Орбан: Унгарија влегува во нов златен период со администрацијата на Трамп - Канал 5

Свет

Орбан: Унгарија влегува во нов златен период со администрацијата на Трамп

 Унгарскиот премиер Виктор Орбан пристигна во Вашингтон на средба со претседателот на САД Доналд Трамп, со цел, како што изјави, да се отвори ново поглавје во унгарско-американските односи.

Орбан: Унгарија влегува во нов златен период со администрацијата на Трамп

Орбан, кој важи за еден од најблиските европски сојузници на Трамп, наведе дека планираната соработка ќе ги опфати енергетиката, инвестициите, одбранбената соработка и прашањата поврзани со состојбата по војната меѓу Русија и Украина. Тој истакна дека првите десет месеци од оваа година ја означиле почетната фаза на зајакнување на односите меѓу двете држави и дека е поправена штетата што, според него, унгарско-американските односи ја претрпеле за време на претходната американска администрација.

Орбан рече дека политички мотивираните санкции се укинати, дека е прекинато финансирањето на невладини организации кои ја критикуваат Унгарија и дека унгарските државјани повторно можат да патуваат во САД без визи.

Еден од главните предизвици за разговорите е унгарската зависност од руската нафта. Трамп ги повика европските земји да ги прекинат енергетските врски со Москва, но Унгарија досега го задржа своето снабдување од Русија.

Во изјава за државното радио Кошут, дадена од унгарската амбасада во Вашингтон, Орбан рече дека негов приоритет во Вашингтон е да ги убеди американските власти за потребата Унгарија да добие изземање од американските санкции што го засегаат рускиот енергетски сектор.

Тој ја опиша обновената соработка со администрацијата на Трамп како „другарство засновано на заеднички убедувања и политичка усогласеност“. Орбан нагласи дека Унгарија уште во 2010 година ја отфрли либерално-глобалистичката парадигма и се насочи кон конзервативен, христијанско-национален модел, кој, според него, првпат бил потврден со изборот на Трамп во 2016 година.

Со враќањето на Трамп на власт, санкциите биле повлечени, а одбранбената соработка обновена.

– Ова е добро за Унгарија. Американските инвестиции растат, а во земјата работат 1.400 американски компании со околу 100.000 вработени. Само годинава реализиравме седум инвестиции поголеми од 100 милиони долари, изјави Орбан.

Тој наведе дека усогласеноста во ставовите за миграцијата, семејните вредности и мирот е основа за „новиот златен период“ на унгарско-американските односи.

Во однос на војната во Украина, Орбан верува дека Трамп има јасна намера да придонесе кон мир и изрази надеж дека тоа може да доведе до завршување на конфликтот. Унгарскиот премиер го нарече Трамп „човек на мирот“, нагласувајќи дека тој е христијански лидер решен да стави крај на конфликтот.

– Тој затвори осум конфликти за осум месеци. Верувам дека може да го заврши и овој, изјави Орбан. Тој повтори дека Унгарија нема да испраќа оружје, војници или финансиска помош во Украина.

Орбан додаде дека постои притисок врз Унгарија да се приклучи на коалицијата што ја поддржува Украина, но дека земјата ќе ја задржи својата позиција за неутралност.

Орбан, исто така, потврди дека е во тек истрага во врска со безбедносниот инцидент поврзан со апликацијата на партијата „Тиса“ и најави дека по следната владина седница ќе бидат објавени дополнителни информации.

Тагови: Виктор Орбан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Посебен режим на сообраќај поради Скопскиот маратон

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер