно 25 т.н. висечки рибарски мрежи со должина од четири километри и деветстотини метри кои се најстрого забранети за лов на риба и вкупен улов од 702 парчиња риба охридска белвица, односно вкупно 97.1 килограми. Полициската станица за граничен надзор „Охридско Езеро“ Охрид, и во текот на наредниот период ќе врши акциски контроли по овој основ, како и по одредбите од Законот за внатрешна пловидба.

Тагови: незаконит риболов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 100 денари литар дизел – ново зголемување откако Мицкоски најави намалување на цените

Дизелот денеска повторно поскапува, трет пат по ред, откако Мицкоски најави намалување на цената. Сега еден литар дизел ќе изнесува речиси 100 денари.

СДСМ: 100 денари литар дизел – ново зголемување откако Мицкоски најави намалување на цените

Како што веќе рековме, секогаш кога Мицкоски ќе најави мерки за намалување на цените, веднаш следува ново поскапување.

По неговите најави - не еднаш, туку три пати се случува поскапување на дизел горивото.

Граѓаните веќе имаат страв од најавите на Мицкоски.

Знаат дека ќе поскапи сè, бидејќи со поскапување на дизелот поскапува транспортот, храната и останатите цени.

Сега веќе е потврдено, секоја „мерка“ на Мицкоски за намалување на цените - носи ново поскапување.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер