Шила и Клејт Флечер биле уапсени во јануари 2022 година, откако нивната ќерка Лејси (36) беше пронајдена мртва во ужасни услови на кауч, покриена со измет и црви.
Лејси исчезна од очите на јавноста во 2002 година, а 12 години не го напушти каучот. Кога починала, тежела едвај 40 килограми, соопшти обвинителството.
Патологот изјавил дека девојката починала од акутно занемарување, а дека и две години по откривањето на овој случај бил длабоко потресен од она што го видел.
„Сум видел секакви смртни случаи. Целиот мој работен век сум видел безживотни тела, но никогаш што ѝ се случило на Лејси“, им рекла Евел Бикам на новинарите, додавајќи дека никој не заслужува да страда така.
Лејси била „слеана“ со каучот преку нејзината гнила кожа, а кога ја пронашле, коските ѝ излегувале надвор од телото, вели судскиот лекар.
При изрекувањето на казната за родителите на Лејси, окружниот обвинител рече дека никој нема да се однесува со друго човечко суштество на таков суров начин.
Родителите на Лејси во текот на целото судење инсистираа дека се невини, посочувајќи дека нивната ќерка боледува од Аспергеров синдром и била вознемирена. Тврдеа дека таа одбила да стане од каучот и дека таму ѝ ги носеле оброците и нокширот.
Тие истакнуваат дека нивната ќерка била „заклучена во телото“, и дека била толку невролошки болна што можела да ги движи само очите, но не и екстремитетите.
Но, неколку извори запознаени со случајот и семејството рекоа дека тоа е лажно и директно ги обвинија родителите за тоа што ѝ се случи на Лејси.
Според истрагата, родителите на Лејси ја однеле кај психолог во 2000 година, кога имала 14 години, и рекле дека страдала од тешка социјална анксиозност. Тие се вратиле на лекар во 2010 година без Лејси и рекле дека таа одбива да го напушти нивниот дом и дека уринира и врши нужда на подот.
Докторот им рекол дека треба веднаш да биде хоспитализирана, но девојката никогаш не била донесена во болница.
Џес Исли, кој ги познавал Флечерови 25 години, рече дека не ни знаел дека имаат ќерка и покрај тоа што со децении се гледале секоја недела.
За Клеј и Шила рече дека тие биле примерни граѓани.
"Прекрасни, внимателни, или така мислевме. Шокиран сум од тоа што го дознав. Срцето ми е скршено", рекол Исли.
Форензичкиот патолог Дејна Троеклер откри дека телото на Лејси било преполно со чирови од притисок и дека претрпела хронична инфекција на коските со „поларизирачки влакна на откриената коскена површина“.
„Црвите беа во перинеумот и околу декубитусните улкуси. Ако црвите се појавија по смртта, ќе најдевме ларви и јајца во пределот на очите, ушите и носот“, рече д-р Дана.
Причината за смртта на Лејси беше прогласена дека е сепса поради комбинација на повеќе состојби, вклучувајќи инфекција на коските, продолжена неподвижност, екстремна неухранетост и „тешка хронична занемарување на лице со посебни потреби“.