Опстанокот на реките и езерата во рацете на човекот, ќе дозволиме ли да секне изворот на живот? - Канал 5

Живот

Опстанокот на реките и езерата во рацете на човекот, ќе дозволиме ли да секне изворот на живот?

Уметноста на природата е целосна кога преовладува синилото на реките, езерата и морињата. Т

Опстанокот на реките и езерата во рацете на човекот, ќе дозволиме ли да секне изворот на живот?

оа синило, под влијание на неумоливата консумирачка потреба на човекот, станува пола, на пат да го снема. И покрај свесноста за значењето на водите, сепак, човечката рака се повеќе ги суши водните површини. Па така, се чини синилото од уметничкото дело на природата полека станува сивило за човештвото.

За ова секојдневно алармираат граѓанските здруженија, велат – „Треба што поскоро да се вклучи црвено светло и да се преземат многу поголеми чекори, бидејќи нерационалното користење на природните ресурси веќе одамна е секојдневие".

Според Министерството за животна средина главни виновници за намалувањето на водостојот на водните површини се климатските промени, силниот антропоген притисок, земјоделството и инвазивните видови.

Сепак, покрај овие фактори, за здружението Еко – свест постојат и други кои исто така, ја влошуваат состојбата со водните површини.

-Со урбанизацијата се зголемуваат непропустливите површини односно, зголемената застапеност на бетонската и асфалтна инфраструктура и намалувањето на зелената инфраструктура, доведува до нарушување на климатските услови и модификација на површинското и подземното истекување, вели еко- активистката, Елена Николовска.

Додава дека централната и локалната власт несериозно гледаат на итноста од заштита и зачувување на водните ресурси.

-Во услови кога се соочуваме со недостиг на вода во блиска иднина, апсолутно недозволиво е водните ресурси да се користат за производство на електрична енергија особено преку мали хидроелектрани. Земјата нема план за прилагодување на климатски промени кој треба да опфати и мерки за зачувување на водните ресурси, велат од Еко- свест.

Капка вода на дланка, желна за спас. Ќе допрат ли проблемите на водните површини до нас?!

Моментално состојба со нивоата на трите природни езера во државава е загрижувачка бидејќи се намалени, и од состојба на покачување и стагнација преминуваат во состојба на намалување.

Од УХМР објаснуваат дека ова се должи на намалување и исцрпување на водата од резервите добиени од снежниот покривач кој паднал во текот на зимата и пролетта и како резултат на покачувањето на температурите на воздухот, кои како што велат беа изразито покачени при крајот на јуни во однос на првата половина на јуни.

-Од податоците со кои располагаме можеме да кажеме дека покачувањето на температурите влијае на испарувањето, особено на испарувањето од слободна водена површина, па така за езерата можеме да кажеме дека испарувањето од езерата е приближно исто колку и врнежите кои паѓаат на него, а во одредени ситуации и поголемо. Покрај директното влијание врз водните резерви има и индиректно, користењето на водите, а и тоа следи како последица на зголемените температури на воздухот, соопштуваат од Хидрометеоролошката станица.

Велат дека кога станува збор за користењето на водите за разни намени на годишно ниво, ако користењето е неконтролирано тогаш природата не може да ја надополни загубата.

-Користењето на водите за разни намени на годишно ниво и не изгледа толку големо, но ако знаеме дека тоа што ќе се искористи нема дополнително од каде да се врати, предизвикува континуирано, секоја година, малку по малку, намалување и губење на водните резерви. На одредени територии низ светот се случувале слични ситуации и сега на тие места има голем недостаток на вода.

Оттука останува прашањето дали и ние ги загубивме односно ги губиме водните површини на територијата на нашата територија поради тоа што природата не успеала да ја надомести загубата од неправилното третирање.

Секторот води најранлив на климатските промени и човечките активности

Покрај човекот како втор наголем непријател на водите се климатските промени. Од Еко- свест информираат дека во рамки на третата комуникација е направена проценка на ранливоста кон климатските промени на водните ресурси во југо-источниот дел на Македонија и според официјалниот заклучок земјата се соочува со проблем на недостаток на вода.

-Дополнително оваа година се заврши и најновиот извештај за проекции на климатските промени и за промени во екстремните климатски настани во РСМ, кој јасно укажува дека Македонија во иднина ќе се соочи со потопла и посушна клима и дека сериозноста на оваа промена првенствено ќе биде поврзана со идната концентрација на стакленички гасови, односно климатските промени, изјави Николовска.

Потенцираат дека според проценките земјава забрзано се движи кон опустинување, односно продолжени периоди на суша и топлотни бранови.

-Со моменталната ситуација светот се движи кон покачување на глобалните температури од над 3 степени целзиусови, и ова значи дека сите држави се подеднакво загрозени. Но, земјите во развој како нашата немаат финансиски средства да се справат со штетите и загубите од промените во климата и ова значи дека последиците ќе ги чувствуваме многу повеќе, заклучија од здружението.

Согледувајќи го сериозниот недостиг на вода со кој се соочува светот, државите, и оние развиените, но и тие во развој, веќе активно работат на заштита на водите. Па така, во урбаните средини се инсталираат системи за фаќање и насочување на дождовна вода, дури и складирање во подземни резервоари за подоцнежна употреба- полупропусен бекатон на пешачките патеки и зголемување на зелените површини се само некои од мерките кои се преземаат.

-Од искуствата кои се споделуваат на конференциите за клима е јасно дека воспоставувањето на институционален систем за управување со водите е еден од клучните елементи. Мора да се побрза со носењето национален план за адаптација кој ќе обезбеди и силна координација и комуникација на активностите помеѓу централните власти и општините. Општините не може да превземаат активности кои се косат со веќе донесени национални планови како што е тоа случајот сега, истакнува Елена Николовска.

Ја прашавме нутриционистката Фани Гувелевска за тоа каква улога има водата за човековото здравје. Според неа водата освен што не одржува во живот не штити и од различни болести.

-Треба да пиеме околу два литра вода дневно за да останеме здрави. Ако пиете два литра вода на ден, ќе пиете околу 60.000 литри вода во нашиот живот бидејќи просечниот животен век е околу 79 години. Воедно останување хидриран всушност може да помогне во спречување на рак, бидејќи хидратацијата е клучна за циркулацијата на крвта што им овозможува на клетките на имунолошкиот систем да достигнат оштетени ткива во поголем број, порачува таа.

За жал, очекувањата на здруженијата за заштита на водните површини за во иднина се дека продолжените сушни периоди во иднина ќе предизвикаат и големи штети и загуби за земјоделството што го прави невозможно и одгледувањето на некои традиционални домашни производи кои бараат многу вода.

Имено важноста, а воедно и нашата одговорност да ја чуваме водата станува поголема кога ќе земеме предвид дека покрај тоа што таа е најзастапена на планетата таа во голема мера е присутна и во човечкото тело, општо познато е дека човекот во себе содржи 70 проценти вода, па оттука заклучокот е дека водата сме ние, а без неа не нема и нас./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Осумгодишно момче гледало како му умираат дедо му и баба му- тој случајно ја преживеал несреќата (ВИДЕО)

Осумгодишно момче поминало низ нешто незамисливо - учествувало во ужасна сообраќајна несреќа во која ги гледало своите баба и дедо во нивните последни моменти од животот.

Осумгодишно момче гледало како му умираат дедо му и баба му- тој случајно ја преживеал несреќата (ВИДЕО)

Страшните сцени се снимени на патот DN15, во градот Горнешти, округ Муреш, Романија. Момчето било во автомобил управуван од неговиот дедо, кој во еден момент ја изгубил контролата врз возилото и преминал во спротивната лента, каде што се судрил челно со друг автомобил.

Сведоци велат дека дедото можеби заспал на воланот. Мажот (71) и неговата сопруга (69), која била на совозачкото седиште, починале на местото на несреќата.

Лекарите кои пристигнале на местото на несреќата можеле само да ја потврдат неговата смрт. Детето, по чиста среќа, преживеало и било итно префрлено во болница. Трите лица во удреното возило исто така морале да добијат медицинска помош.

Полицијата покрена кривична постапка за предизвикување смрт и телесни повреди од небрежност, објавува Антена Обзерватор.

Тагови: момче несреќа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Наставник по танц од Куба работел како руски агент- обвинет е за саботажи во четири земји на ЕУ

Кубански државјанин, инструктор по латино танц, координирал серија палежи во четири земји од ЕУ додека работел за руската разузнавачка служба. 

Наставник по танц од Куба работел како руски агент- обвинет е за саботажи во четири земји на ЕУ

Истражниот тим на ДВ го пронашол во студио за латино танц во Русија.

На социјалните мрежи, агентот се претставил како Адриан или Диос, што на шпански значи Бог. Во 2024 година, поврзаните со него сметки објавувале огласи за работа на Телеграм.

„Работа како фотограф“, пишувало во еден оглас на руски јазик во групен разговор за работни места во Полска, додека друг гласел:

„Оние кои се заинтересирани да аплицираат треба да испратат своја биографија, телефонски број и пасош. Бараме луѓе со воено искуство во надзор, разузнавање, логистика и тактички маневри“, се вели во објава на шпански јазик во група за Латиноамериканци, ветувајќи плата од 1.500 долари (околу 1.300 евра) плус бонус за секоја завршена операција.

Диос регрутирал неколку луѓе за да извршуваат саботажни операции за Русија во најмалку четири земји од ЕУ, открива истрагата на ДВ и три други европски радиодифузери. Повеќето од регрутите биле од шпански говорни земји. Во текот на месеци, DW и неговите партнери спроведоа десетици интервјуа со безбедносни службеници и луѓе блиски до осомничените. Тие пребаруваа доверливи судски документи, официјални изјави, објави на социјалните мрежи и протечени информации за да откријат кој бил Диос и како изградил мрежа од саботери кои палеле пожари низ цела Европа.

Не сите од нив успеале да ги извршат своите задачи.

Регрутирање на ранливи луѓе

Едно од луѓето што ги регрутирал Диос бил Луис Алфонсо Муриљо Диоса, кој во тоа време имал 34 години.

По потекло од Каиседо, рурален град во западна Колумбија познат по својот планински терен и земјоделски култури, Муриљо пораснал во семејство кое одгледувало кафе. Но, неколку години лоша жетва го турнале семејниот бизнис во долгови, според лице блиско до семејството.

Муриљо служел во колумбиската војска шест години. Тој ја напуштил војската во 2015 година, според судските документи. После тоа, тој сменил работа, како многу поранешни војници: посетувал курсеви за баристи, работел како телохранител и помагал во семејниот бизнис со кафе.

На почетокот на 2024 година, Муриљо одлучил да се приклучи на украинската армија, каде што странските борци можат да заработат неколку илјади евра месечно кога се распоредени на фронтот, според судските документи.

Барајќи информации за постапката, тој се приклучил на Фејсбук група за Латиноамериканци кои сакаат да се борат во Украина. Тогаш Диос го контактирал.

„Тие често ги таргетираат ранливите луѓе на кои им се потребни пари, кои се подготвени да патуваат за пари и кои се подготвени да не поставуваат многу прашања за целта на она што го прават“, вели Даниела Рихтер, вонреден професор по студии за разузнавање на Кингс колеџ во Лондон.

Уапсен за обид за саботажа

Во приватна порака на Фејсбук, Диос се претставил како член на „специјална група“ и го замолил Муриљо да работи со него на „специјални мисии“ во Европа, наместо да оди во Украина, според доверливи судски документи што ги прегледал ДВ.

Муриљо ја прифатил понудата, а Диос сè договорил од далечина: авионска карта, сместување и копнен превоз. Двајцата никогаш не се сретнале лично.

Кога Муриљо пристигнал во Букурешт во јули 2024 година, Диос му испратил сателитска снимка на која се гледа фабрика за рециклирање и нафтен бунар. Муриљо требало да ги фотографира и снима локациите, а подоцна да ги запали пожарите.

Сепак, тој бил уапсен додека шетал во близина на фабрика за рециклирање една ноќ откако направил фотографии од објектот.

Според судските записи, Муриљо им рекол на истражителите дека никогаш не имал намера да го запали пожарот. Тој тврдел дека се обидувал да стигне до Европа за да оди во Украина и дека не знаел за кого всушност работи.

Во 2025 година, Муриљо бил осуден на шест години затвор за обид за саботажа.

Тагови: агент саботажи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Дакота Џонсон е во врска со Машин Ган Кели?- заедно влегуваат во стан во Њујорк (ФОТО)

Актерката Дакота Џонсон и музичарот Машин Ган Кели предизвикаа гласини за можна врска откако беа видени заедно во Њујорк на 12 септември. 

Дакота Џонсон е во врска со Машин Ган Кели?- заедно влегуваат во стан во Њујорк (ФОТО)

Дакота и МГК, чие вистинско име е Колсон Бејкер, беа фотографирани пред зградата во населбата Трибека каде што се наоѓа станот на Тејлор Свифт.

Нивната средба привлече дополнително внимание бидејќи двајцата беа гости на свадбата на Тејлор Свифт и Тревис Келси, која се одржа во Медисон Сквер Гарден во јули, според американските медиуми.

Тие пристигнаа заедно во станот на Тејлор Свифт

На фотографиите објавени од TMZ, Дакота и МГК може да се видат како излегуваат од џип и влегуваат во зградата каде што Тејлор Свифт има стан вреден околу 50 милиони долари.

Според порталот, станува збор за приватно собирање бидејќи Тејлор моментално не живее во Њујорк. Таа и Тревис Келс, кои се венчаа на 3 јули, наводно престојуваат во неговиот дом во Канзас, каде што ѕвездата на НФЛ се подготвува за првиот домашен натпревар во сезоната.

Тие отидоа заедно во хотелот

Според порталот DeuxMoi, Дакота и MGK поминале неколку часа во станот, по што заедно се одвезле до хотелот каде што престојувала актерката. MGK е снимен како ѝ помага да излезе од автомобилот.

Ниту Дакота ниту MGK сè уште не ги коментирале гласините за можна врска.

Двете се поврзани со Тејлор Свифт и Тревис Келс со години. Дакота е блиска пријателка на пејачката, додека MGK и Келс се познаваат со години бидејќи двајцата пораснале во областа Кливленд, Охајо.

YouTube video

Дакота претходно беше верена со музичарот Крис Мартин. MGK беше верена со актерката Меган Фокс, со која има едногодишна ќерка, Сага Блејд, додека има 17-годишна ќерка, Кејси, од претходна врска со Ема Канон.

Тагови: Дакота Џонсон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер