Македонија

Османи: ДУИ е за заеднички кандидат на претседателските избори

Ставот на ДУИ е дека е време Македонија да има консензуален кандидат за претседател. Кандидат кој ги надминува етничките и партиските линиии, кој ќе спојува и ќе биде гласот во кризни моменти, истакна вицепремиерот Бујар Османи.

Вицепремиерот Бујар Османи ја даде изјавата пред средбата со генералната секретарка на Регионалниот совет за соработка (РСС), Мајлинда Брегу.

Наведе дека претставниците на ДУИ во текот на претстојните денови со нивните коалициони партнери ќе разговараат во однос на заедничкиот кандидат за претседателските избори.

На прашањето, околку финансиските трошоци за имплементација на Законот за јазици, Османи нагласи дека за обезбедување на фундаменталните права нема пари кои треба да се проценат, посочувајќи дека се обидуваат максимално да ги искористат постоечките капацитети.

Во однос на очекуваните одлуки на Венецијанската комисија, заменик-претседателот на Владата наведе дека при подготовка на Законот имало одредени корекции за употребата на двојазичноста на униформите на војската и на парите, бидејќи, како што рече, може да биде надвор од Уставот.

– Со цел да не оставиме одредба што е сомнителна, што може да биде предмет на одредена мерка во Уставнито суд решивме тие две прашања да се повлечат од Законот за јазици, објасни Османи.

Наведе дека доколку Венецијанската комисија процени дека тие одредби се уставни, ќе бидат вратени во Законот.

– Мој личен став е дека додека Каракамишева е претставник на Македонија во Венецијанската комисија ништо не треба да се прати од овој Закон бидејќи таа веќе се обидува да направи субјективно влијание во однос на Законот и сметам дека нема да има, барем кај граѓаните, перцепција на објективност во проценката, меѓутоа сепак, ќе оставиме да разговараме деновиве со коалиционите партнери дали ќе ги пратиме сега тие одредби, потенцираше Османи.

На прашањето дали за ДУИ се преифатливи парламентарни избори тој одоговори дека ако се гледа партискиот интерес, нема подобар мемент од, како што рече, утре да се одржат предвремени избори.

– Меѓутоа ако се гледа државниот интерес не е момент бидејќи претстојните месеци се клучни за добивање на датум за започнување на преговори меѓутоа и за утврдување на една динамика за ратификација на протоколите за членство во НАТО во парламентите на земјите членки, истакна заменик-претседателот на Владата.

Оцени дека доколку се распишат избори, свесно ќе се наруши динамиката за започнување на преговори.

– Меѓутоа ако бидеме уценети, во смислам доколку нема парламентарни ќе има бојкот на претседателските, а тоа пак ќе создаде институционална криза што пак ќе создаде поголемо влијание врз динамиката на интеграцииите отоколку самите парламентарни избори, тогаш ќе седнеме и ќе размислиме, наведе Османи

Шоу биз

Фото: Никол Кидман во златен фустан

Актерката Никол Кидман  доби историско признание, и докажа дека е вистинска ѕвезда на филмската индустрија.

Мегапопуларната актерка неодамна ја доби наградата AFI (American Film Institute Lifetime Achievement) за животно дело и вклученост во филмската индустрија. Со тоа таа стана првата Австралијка која ја добила оваа престижна награда во Лос Анџелес.

На доделувањето на наградата на кое присуствувале многу колешки на Никол, сексапилната актерка блесна во златен долг и елегантен фустан кој ја истакна нејзината соврѓена става.

Македонија

Спасовски од Шуто Оризари: Да не се попречува изборниот процес

 Да не се попречува изборниот процес, да не се закануваат, да не навредуваат, да останат на ниво на демократски вредности!

Носителот на листа на кандидати за пратеници од СДСМ и коалицијата за европска иднина од ИЕ2, Оливер Спасовски, имаше свое обраќање во Шуто Оризари.

„Денеска продолжуваме со изборната кампања во Шуто Оризари на разговор со граѓаните за претседателските и парламентарните избори на 8 мај. Сакам да се сретнеме со сите граѓани, да влеземе во секоја куќа во општината Шуто Оризари, да поразговараме со секого за нашата перспектива на Македонија”, рече Спасовски. Притоа, тој ја истакна важноста да се гласа на 8 мај.

„Многу е важно граѓаните да останат смирени и овој втор круг од изборите да помине во демократска атмосфера. Упатувам порака до сите оние се дрзнуваат на било кој најчин да го попречуваат изборниот процес, да се закануваат, да навредуваат, да останат на ниво на демократски вредности. Да ги почитуваат граѓаните и на мирен, фер и демократски начин да заврши изборниот процес. Воедно ги повикувам сите граѓани масовно да излезат на изборите на 8 мај, да гласаат за нашиот претседател Стево Пендаровски заокружувајки го бројот 1, и да гласаат за листата на пратеници исто така под број 1 за коалицијата за европска иднина”, порача Спасовски.

Македонија

Како до празнична трпеза без да се оптовари домашниот буџет?

Како наближуваат велигденските и првомајските празни, така растат и цените на овошјето и зеленчук, јагнешкото месо.  

Канал 5 напарви обиколка на еден скопски пазар, но и во дел од месарите, каде засега единствено велат поскпаено е само јагнешкото месо. Поразговаравме и со дел од пазарџиите. Ако до вчера килограм краставица на скопските пазари можеше да се најде и за 50 денари килограм, денеска цената е повисока за 10 денари, од 5 до 10 денари има промени и кај доматот, компирот, салатите. Дел од пазарџиите велат можно е цените да растат и во следните денови.

„Некоја роба има разлика, но не верувам да се качи пред Велгиденот, може да се качи ама нема народ пари. 5 10 денари не е страшно, вчера беше краставицата 50 сега 60 денари. Доматот 100. Немаат граѓаните пари, со минимланна плата не може да искочи на крај со ова. “--изјави, трговец на пазар.

Граѓаните ги прават последните подготовки пред празниците, тие викендов се растрчаа по пазарите да купат по некое овошје и зеленчук, но велат не можат многу да си дозволат бидејќи цените постојано растат. Во зависност од домашниот буџет и цените на производите трпезата годиава ќе биде велат поскромна.

„Се спремаме и за велигден и за мај... Се знае дека се е поскапено, ќе биде малце исто ама посиромашно...“

„За некоја нијасна поскапено е да... “

„Секогаш има, секогаш имало или ќе има. Ако не многу од се помалку и пак ќе има....“

„Има и поскпаување и поевтинување негде има... Послаба ќе биде ама ....“

Досега цената на јагнешкото месо за килограм во дел од месарите и маркетите е зголемена од 150 до 200 денари. Дел од сточарите велат пред велигденските празници цената секогаш била повисока, но ова што сега се случува е нералано. Според нив најголемиот проблем е кај трговците кои ставаат високи маржи, бидејќи велат нивната откупна цена е 220 денари за килограм, па јагнето според нив не би требало да биде поскапо од 500 денари.

притисни ентер