Орбан и Путин на заедничка прес конференција во Москва, лидерите на ЕУ разлутени - Канал 5

Орбан и Путин на заедничка прес конференција во Москва, лидерите на ЕУ разлутени

Рускиот претседател Владимир Путин и унгарскиот премиер Виктор Орбан одржаа заедничка прес-конференција по средбата што ги налути лидерите на ЕУ.

Орбан и Путин на заедничка прес конференција во Москва, лидерите на ЕУ разлутени

Премиерот на Унгарија, која што од понеделник претседава со Европската унија, денеска ја посети Москва и се сретна со Путин. Тој потег ги разбесни лидерите на ЕУ, кои го осудија и рекоа дека Орбан не разговара со Путин во име на Унијата, туку исклучиво како унгарски премиер, објави Индекс.

Откако Путин и Орбан се сретнаа во Кремљ, двајцата лидери излегоа пред новинарите и одржаа заедничка прес-конференција.

Унгарија го смета своето шестмесечно претседавање со Европската унија за мировна мисија, рече Орбан на прес-конференцијата.

„Потребни се многу чекори за да се стави крај на војната, но ние го направивме првиот чекор за да го обновиме дијалогот“, рече Орбан, додавајќи дека „позициите во Киев и Москва се уште се многу различни“.

Путин рече дека Орбан го информирал за неодамнешната средба со украинскиот претседател Зеленски во Киев и за предлогот на Унгарија за итен прекин на огнот, што ќе овозможи почеток на преговорите. Рускиот претседател веднаш додаде дека Украина нема да се согласи на тоа бидејќи „Зеленски сака да продолжи вонредната состојба бидејќи сака да остане на власт засекогаш“.

Путин додаде дека Русија сака „целосен и конечен крај на конфликтот“, а клучот за завршување на конфликтот треба да бидат, како што рече, руските предлози. Тој додаде дека му е благодарен на Орбан што се обидел да го обнови дијалогот меѓу Русија и Европа.

Да потсетиме, Путин на 14 јуни на средба со раководството на руското Министерство за надворешни работи ги претстави своите, како што рече, „услови за почеток на мировните преговори со Украина“.

Неговиот ултиматум гласи - Украинските сили мора да се повлечат од територијата на сите четири региони кои Путин ги прогласи за дел од Русија (Доњецк, Луганск, Запорожје и Керсон). Треба да се запомни дека руската армија не контролира целосно ниту еден од тие четири региони.

Заедно со повлекувањето на украинските сили од четирите украински региони, Путин постави и услов како дел од ултиматумот Киев да вети дека нема намера да влезе во НАТО.

За потсетување, Унгарија во понеделник го презеде шестмесечното ротирачко претседавање со Советот на Европската унија. Во вторникот Орбан го посети украинскиот претседател Володимир Зеленски во Киев, а сега одлучи да замине во Москва во „мировна мисија“, само неколку дена пред самитот на НАТО.

„Со таква средба, унгарското претседателство завршува пред навистина да започне. Се чини дека Унгарија не ја сфати својата улога. Скептицизмот на земјите-членки на ЕУ, за жал, беше оправдан. Се работи за улогата на промовирање на интересите на Будимпешта “, изјави еден европски дипломат за Ројтерс.

Шефот за надворешна политика на ЕУ, Жозеп Борел, рече дека Орбан во Москва „на ниту еден начин не ја претставува ЕУ“. Финскиот премиер Петри Орпо веста за посетата ја опиша како вознемирувачка. „Неговата посета ќе покаже непочитување на должностите на претседавачот и ќе ги поткопа интересите на Европската унија“, напиша тој вчера.

Павел Хавличек, истражувач во Чешката асоцијација за меѓународни работи, рече дека посетата на Орбан е злоупотреба на слабоста на Брисел за време на формирањето на новиот состав и опасно поткопување на заедничката европска позиција.

Орбан вели дека му е јасно дека нема право да преговара во име на ЕУ, но дека мирот не може да се склучи „од удобна фотелја во Брисел“. „Не можеме да седиме со скрстени раце и да чекаме војната со чудо да заврши“, рече тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Гответе со Дракче“ - Кремаста карбонара со сланина

Во четврток (12.11.2026) во емисијата гостин ни бeше Дејан Николовски Чуле.

„Гответе со Дракче“ - Кремаста карбонара со сланина

Состојки за денешниот рецепт:

400 гр. шпагети

200 гр. чадена сланина или панчета

250 мл. павлака за готвење

2 јајца

100 гр. пармезан

1 чешне лук

30 гр. путер

зачини по избор

малку магдонос

Погледнете како се подготвува овој рецепт:

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ФЗО со конкретен акциски план за спроведување на препораките од Државниот завод за ревизија

Фондот за здравствено осигурување со конкретен акциски план за спроведување на препораките од државниот завод за ревизија.

ФЗО со конкретен акциски план за спроведување на препораките од Државниот завод за ревизија

Фондот за здравствено осигурување, во врска со објавениот Конечен извештај на Државниот завод за ревизија (ДЗР), кој се однесува на имплементацијата на безбедносните мерки и контроли во информацискиот систем на Фондот, ја информира јавноста дека констатираните наоди и дадените препораки се разгледани со должно внимание и институционална одговорност, при што се преземени конкретни активности за надминување на утврдените слабости.

Фондот ја препознава независната државна ревизија како исклучително значаен механизам за унапредување на јавната отчетност, зајакнување на институционалните капацитети и воспоставување повисоки стандарди во управувањето со јавните ресурси. Во таа насока, ревизорските препораки претставуваат не само обврска за постапување, туку и важен поттик за системско подобрување на организациските и технолошките процеси.

Во рамките на своите надлежности и во согласност со задолженијата на Владата, Фондот изготви конкретен Акциски план, со кој се опфатени сите препораки содржани во ревизорските наоди.

Акцискиот план претставува сеопфатна и структурирана рамка за постапување, во која за секоја препорака поединечно се дефинирани потребните корективни активности, надлежните организациски единици и одговорните носители, како и прецизни рокови за нивна реализација.

На овој начин, препораките на Државниот завод за ревизија се преточени во конкретни оперативни задолженија, со јасно утврдена одговорност и временска динамика за нивно исполнување.

Особено значајно е што дел од предвидените активности веќе се реализирани, додека за останатите се започнати постапки или се утврдени конкретни мерки за нивно спроведување.

Меѓу досега реализираните активности се сегментацијата на мрежата во дата-центарот и назначувањето одговорни лица за администрирање на автентикацијата и контрола на корисничките пристапи.

Паралелно со тоа, Акцискиот план предвидува натамошно зајакнување на информациската безбедност преку ажурирање на безбедносните политики и процедури, изработка на ИТ-стратегија, проценка на ризиците, унапредување на контролите за пристап, модернизација на инфраструктурата и безбедносни надградби на постојните информациски системи.

Посебно внимание е посветено и на зајакнувањето на човечките капацитети, континуираната едукација на вработените, воспоставувањето соодветни механизми за следење на системските активности, како и унапредувањето на мерките за непречено функционирање и заштита на информациските ресурси.

Роковите за спроведување на предвидените активности се утврдени во периодот до 31 декември 2027 година, зависно од сложеноста, техничките предуслови и организациските и финансиските аспекти на секоја поединечна мерка.

Фондот нагласува дека утврдувањето конкретни рокови и носители на активностите овозможува следливост на постапувањето, јасна распределба на одговорностите и континуирано согледување на напредокот во реализацијата на препораките.

Како институција која управува со исклучително значајни процеси и информации во системот на задолжителното здравствено осигурување, Фондот е свесен дека сигурноста, интегритетот и доверливоста на информациските системи се суштински предуслови за стабилно, ефикасно и одговорно извршување на неговите законски надлежности.

Оттука, унапредувањето на информациската безбедност не се третира како еднократна активност, туку како трајна институционална определба, која подразбира континуирани вложувања, технолошка модернизација, превентивно управување со ризиците и доследно почитување на утврдените стандарди.

Фондот останува целосно посветен на доследно спроведување на препораките на Државниот завод за ревизија, во рамките на утврдените рокови и согласно предвидената динамика.

Воедно, Фондот ја потврдува својата определба за конструктивна и професионална соработка со Државниот завод за ревизија, Владата и другите надлежни институции, со цел натамошно зајакнување на институционалната ефикасност, транспарентноста и одговорното управување.

Нашата определба е недвосмислена: секоја утврдена слабост да биде предмет на соодветно постапување, секоја препорака да добие конкретна институционална одговорност, а секоја преземена мерка да придонесе кон посигурен, поотпорен и поефикасен систем на здравствено осигурување.

Фондот за здравствено осигурување ќе продолжи да ја информира јавноста за напредокот во реализацијата на предвидените активности, водејќи се од принципите на законитост, отчетност, професионалност и заштита на јавниот интерес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ЛДП: Државно аминувана пљачка од банките кои шурат со провизиите пред импотентните влада и гувернер!

Банките шурат ли шурат! Тоа е единствениот точен опис за економскиот терор што се случува врз грбот на македонските граѓани.

ЛДП: Државно аминувана пљачка од банките кои шурат со провизиите пред импотентните влада и гувернер!

Додека народот едвај врзува крај со крај и се соочува со сурова инфлација и прескапа кошница, банкарскиот сектор само за првите девет месеци од 2026 година оствари застрашувачка нето-добивка од 224,4 милиони евра, додека само од провизии и надоместоци граѓаните се олеснети за рекордни 154 милиони евра – што претставува скок од над 10 отсто во однос на лани! Ова не е пазарна економија, ова е класична, државно аминувана пљачка во која секојдневните трансакции, одржувања на сметки и дигитални плаќања се претворени во златен рудник за туѓите сметки.

ЛДП прашува каде е во оваа масовна ограбеност власта и импотентниот гувернер кои се целосно неспособни да го зауздаат овој хаос? Се сеќавате на симболичните најави на гувернерот Трајко Славески дека „треба да се преиспита политиката“ на провизиите? Да потсетиме дека владата со години се прави слепа и глува за ова безобразно шурење тврдејќи дека провизиите „не биле законска материја“? Ниту една реална мерка, ниту еден заштитен механизам за граѓаните – освен празни алибија додека банките им ја цицаат и последната капка крв од семејниот буџет. Истовремено, за сомнителни зделки, скандали како оние со „Алта банка“ и партиски тендери време се наоѓа во секое време, но за заштита на обичниот човек – апсолутна институционална импотенција.

А решението постоеше и сѐ уште стои на маса! Либерално-демократската партија (ЛДП) уште одамна поднесе конкретен и функционален предлог за укинување и строго ограничување на овие паразитски банкарски провизии кои го празнат секој денар од џебот на граѓанинот. Но, тој предлог беше брутално и срамно отфрлен од владеачкото мнозинство. Нѐ мавтаа и лажеа дека системот ќе ги заузда банките, а во реалноста само ги оставија одврзаните раце на мафијашкиот банкарски картел да не третираат како сопствени банкомати.

Ако секој месец се прашувате зошто сте сѐ посиромашни и зошто платата Ви се топи уште во првите пет дена, да знаете дека тоа е директен благослов од неспособниот владин апарат, гувернерот и институциите кои работат исклучиво за профитот на банкарските моќници. Време е да се стави крај на ова лудило. Прифатете го предлогот на ЛДП и законот за зауздување на банкарските провизии.

ЛДП нема да молчи пред оваа пљачка – време е за одговорност, а не за празни владини соопштенија!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер