Османи: Уште денеска ќе го договориме состанокот меѓу Заев и Ахмети за најавената реконструкција

Вицепремиерот за европски прашања Бујар Османи изјави дека уште денеска ќе биде договорен состанокот меѓу премиерот Зоран Заев и лидерот на ДУИ Али Ахмети, околу најавената реконструкција.

Османи, каде што присуствуваше на средба со студентите од Економскиот факултет при УКИМ, рече дека оваа тема тема не треба да биде доминантна во политичкиот дискурс, бидејќи, како што рече, таа е помалку важна отколку суштинските теми, а тоа е реализација на програмата на Владата и големите чекори во поглед на интеграциите.

– Но тоа е интересот на јавноста и ние сме должни да одговориме на тој интерес. Денеска премиерот се враќа и уште денеска ќе го договориме состанокот меѓу двајцата лидери, за да можат да разговараат по однос на рефокусот на Владата кон темите што ќе бидат актуелни во периодот што доаѓа, истакна Османи.

Посочи дека во првите две години од оваа Влада доминантна беше надворешната политика, а сега во втората половина од мандатот во фокусот ќе биде економијата.

– Тука ќе требаат дополнителни зајакнувања на човечките капацитети, со цел да се испорачаат резултати во тој дел. Не можеше пред да се затворат политичките теми да се испорачаат економски резултати, бидејќи во услови на меѓународна изолација во еден глобален свет, тешко е една мала држава како Северна Македонија, да може да биде дел од позитивните економски текови, оцени тој.

Османи го повтори уверувањето дека на јунско-јулските самити на ЕУ ќе биде донесена одлука за почеток на преговори, иако, како што истакна, шпекулациите од некои членки се дека тоа може да биде и октомври.

Пред студентите на Економскиот факултет при УКИМ, Османи го претстави проектот „Со европско знаење до европската престолнина", конкурс наменет за студентите по општествени науки при државните универзитети, на кој преку учество со изработка на есеи, имаат можност да го покажат своето европско знаење.

Најдобрите 12, за кои ќе одлучат самите факултети, ќе добијат шанса да ја почувствуваат атмосферата во Брисел, преку тридневна студиска посета на европската престолнина, каде што ќе имаат можност да ги посетат клучните институции на ЕУ, како и да се запознаат со начинот на нивната работа. /МИА.

Британскиот крал Чарлс му предаде воена улога на принцот Вилијам

Британскиот крал Чарлс официјално му ја предаде улогата на врховен полковник на армискиот воздушен корпус на принцот Вилијам за време на посетата на аеродромот во Хемпшир.

Чарлс, кој е инаугуриран носител на оваа титула веќе 32 години, попладнево се сретна со својот најстар син во редок заеднички официјален ангажман во базата Мидл Валоп за да му ја пренесе улогата.

Воздухопловниот корпус на Армијата е старата единица на војводата од Сасекс, во која служеше како командант на хеликоптер Апачи и копилот-стрелец за време на неговата втора воена служба во Авганистан во 2012 година.

Одлуката на кралот да му ја предаде улогата на Вилијам се сметаше за удар за Хари кога беше објавена минатата година.

Кралот рече дека е „голема радост“ да се сретне со војниците, нивните семејства и ветерани при претходна посета на Музејот на военото воздухопловство, но додаде дека предавањето било „преплавено со голема тага“.

- Се надевам дека во иднина ќе бидете се поуспешни со принцот од Велс како ваш нов врховен полковник, рече крајот Чарлс.

- Одлична работа е што тој навистина е многу добар пилот – па тоа е охрабрувачки, додаде британскиот крал. /МИА

Жиру потврди дека ја продолжува кариерата во САД

Напаѓачот на Милан, Оливие Жиру објави денеска дека го напушта клубот по крајот на сезоната.

Триесетиседумгодишниот Французин кариерата ќе ја продолжи во американската МЛС лига каде ќе настапува за Лос Анџелес.

„Горд сум на она што го постигнав овде во Милано. Сега треба да ги одиграм последните два натпревари за Милан, па да одам во САД“, изјави Жиру, кој во 2018 година ја освои титулата светски првак со Франција, а во сезоната 2021/22 стана шампион со Милан во Серија А.

Жиру во дресот на Милан зад себе има 130 натпревари на кои постигна 48 голови.

Пред да дојде во Милан, Жиру играше за Гренобл, Истр, Тур, Монпеље, Челзи и Арсенал.

Со Монпеље ја освои француската титула, а со Челзи триумфираше во Лигата на шампионите и Лига Европа.

Во кариерата има 847 натпревари со 342 голови и 113 асистенции, освојувајќи вкупно 13 трофеи. /МИА

Британски боксер почина во рингот

 Британскиот боксер во средна категорија Шериф Лавал (29) почина откако беше нокаутиран на своето професионално деби во неделата.

Како што пренесуваат денеска англиските медиуми, Лавал бил нокаутиран по удар во слепоочницата во четвртата рунда од борбата против Португалецот Малам Варела во Лондон.

„За жал, Шериф колабираше за време на неговата борба и почина и покрај најдобрите напори на лекарскиот тим“, соопштија организаторите на борбата од „Ворен Бокс Менаџмент“.

Британската боксерска федерација упати сочувство до семејството на 29-годишниот Лавал. /МИА

притисни ентер