Технологија

Основачот на ChatGPT: Теоријата на „мртов интернет“ можеби е вистина

Сем Алтман, извршен директор на OpenAI, компанијата што го создаде популарниот ChatGPT, изјави дека можеби има вистина во теоријата за „мртов интернет“.

Иако долго време се сметаше за ништо повеќе од теорија на заговор, изјавата на Алтман ѝ даде нова тежина во јавната дебата, пишува The Independent.

Теоријата тврди дека поголемиот дел од содржината на интернет, како и наводните човечки интеракции, всушност се генерираат автоматски од компјутерски програми или ботови, и дека вистинската човечка активност стана релативно ретка. Иако идејата честопати беше отфрлaна, брзиот развој на системите за вештачка интелигенција во последниве години, како и неуспешните обиди за потиснување на ботовите на платформи како X, придонесоа за нејзиниот зголемен кредибилитет.

Многу сметки на X всушност се водени од LLM

Основачот на ChatGPT , Сем Алтман сега призна дека, и покрај неговите претходни сомневања, можеби има вистина во теоријата.

„Никогаш не сум ја сфаќал премногу сериозно теоријата за мртов интернет, но се чини дека сега навистина има многу кориснички сметки на X што ги водат LLM.“

LLM, или големи јазични модели, се технологијата што ја поткрепува ChatGPT, како и слични алатки како Клод на Антрипик.

Неговата најава предизвика бран реакции од корисниците кои ја истакнаа иронијата дека тој, како раководител на OpenAI, директно придонесува за проблемот за кој предупредуваше. Појавата на ChatGPT кон крајот на 2022 година предизвика поплава од слични алатки за вештачка интелигенција, што го олесни автоматското генерирање содржина и објави на онлајн платформи, и за автентични и за злонамерни корисници.

Worldcoin како решение за борба против вештачката интелигенција

Некои критичари сугерираа дека коментарот на Алтман може да биде поврзан со неговиот друг проект, World Network, порано познат како Worldcoin, кој го основал во 2019 година. Компанијата има за цел да создаде систем за докажување на вистински човечки идентитет преку скенирање на ирисот, што се промовира како решение за борба против влијанието на вештачката интелигенција на интернет.

Тагови: интернет основачот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

BREAKING: Gulfstream G100 with 6 persons on board has reportedly crashed into the Atlantic while flying from Bermuda to Boston pic.twitter.com/gHZI5Sq2vc
— Breaking Aviation News & Videos (@aviationbrk) October 3, 2026

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО.

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.