82 – годишна бабичка е хит на интернет со совети за мажите- проблемот е што не постои (ВИДЕО) - Канал 5

Забава

82 – годишна бабичка е хит на интернет со совети за мажите- проблемот е што не постои (ВИДЕО)

Доколку поминувате многу време онлајн, веројатно сте наишле на вирална бабичка во скапа облека која споделува брутално искрени совети за љубов и врски.

82 – годишна бабичка е хит на интернет со совети за мажите- проблемот е што не постои (ВИДЕО)

Можеби дури и сте се прашале: „Која е оваа жена?“ Ако не сте ја виделе порано, запознајте ја Бади Бети, 82-годишната сензација на TikTok која освои милиони прегледи, сите со торба Birkin од 27 илјади евра во рака.

Таа се појавува на TikTok под корисничкото име @baddiebethany, а нејзиниот опис кажува сè: „82 години млада - легендарна, богата и неодолива“. Во своите видеа, бабичката отворено и директно споделува совети што ја воодушевуваат и ја шокираат публиката.

Примери?

„Сите мажи ќе ве разочараат, затоа изберете го најбогатиот“, „Не дозволувајте вашето момче да ве спречи да најдете сопруг“, се само некои од нејзините совети.

@baddiebethany This is my one and only tiktok account 💘 #baddiebetty #streetinterview #veo3 #ai ♬ Dramamine - Flawed Mangoes

Едно компилациско видео од нејзините изјави е прегледано повеќе од 700 илјади пати, а коментарите на луѓето продолжуваат да доаѓаат.

„Мажена на 25 години, вдовица на 30, никогаш повеќе не морав да работам. Го слушав нејзиниот подкаст“, напиша еден корисник на TikTok, додека друг додаде: „Нејзината колекција чанти Birkin е луда. Време е да почнете да ја слушате оваа жена.“

Но... Еве го пресвртот.

Беди Бети не постои

На корисниците на TikTok не им требаше долго време да сфатат дека Бети воопшто не е вистинска. Во едно видео, беше забележано дека има премногу прсти - типична грешка на вештачката интелигенција. Фотографиите на Instagram исто така изгледаат сомнително „совршени“, без ниту една брчка или реалистичен детаљ.

Нејзината страница на Instagram следи само три профили - од кои два се поврзани со платформата Flye TV, која се занимава со проекти базирани на вештачка интелигенција и „истражување на човештвото преку вештачка интелигенција“.

@baddiebethany He’ll double it and give it to the next person too #baddiebetty #grandma #sprinklesprinkle #datingadvice ♬ original sound - Baddie Betty 💖

Сè укажува на фактот дека Бети е дигитална креација. Вешто изработена, наменета да забавува, збунува и привлекува внимание во денешниот дигитален хаос.

Еден корисник коментираше: „Тотално сум зависна. Имам 60 години и не сум навикната да бројам прсти на видеата. Ми треба курс за преживување во ерата на вештачката интелигенција.“

Вештачка интелигенција или не - Бети заработува пари

И покрај нејзините сомнежи (или поради нив), баба Бети не забавува. Во најавата е нејзината книга наречена Elite Playbook - водич за жени кои сакаат да „транзицираат од евтини состаноци кон луксузни шопинг тури“.

„Дами, дали сте подготвени за надградба? Мојот водич за освојување маж кој обезбедува луксуз и безбедност доаѓа наскоро“, се вели во описот на најавата на нејзината книга.

Не е прв пат интернетот да се „закачи“ на фиктивна личност

Беди Бети не е првиот случај што покажува колку можат да бидат убедливи виртуелните личности. Деновиве, манекенката и инфлуенсерка Миа Зелу предизвика лавина од реакции откако објави фотографии од овогодинешниот Вимблдон. Таа собра илјадници лајкови, бројни коментари и има повеќе од 166 илјади следбеници.

Но, и тука има еден клучен детаљ - Миа не постои.

Зборуваме за инфлуенсерка која е целосно создадена од вештачка интелигенција, од изглед до личност. И додека многумина сè уште веруваат дека таа е вистинска, нејзиниот профил е всушност експеримент што покажува колку е лесно денес да се изгради „персона“ од ништо – и тоа публиката можеби дури и нема да го забележи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

60-годишен скопјанец ја раскажа двенеделната сага со западнонилската треска по каснување од комарец

60 годишен маж од скопско Кадино, ја раскажа две неделната сага преживеана со нилската треска.

60-годишен скопјанец ја раскажа двенеделната сага со западнонилската треска по каснување од комарец

Маката започнала три дена по големото невреме во јули во Скопје. Тој расчистувал паданти дрва, кровови и верува дека тогаш бил каснат од комарец. Почнало со треска и силна главоболка, чувство на нервоза и страв, по два дена лекување дома одма отишол на инфективната клиника.

Десет дена се лекувал во болница, но излегувањето од болница значи надминување на треската, но не и на уморот. Бара редовни контроли и одмор.

Во инфективната клиника има шест пациенти, двајца се критични. Нови приеми нема. Диреркторот на клиниката Фадил Цана во вести плус на канал 5 посочи дека за да се спречат потешки последици е едукација на населението за зашитата но и навремено прскање на каналите и нивно чистење.

60 годишниот скопјанец објасни дека последен пати на клиниката бил пациент со ковид, но овој пат вирусот на нилска треска бил многу потежок. Тој со апел заштита со средства против комарци, но општините да ги одржуваат водните површини и редовно да прскаат.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

По „Безбеден град“ намален вкупниот број загинати на македонските патишта

За 35 лица е намален бројот на загинати во сообраќајни несреќи во првите осум месеци годинава, споредено со истиот период лани.

По „Безбеден град“ намален вкупниот број загинати на македонските патишта

Од 96 жртви во 2025, бројот годинава е намален на 61. Бројките ги сподели министерот за внатрешни работи Панче Тошковски при денешниот старт на „Безбеден град“ во Велес. Тој посочи дека намалувањето на бројот на жртви е резултат на повеќе фактори, меѓу кои и зголемената контрола и санкционирањето на сообраќајните прекршоци.

Со пуштањето во функција во Велес, системот го опфаќа целото подрачје на СВР Велес – Велес, Кавадарци, Неготино и Демир Капија. Само за ден и пол системот во Велес веќе регистрирал 151 сообраќаен прекршок. Од нив, 124 се регистрирани во саботата, а уште 27 денеска до пладне. Најголем дел се за прекумерна брзина, додека три до четири прекршоци се за минување на црвено светло.

-Вчера (сабота) регистрирани се 124 казни, а денес до пладне 27 казни, односно за ден и пол вкупно 151. Ова е многу помалку во споредба со бројките што ги имавме во некои претходни периоди. Велес доби и команден центар за овој систем, сместен во поранешните простории на Министерството за одбрана, кои се целосно реконструирани. Тој го покрива подрачјето на СВР Велес, односно градовите Велес, Кавадарци, Неготино и Демир Капија. Најголем дел од овие 151 казна се за брзо возење, а само три-четири се за минување на црвено светло на семафор. – Панче Тошковски – Министер за внатрешни работи

Но, црниот биланс на патиштата и натаму е присутен. Само во изминатите два дена во две тешки сообраќајки загинаа три лица – двајца кај Илинден, меѓу кои татко и неговиот 17-годишен син, и 21-годишен млад фудбалер во несреќата на патот Гостивар–Стража. Во двете несреќи има и повеќе повредени. Во сообраќајката кај Илинден повредени беа две лица, едното повредено 17 годишно момче е во кома, а 17 годишната девојка е тргната од респиратор, велат од Ургентен.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Ќе се намалува ДДВ-то за дизел горивата

На владина седница денеска ќе се донесе мерка за намалување на ДДВ за дизел горивото од 18 на 10 проценти – информира премиерот Христијан Мицкоски.

Мицкоски: Ќе се намалува ДДВ-то за дизел горивата

Во продолжение погледнете ја целосната изјава.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер