Општина Кратово се уште ја чека времената одлука за забрана на пристап на лицата кои наплаќале пристап до Камени кукли - Канал 5

Македонија

Општина Кратово се уште ја чека времената одлука за забрана на пристап на лицата кои наплаќале пристап до Камени кукли

Општина Кратово се уште ја чека времената одлука на тамошниот основен суд со која на Стојна Димитровска инејзиниот татко Милош Димитровски им е забранет пристап до локалитетот Камени Кукли. 

Општина Кратово се уште ја чека времената одлука за забрана на пристап на лицата кои наплаќале пристап до Камени кукли

Општина Кратово се уште ја чека времената одлука на тамошниот основен суд со која на Стојна Димитровска инејзиниот татко Милош Димитровски им е забранет пристап до локалитетот Камени Кукли. Сепак пред да може општина Кратово да го преземе локалитетот во Куклица и да го отвори за посетители, објаснува за Канал 5 градоначакникот Тодорче Николовски, ќе се чека повисок суд да ја потврди првостепената пресуда по тужбата со која тие треба локалитетот да го предадат на општината.

-Лицето Стојна има обврска да се јавува на определено службено лице во Основниот суд во Кратово секој вторник и има добиено забрана за посетување и присуство на локалитетот Куклици како споменик на природата коешто е многу значајно во овој период од постапката за нас. Од парничната постапка пред судот веќе имаме првостепена пресуда позитивна дека треба Стојна и Милош Димитровски како претседател на здружението да го предадат во владение на тужителот Музеј на Гард Кратово објектот кој е спорен и да го исчистат. – Тодорче Николовски – Градоначалник на О. Кратово

Влезот кон природниот локалитет и денеска останува затворен. Затворена е и дрвената куќа која се користела како информативен центар. Изминативе денови имаше големи реакции по информациите дека за посета на Камени Кукли, Стојна и Димитар кои преку здружението Извор го презеле локалитетот, самоволно наплаќале и до 20 евра влезници. Оваа ситуација траела неколку години наназад, откако во 2019 ова здружение како носител на проект било задолжено за локалитетот, но по завршувањето на проектот наместо да го отстапат на општината тие го узурпирале како резултат на што следи и обвиение.

-Во 2024 година, настанот бил пријавен и во ОВР Кратово, а потоа до Основно јавно обвинителство Куманово, е пуштено известување за преземени мерки и активности за локалитет ,,Камени Кукли“ во с.Куклица, кратовско. Од OJO Куманово е покренат обвинителен акт против лицата С.Д. и М.Д. како и против здружението ,,Извор“ за кривично дело ,,узурпација на недвижности“.-СВР Куманово

Од општината велат и дека од порано имало обид да се стави како што велат крај на голготата околу функционирањето на локалитот, но без успех. Сега се чека одлука на апелациониот суд за да може да се започне со расчистување и средување на локалитеот.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Хулк од Косово собори светски рекорд и влезе во Гинисовата книга на рекорди- ставија 2 тони товар врз него (ВИДЕО)

Бујар Мули од Вучитрн, познат како Хулк од Косово, го сруши рекордот во дисциплината држење тежина на своето тело и влезе во Гинисовата книга на рекорди!

Хулк од Косово собори светски рекорд и влезе во Гинисовата книга на рекорди- ставија 2 тони товар врз него (ВИДЕО)

На церемонијата одржана во саботата во спортската сала во Вуштри, Мули успеа да држи над 2.000 килограми на своето тело пет секунди, со што го надмина претходниот рекорд од 1.819 килограми.

Неколку стотици граѓани внимателно гледаа како на Мули, кој лежеше, му се ставаат вреќи од 50 килограми и дали се помрднува откако го пуштиле.

По потврдувањето на резултатот, Мули доби Гинисов сертификат од присутните претставници на организацијата.

Тагови: Гинисовата книга на рекорди Хулк

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Норвешка отвори нов меморијален центар во чест на жртвите на терористичкиот напад на Утоја

Во Норвешка, неколку дена пред 15-годишнината од најсмртоносниот терористички напад во мирнодопската историја на земјата, беше отворен нов споменик за 77-те жртви. 

Норвешка отвори нов меморијален центар во чест на жртвите на терористичкиот напад на Утоја

На 22 јули 2011 година, неонацистот Андерс Брејвик уби осум лица со бомба во Осло, а потоа на островот Утоја уби уште 69 лица со огнено оружје, претежно тинејџери во летен камп на социјалдемократите. Стотици луѓе беа ранети во нападите, пишува Би-Би-Си.

Споменикот како сеќавање и отпор

Преживеаните и семејствата на жртвите се собраа во Осло во неделата на откривањето на уметничка инсталација наречена „Поддржување“. Споменикот се состои од огромна сина челична рамка која носи камен мозаик висок 12 метри. На него се гледа мала птица што шета, слама и гранчиња што се рефлектираат во водата. Беше поставен во реновираниот владин кварт во Осло, во близина на местото на експлозијата на бомба во 2011 година.

Авторот на делото, Матијас Фалдбакен, објасни дека делото има двојна намена: го зачувува сеќавањето на жртвите и ја охрабрува јавноста демократски да се спротивстави на екстремно десничарските идеологии кои беа мотив на нападот. Фалдбакен рече дека ја видел птицата прикажана на мозаикот на островот Утоја, каде што многу од убиените биле млади членови на Норвешката работничка партија. Имињата на сите 77 жртви се врежани на споменикот.

„Нападот на 22 јули 2011 година не беше насочен само кон поединци, туку беше брутален напад врз нашата демократија“, рече Мерете Стамнешаген, раководителка на здружението за поддршка на жртвите и преживеаните.

Казната на Брејвик му е продолжена неколку пати

На официјалното отворање во Осло присуствуваа норвешкиот престолонаследник Хаакон и владини претставници. Наследникот на престолот го посети и новиот Центар на 22 јули, кој служи како национален меморијален и образовен центар посветен на нападите.

Во 2012 година, Брејвик беше осуден на 21 година затвор, што е максималната казна во Норвешка. Казната може да се продолжи сè додека се смета за закана за општеството.

Со текот на годините, тој постојано се обидуваше да ги оспори условите на неговата казна. Во 2016 година, судот делумно пресуди во негова корист за кршење на човековите права, но таа одлука беше поништена една година подоцна. Неговото барање за условна слобода беше одбиено во 2022 година бидејќи судот утврди дека тој не се променил и дека сè уште е опасен. Пред две години, во 2024 година, тој неуспешно ја тужеше државата за условите на неговата изолација од безбедносни причини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Јапонците направија фрижидер за луѓе- чини околу 8.000 евра (ВИДЕО)

Додека температурите се приближуваат до 38 Целзиусови степени во Јапонија, а владата издава предупредувања за топлотен удар, две јапонски компании открија решение за екстремната топлина – фрижидер за луѓе. 

Јапонците направија фрижидер за луѓе- чини околу 8.000 евра (ВИДЕО)

Уредот наречен Do Hiemon или „лична кутија за ладење“ е заеднички развиен од производител на автомати и компанија која произведува челични кутии за алати, а неговата цена е околу 8.000 евра, пишува The Telegraph.

Брзо ладење до 5 °C

Уредот е дизајниран како кабина од нерѓосувачки челик со вграден стол. Кога корисникот ќе седне внатре, системот почнува да ослободува моќни млазници на воздух ладени до 5 °C. Воздухот се насочува кон главата, вратот, рамената и грбот со цел да се намали температурата на телото што е можно побрзо.

Внатрешноста на кабината се одржува на температура од околу 15°C, а од безбедносни причини системот автоматски се исклучува по најмногу 20 минути користење. Фрижидерот за луѓе е висок околу 213 cm и длабок 120 cm.

Цел и енергетска ефикасност

Производителот SDRS наведува дека работата на уредот чини само 16 јени, или околу 0,10 евра на час, што го прави енергетски поефикасен од конвенционалните клима уреди. Добавувачот Trusco посочува дека ова е првиот пренослив уред кој обезбедува ладење на целото тело и кој може да го излади телото побрзо од стандардниот клима уред.

Компаниите предлагаат овие мобилни кабини да се постават на градилишта и земјоделско земјиште, каде работниците би можеле да се одморат од летните горештини. Може да се користат и во трговски центри, училишта, фестивали и спортски терени. Производителите тврдат дека корисникот се чувствува значително посвеж по само пет минути, додека десет минути во кабината се доволни за да се ублажат симптомите на топлотна исцрпеност.

Јапонија погодена од екстремни горештини

Јапонија во моментов се соочува со екстремен топлотен бран. Метеоролошката агенција во понеделникот објави дека температурата во градот Тојота достигнала 38,5 °C, додека во Токио над 36 °C. Агенцијата предупредува дека температурите може да се искачат над 40 °C во среда и четврток.

Оваа година, јапонската влада воведе и ново име за деновите во кои температурата надминува 40 °C. Името „кокушоби“ се преведува како „сурово топол“ или „брутално топол“ ден. Во Јапонија веќе има посебни имиња за деновите кога температурите надминуваат 25, 30 и 35 степени.

Минатата година, Јапонија го забележа своето најжешко лето од почетокот на евиденцијата во 1898 година. Просечните температури беа 2,36 °C над долгорочниот просек, а температурите надминаа 40 °C во текот на девет дена помеѓу јуни и август. Нов национален рекорд од 41,8 °C е забележан во градот Исесаки.

Според податоците на јапонската агенција за управување со пожари и катастрофи, седум лица загинале оваа година како последица на топлотен удар. Во периодот од 6 до 12 јули се хоспитализирани над 4.500 лица. Владата ги повикува граѓаните да бидат внимателни, ги советува да избегнуваат активности на отворено и да го проверуваат здравјето на постарите соседи и роднини.

Тагови: фрижидерот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер