Свет

Осудени се директорки на американска компанија- ги принудувале следбеничките на секс со клиенти

Директорките на американската компанија за „ментално и сексуално здравје на жените“ која ја промовира таканаречената „оргазмична медитација“ се прогласени за виновни во федералниот суд за принудување на членовите да работат.

Поротата во Бруклин во понеделник ги прогласи Никол Дедон, основачката на компанијата OneTaste, и Рејчел Червиц, поранешна директорка за продажба во компанијата во Калифорнија, за виновни по помалку од два дена размислување, пишува CNN. Судењето траеше пет недели. Двете жени може да добијат до 20 години затвор, а казната ќе биде изречена подоцна.

Обвинителите тврдат дека со години систематски ги експлоатирале следбеничките, од кои многумина биле трауматизирани од сексуално насилство, принудувајќи ги да извршуваат разни задачи за нив.

„Слобода и просветлување“

Според обвинението, Дедон, 57, и Червиц, 44, користеле економска, сексуална и психолошка злоупотреба, заплашување и индоктринација за да ги принудат членовите на OneTaste на сексуални дејствија што ги сметале за непријатни или одвратни, вклучително и секс со потенцијални инвеститори или клиенти.

Тие им кажале на следбеничките дека ваквите акции се неопходни за да се постигне „слобода“ и „просветлување“ и дека ја покажуваат својата посветеност на вредностите на организацијата. Обвинителите, исто така, изјавија дека членовите, кои на крајот станале работнички, никогаш не ги добиле ветените плати, а некои дури биле принудени да аплицираат за нови кредитни картички во банките за да можат да продолжат да ги посетуваат курсевите.

Заменик-американскиот обвинител Нина Гупта минатата недела во завршните зборови изјави дека обвинетите „изградиле бизнис врз грбот на жртвите“ кои им дале „сè: пари, време, тело, достоинство и на крајот разумност“.

„Феминистичка претприемачка која ги руши бариерите“

„Пресудата ги разоткри Дедоне и Червиц за она што навистина се: измамнички кои ги злоупотребувале ранливите луѓе со празни ветувања за сексуално јакнење и здравје само за да ги натераат да работат за нив бесплатно“, рече Џозеф Ночела, американски обвинител за Источниот округ на Њујорк.

Одбраната ја опиша Дедоне како „феминистичка претприемачка која ги руши бариерите“ и создава оригинален бизнис модел базиран на женската сексуалност и јакнење.

Адвокатот на Рејчел Червиц, Селија Коен, тврдеше дека сведоците не биле принудени да прават ништо. „Кога повеќе не им се допаѓала организацијата или сакале да пробаат нешто друго, едноставно си заминувале“, рече таа. „Без оглед на тоа што мислите за OneTaste и што правеле, членовите ја избирале. Тие знаеле што прават“, рече таа во завршните зборови.

„Длабоко сме разочарани од пресудата“

„Фактот што сега се каат за постапките од нивните помлади денови не е доказ дека е извршено кривично дело“. Адвокатите на обвинетите изјавија дека нивните клиенти сè уште тврдат дека се невини и дека ќе поднесат жалба. „Длабоко сме разочарани од денешната пресуда“, рекоа тие во соопштението во понеделникот. „Овој случај покрена голем број нови и правно сложени прашања што ќе треба да ги разгледа Апелациониот суд за Вториот округ“.

Дејдоне го основа OneTaste во 2004 година во Сан Франциско како еден вид комуна за самопомош, врз основа на идејата дека женскиот оргазам е клучот за сексуалното и психолошкото здравје и меѓучовечката врска. Централната практика беше таканаречената „оргазмична медитација“ или „ОМ“, постапка во која мажите рачно ги стимулираат жените, често во групна средина.

„Авангардна организација која се фокусира на сексуалното задоволство на жените“

Компанијата уживаше медиумско внимание во текот на 2010-тите и брзо ги прошири операциите, отворајќи филијали од Лос Анџелес до Лондон.

Беше претставена како авангардна организација која се фокусира на сексуалното задоволство на жените и генерираше приход преку курсеви, индивидуално советување, работилници за ОМ и други платени сексуални услуги. Дедон го продаде својот удел за 12 милиони долари во 2017 година, една година пред маркетинг и работни практики на OneTaste да бидат под лупа.

Денешните сопственици, кои ја ребрендираа компанијата во Фондација на Институтот за ОМ, тврдат дека нивната работа е погрешно протолкувана и дека обвинувањата против поранешните директорки се неосновани. Тие велат дека согласноста отсекогаш била фундаментален принцип на нивните постапки.

Тагови: клиенти компанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ОЈО за прозивките од СДСМ: Предмети отвораме врз основа на докази, не на барања од политички партии

По прозивките од СДСМ, Јавното обвинителство соопшти дека предметите ги оформува исклучиво врз основа на прибавени докази и закони, а не под влијание или барања на политички субјекти.

Од ОЈО Скопје посочуваат дека институцијата постапува согласно своите законски надлежности во сите случаи каде што постојат индиции или докази за сторено кривично дело.

Оваа реакција од Обвинителството доаѓа како одговор на прашањето дали ќе биде отворена истрага за случајот со „АЛТА банка“, по барањата и обвинувањата кои беа јавно изнесени од страна на опозицијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кристијано Роналдо станува продуцент и влегува во Холивуд

Најдобро платениот светски фудбалер, легендарниот Кристијано Роналдо станува продуцент и влегува во Холивуд.

Тој ги здружи сили со режисерот на хит филмот „Кингсман“.

41 годишниот Кристијано Роналдо ја проширува својата деловна империја и влегува во филмската индустрија.

Познатиот фудбалер ги здружи силите со режисерот Метју Вон (55), познат по филмовите од серијалот „Кингсман“ (Kingsman), со кого ја основаше филмската и телевизиска продукциска куќа „UR Marv“, пишува heute.at.

Првиот заеднички проект е акциона комедија „Stuntnuts“, во која се појавуваат и познати холивудски имиња, како што се Крис Хемсворт, Сем Роквел и Мет Дејмон.

Според германскиот „Билд“, филмот треба да им биде претставен на претставници од филмската индустрија на „Американскиот филмски пазар“ (American Film Market).

Дејството следи двајца талентирани каскадери кои прифаќаат ангажман во голема холивудска продукција, со цел да заработат доволно пари за да ја спасат својата локална теретана.

Специфичноста на филмот е во тоа што главните улоги ги играат професионални каскадери, а не класични филмски актери.

Меѓу нив се Боби Холанд Хантон (42), кој со години беше каскадер-двојник на Крис Хемсворт, и Грег Таунли (30), кој го заменуваше Том Холанд во филмовите за „Спајдермен“.

Во филмот настапуваат и Пол Лоу, кој работел на филмовите за „Хари Потер“ и на серијата „Игра на тронови“, како и Харука Ошима, позната по својата работа на филмовите „Не е време за умирање“ и „Матрикс“.

За време на подготовките за филмот се случи сериозна несреќа. Грег Таунли падна од водокула неколку месеци пред почетокот на снимањето, при што се здоби со фрактури на 'рбетот на три места. Поради неговата повреда, продукцијата беше одложена неколку месеци.

Несреќата подоцна беше вклучена во сценариото за да се истакнат опасностите со кои се соочуваат професионалните каскадери во својата работа.

За Роналдо, ова претставува нов деловен потфат надвор од фудбалот, а според медиумските извештаи, веќе се подготвуваат и други филмски и телевизиски проекти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од полноќ значително намалување на цените на горивата

Ново значително намалување на цените на горивата.

Бензините Еуросупер БС-95 и БС-98 поевтинуваат за седум денари по литар, а дизелот за 5,5 денари...

Од полноќ, новата цена на 95-ката ќе изнесува 86 денари, а на 98-ката, 88 денари за литар. Дизелот ќе се продава по 94,5 денари за литар.

Од регулаторна кажаа дека намалувањето на цените е резултат на падот на берзанските цени на нафтените деривати, понискиот курс на доларот, но и владините мерки за намалување на акцизите за бензините и дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.