Орбан: Не знаеме дали пожарот во рафинеријата беше несреќа или напад - Канал 5

Свет

Орбан: Не знаеме дали пожарот во рафинеријата беше несреќа или напад

 Унгарскиот премиер Виктор Орбан денеска изјави дека добил извештај од Министерството за внатрешни работи за пожарот што се случи минатата недела во рафинеријата за нафта Дунав во Сажаломбата.

Орбан: Не знаеме дали пожарот во рафинеријата беше несреќа или напад

Унгарскиот премиер Виктор Орбан денеска изјави дека добил извештај од Министерството за внатрешни работи за пожарот што се случи минатата недела во рафинеријата за нафта Дунав во Сажаломбата, и дека „сè уште не се знае дали станува збор за несреќа, дефект или надворешен напад“.

Орбан во објава на Фејсбук рече дека „истрагата е во полн ек“.

- Рафинеријата во Сажаломбата е една од петте најважни стратешки индустриски постројки во Унгарија. Полскиот министер за надворешни работи (Радослав Сикорски) ги советуваше Украинците да го кренат во воздух нафтоводот Пријателство (Баратшаг). Се надеваме дека тоа не е случај. Цените на бензинот веќе скокнаа, рече Орбан.

Тој додаде дека му наложил на министерот за економија, Мартон Наѓ, да преговара со раководителите на унгарската енергетска компанија МОЛ, и јасно да им стави до знаење дека компанијата не може да ја надомести загубената добивка на сметка на купувачите, со зголемување на цените на горивата.

Рафинеријата Дунав во Сажаломбата, управувана од МОЛ, е најголемата во земјата и првенствено преработува сурова нафта од Русија.

Пожарот избувна ноќта на 20 октомври, а беше локализиран следниот ден.

Тагови: Виктор Орбан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Морничави сцени: Вака изгледа „руско сафари“ ВИДЕО

На социјалните мрежи се појави вознемирувачко видео од украинскиот град Херсон, кое го прикажува моментот кога операторот на руски дрон FPV буквално брка и напаѓа цивилен продавач на зеленчук.

Морничави сцени: Вака изгледа „руско сафари“ ВИДЕО

Видеото го прикажува дронот како кружи околу тезга и бело комби, додека несреќниот продавач панично се обидува да го избегне дронот. Операторот на дронот го следел долго време и го натерал да трча околу возилото, пред да го насочи дронот директно кон него и да ја активира експлозијата.

Во експлозијата тој претрпел потрес на мозокот, повреди од експлозија и повеќекратни рани од шрапнели.

Тој моментално е во болница под медицински надзор, но неговиот живот е надвор од опасност.

Руско „сафари“

Руските војници наводно го објавиле видеото сами и го признале делото, отворено фалејќи се со нападите врз цивили што ги нарекуваат „сафари“.

Украинскиот претседател Володимир Зеленски, исто така, се огласи за овој настан, осудувајќи го секојдневниот терор врз жителите на Херсон и повикувајќи ја меѓународната заедница да реагира порешително.

Извор: Б92

Тагови: руско сафари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност. 

Утре сончево и многу топло

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Силен земјотрес ја погоди областа во близина на Пиза

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер