OPEL И ADAC ГО ПРОДОЛЖУВААТ ПАРТНЕРСТВОТО ВО РЕЛИ КУПОТ ЗА ЕЛЕКТРИЧНИ ВОЗИЛА - Канал 5

Автомобилизам

OPEL И ADAC ГО ПРОДОЛЖУВААТ ПАРТНЕРСТВОТО ВО РЕЛИ КУПОТ ЗА ЕЛЕКТРИЧНИ ВОЗИЛА

Opel го потврди своето партнерство во првиот светски рели куп за електрични возила, претходно познат како ADAC Opel e-Rally Cup, кој е преименуван и ќе се нарекува ADAC Opel Electric Rally Cup „ powered by GSe“.

OPEL И ADAC ГО ПРОДОЛЖУВААТ ПАРТНЕРСТВОТО ВО РЕЛИ КУПОТ ЗА ЕЛЕКТРИЧНИ ВОЗИЛА

• Нов под-бренд, ново име за шампионат: ADAC Opel Electric Rally Cup „powered by GSe“

• Opel како пионир: првиот рели куп за електрични возила влегува во својата трета сезона

Како и иднината на Opel, така и активностите за моторспортот на брендот се електрични. Затоа името на новиот спортски под-бренд GSe (Grand Sport electric) сега може да се најде и во насловот на серијата трки за електрични возила. ADAC Opel Electric Rally Cup „ powered by GSe“ исто така ќе биде уште помеѓународен во сезоната 2023: вкупно осум настани во четири земји (Германија, Франција, Австрија, Швајцарија) се запишани во календарот.

Дополнително, Opel и ADAC го продолжија постоечкиот договор до 2024 година.

„Opel и ADAC заедно го создадоа првиот рели куп за електрични возила во светот. Овој пионерски дух постави моќен и важен пример во меѓународните рели. Ќе продолжиме и понатаму заедно да ја развиваме оваа иновативна тркачка серија – во согласност со нашите спортски топ модели GSe и нашата стратегија да станеме целосно електричен бренд во Европа до 2028 година“, рече Извршниот директор на Opel, Florian Huettl.

„Иновативниот концепт на ADAC Opel Electric Rally Cup е одличен пример за тоа како успешно да се комбинира работата со младите таленти и електромотоспортот. ADAC е пионер за поголема одржливост во мотоспортот, а со продолжување на нашата соработка со Opel испраќаме силен сигнал за електрифицирано рели“, додаде Претседателот на ADAC Sport, д-р Gerd Ennser.

Производителот на автомобили со седиште во Rüsselsheim и најголемиот автомобилски клуб во Европа и соработуваат во мотоспортот повеќе од една деценија. Покрај успешните проекти ADAC Opel Rallye Cup и ADAC Opel Electric Rally Cup ова партнерство го создаде и ADAC Opel Rally Junior Team. Јуниорскиот тим го претставува вториот столб од заедничката програма за таленти - и има импресивно досие. Во 2022 година, Laurent Pellier ја прослави петтата титула за јуниорскиот тим на ADAC Opel Rally Junior Team на FIA (JERC) со Opel Corsa Rally4. Една година претходно, французинот беше крунисан на првиот шампион на ADAC Opel e-Rally Cup.

„Соработката помеѓу ADAC и Opel е одличен пример за успешна промоција на таленти“, изјави Jörg Schrott, одговорен на Opel Motorsport. „Двајцата партнери делат заедничка филозофија и стратегија. Околу 120 возачи од 19 нации ги направија своите први чекори во професионалното рели во сезоната 2013 на ADAC и Opel one-make купот. Најдобрите од нив влегоа во ADAC Opel Rally Junior Team и предизвика вистинска врева на европско ниво. Петте титули за возачите во JERC од Emil Bergkvist, Marijan Griebel, Chris Ingram, Mārtiņš Sesks и Laurent Pellier зборуваат сами за себе. Задоволен сум од предвременото продолжување на нашиот договор. Тоа им дава на учесниците и тимовите поголема безбедност при планирањето“.

Еден од неколкуте моменти на тркачкиот календар за 2023 година е финалето на сезоната на Central European Rally рели околу Passau, каде учесниците на купот ќе се натпреваруваат со нивната електрична Opel Corsa Rally Electric со батерија од 100 kW/136 КС како дел од Светскиот рели шампионат на FIA. Во исто време, на 2022 Cup Champion - Timo Schulz ќе се обиде да ги следи стапките на Laurent Pellier со Corsa Rally4 на Јуниорското Европско првенство.

Датуми за ADAC Opel Electric Rally Cup „придвижуван од GSe“

Mај 5/6 ADAC Rallye Sulingen D

Jуни 2/3 Rallye du Chablais, Aigle CH

Jуни 17/18 Rallye du Vosges Grand-Est, Gérardmer F

Jули 14/15 Rallye Weiz A

Aвгуст 18/19 ADAC Saarland-Pfalz Rallye, St. Wendel D

Септември 1/2 Rallye Mont-Blanc, Morzine F

Септември 29/30 ADAC Rallye Stemweder Berg, Lübbecke D

Октомври 27 до 29 Central European Rally, Passau D/A/CZ

Дати за Junior European Rally шампионатот 2023

19.-21.05. Rally Poland, Mikołajki PL

16.-18.06. Rally Latvia, Liepāja LV

06.-08.07. Royal Rally of Scandinavia, Karlstad S

28.-30.07. Rally di Roma Capitale, Fiuggi I

18.-20.08. Barum Czech Rally Zlín, Zlín CZ

06.-08.10. Rally Hungary, Nyíregyháza H

За ЕУРОИМПЕКС

Компанијата Еуроимпекс е основана 1990 година како мала трговска фирма за увоз-извоз. Започнува скромно и по осамостојувањето на Македонија, Еуроимпекс е првата приватна компанија чие работење е насочено кон трговија со автомобили и моторни возила од лесна категорија уште од далечната 1992 година, со првиот увоз на Peugeot автомобили.

Соработката со брендот Opel ја започнува кон крајот на 2020та година со што прераснува во Генерален увозник и дистрибутер на брендот OPEL за Македонија, Србија, Црна Гора, Косово и Албанија; Овој успех го круниса 30 годишниот јубилеј на Еуроимпекс кој беше одбележан истата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Дали ова е најбизарниот спорт во светот? Натпреварувачки се удираат по задникот

Натпреварувачки се удираат по задникот, дали е ова најбизарниот спорт?.

Видео: Дали ова е најбизарниот спорт во светот? Натпреварувачки се удираат по задникот

Ако мислевте дека сте ги виделе сите можни боречки спортови, Романците најдоа начин да ги изненадат сите. Промоцијата RXF организира натпревар наречен „Booty Slap“, во кој жените се удираат со дланка по задникот.

Форматот е прилично едноставен. Две натпреварувачки стојат една спроти друга и наизменично упатуваат силни шлаканици со отворена дланка по задникот на противничката.

Според тековните правила на RXF, дуелот се состои од вкупно десет шлаканици, а победничката се одредува врз основа на силината на ударот – односно штетата што ја предизвикуваат ударите.

Натпреварувачките мора да имаат најмалку 18 години, а пред мечот нанесуваат специјална супстанца на рацете за да го максимизираат ефектот на шлаканиците. За разлика од класичниот „Power Slap“, целта овде не е да се нокаутира противничката со удар во главата.

Наместо тоа, натпреварувачките се стремат да зададат што е можно посилна шлаканица, принудувајќи ја ривалката да изгуби рамнотежа или едноставно оневозможувајќи ја да ја издржи болката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бред Пит ја „загубил“ девојката на свадбата на Тејлор Свифт

Еден од најголемите заводници во Холивуд, актерската ѕвезда Бред Пит откри дека за време на спектакуларната свадба на Тејлор Свифт и Тревис Келси накратко ја изгубил од вид својата девојка, Инес де Рамон.

Бред Пит ја „загубил“ девојката на свадбата на Тејлор Свифт

Еден од најголемите заводници во Холивуд, актерската ѕвезда Бред Пит откри дека за време на спектакуларната свадба на Тејлор Свифт и Тревис Келси – настан одржан на 3 јули во њујоршкиот „Медисон Сквер Гарден“, кој тој го опиша како „свадба на векот“ – накратко ја изгубил од вид својата девојка, Инес де Рамон, на преполниот подиум за танцување.

„Тоа беше неверојатна ноќ“ .

Говорејќи на премиерата на филмот *Heart of the Beast*, актерот раскажа дека тој и Инес поминале „10, можеби 12 часа“ на свадбата, на која присуствувале околу 1.000 гости, истакнувајќи дека тоа била „неверојатна ноќ“.

Поради правилото што им забранувало на гостите да ги користат своите телефони, Пит рече дека накратко ја изгубил Инес од вид во гужвата на подиумот, но брзо ја пронашол со помош на другите гости, додавајќи дека целата прослава била внимателно испланирана, емотивна и многу забавна.

Двојката, која е заедно од 2022 година, ја официјализираше својата врска на Инстаграм за време на свадбата.

Инаку на свадбата на векот меѓу истакнатите гости беа Џиџи Хадид, Бредли Купер, Ед Ширан, Сабрина Карпентер, Хју Грант, групата „Хаим“ и Том Хенкс.

Во меѓувреме, новиот филм на Пит, *Heart of the Beast*, пристигнува во кината на 23 септември, според „Филм-њуз“ (Film-News).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ФУЕН едногласно ја усвои Резолуцијата на Македонското друштво „Илинден“-Тирана

Федералната унија на европските националности (ФУЕН), на својот конгрес што се одржува во Хелсинки, Финска, денеска едногласно ја усвои Резолуцијата поднесена од Македонското друштво „Илинден“-Тирана.

ФУЕН едногласно ја усвои Резолуцијата на Македонското друштво „Илинден“-Тирана

Овој чин претставува уште еден голем дипломатски и институционален успех за македонското национално малцинство во Република Албанија.

Со усвоената резолуција, ФУЕН упатува четири клучни барања до албанските и меѓународните институции:

1. Ратификација на Европската повелба: Република Албанија итно да ја потпише и ратификува Европската повелба за регионални или малцински јазици.

2. Заштита на идентитетот: Да се преземат ефективни и конкретни мерки за заштита на македонскиот идентитет од зачестените притисоци, негирања и асимилација.

3. Зачувување на Општина Пустец: Општина Пустец да остане посебна единица на локалната самоуправа и во рамките на претстојната нова административно-територијална реформа во Албанија.

4. Преименување: Општина Пустец официјално да се преименува во Општина Преспа.

Веднаш по гласањето на делегатите, претседателот на Македонското друштво „Илинден“-Тирана, Никола Ѓурѓај, во изјава за весникот „Македониум“ го истакна значењето на овој момент.

„Ова е значаен чекор за зачувување на македонскиот јазик, идентитет, култура и сите права на Македонците во Република Албанија. Веќе 11 години, како рамноправна членка на ФУЕН, активно учествуваме во работата на оваа реномирана европска организација и ги застапуваме интересите на нашиот народ. Ова е можност за нови искуства, зајакнување на соработката со другите национални малцинства во Европа и дополнителна афирмација на македонскиот идентитет, јазик, култура и традиција. Со голем гордост го претставуваме македонското национално малцинство на европско ниво“, изјави Ѓурѓај.

Резолуцијата во најкраток рок ќе биде официјално доставена до сите релевантни албански државни органи, како и до клучните меѓународни и европски институции за заштита на човековите и малцинските права.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер