ОН: За три недели во Газа раселени околу 400.000 лица - Канал 5

Живот

ОН: За три недели во Газа раселени околу 400.000 лица

Речиси 400.000 луѓе се раселени во Појасот Газа од 18 март, кога Израел ги продолжи воените операции и со тоа го прекина двомесечното примирје, соопшти денеска Кабинетот на генералниот секретар на ОН.

ОН: За три недели во Газа раселени околу 400.000 лица

„Преживеаните во Газа неколку пати беа раселени и принудени да се преселат во помали области каде што не може да се задоволат нивните основни потреби“, изјави портпаролот Стефан Дижарик.

Речиси сите 2,4 милиони жители на Газа веќе се раселени барем еднаш од избувнувањето на војната на 7 октомври 2023 година, а прекинот на огнот меѓу Израел и Хамас започна на 19 јануари.

Во заедничко соопштение, шефовите на Канцеларијата на ОН за хуманитарни прашања, Том Флечер, Светската здравствена организација, Тедрос Аданом Гебрејесус, УНИЦЕФ, Кетрин Расел и Светската програма за храна, Синди Мекејн, го повикаа светот „итно да дејствува за да ги спаси Палестинците во Газа“.

„Жителите на Газа повторно се заробени, бомбардирани и гладни, а поради повеќе од еден месец израелска блокада, на премините се трупаат храна, лекови и гориво, а пристапот до засолништата и потребната опрема е блокиран“, велат лидерите.

Тие нагласија дека тврдењата дека има доволно храна за да се прехранат Палестинците се далеку од вистината.

„Во Газа сме сведоци на воена акција која покажува флагрантно непочитување на човечкиот живот“, се наведува во соопштението.

Тагови: Газа Израел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Црвен крст на град Скопје: Традиционална крводарителска акција по повод 26 Јули

Во текот на летните месеци, бројот на крводарувања бележи намалување. 

Црвен крст на град Скопје: Традиционална крводарителска акција по повод 26 Јули

Годишните одмори, патувањата, високите температури и променетиот ритам на секојдневието се дел од причините поради кои граѓаните поретко се одлучуваат да даруваат крв.

Во исто време, потребата од крв не се намалува. Секојдневно, крвта е неопходна за хируршки интервенции, лекување на пациенти со тешки заболувања, лица повредени во сообраќајни незгоди, породувања, како и во други итни медицински состојби.

На здравствениот систем во нашата држава му се потребни околу 150 единици крв дневно за непречено обезбедување на потребите на пациентите.

Токму затоа, Црвен крст на град Скопје, на 27 јули, организира традиционална крводарителска акција, во знак на сеќавање на катастрофалниот земјотрес што го погоди Скопје во 1963 година, но и во чест на солидарноста, хуманоста и несебичноста што граѓаните ја покажаа во најтешките моменти.

Крводарителската акција ќе се реализира во Домот на АРМ – Скопје, во понеделник, 27.07.2026 година, во периодот од 09:00 до 18:00 часот.

На акцијата, покрај крводарителите од Скопје, ќе им се придружат и доброволни крводарители од Куманово, Свети Николе, Штип, Велес, Кочани и Крива Паланка, со што уште еднаш ќе се испрати силна порака дека хуманоста и солидарноста не познаваат граници.

Една единица крв може да спаси и до три животи.

Ова лето, одвојте малку време и дарувајте крв.

Тагови: крв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авионска несреќа близу Сиетл, по падот авионот се запалил

Лекарите се борат за животот на лице кое се здоби со тешки повреди при падот на авион на компанијата „Кенмор ер“ (Kenmore Air) во близина на Сиетл.

Авионска несреќа близу Сиетл, по падот авионот се запалил

Според властите, сите 11 патници биле спасени од авионот, а четири лица биле повредени.

Авионот, кој бил на пат кон пристаништето Роч на островите Сан Хуан, се урна во морето во четврток вечерта во близина на островот Сиуша, по што авионот се запалил.

Според „Кенмор ер“ (Kenmore Air) и Крајбрежната стража, авионот полетал од Сиетл околу 17:15 часот и принудно слетал во заливот Шелоу Беј, по што се запалил.

На снимките и фотографиите од местото на несреќата се гледаат делови од авионот расфрлани по карпите и во водата, додека од остатоците се издига голем столб од црн чад.

Четири лица се повредени, од кои едно е во критична состојба. Две лица се пренесени во медицински установи во Белингем, додека две се пренесени на островот Оркас на медицинска проценка.

Канцеларијата на шерифот на округот Сан Хуан соопшти дека повредите вклучуваат „повреди на главата, скршеници и расекотини“. Островот Сиуша е мал остров северно од островот Оркас и се наоѓа на околу 6,5 километри јужно од поморската граница меѓу САД и Канада.

Иако превезуваат релативно мал број патници, хидроавионите се суштински дел од летните небеса над Сиетл; стотици од нив секојдневно полетуваат и слетуваат на езерата Јунион и Вашингтон, упатувајќи се кон островите во Салишкото Море или изведувајќи панорамски летови.

Во моментот на несреќата, низ областа минувале невремиња со грмотевици, при што ударите на ветерот достигнувале брзина од 12 до 20 милји на час, а видливоста изнесувала околу 10 милји, изјави Харисон Радемахер, метеоролог од Националната метеоролошка служба.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Импресивен концерт на Камерниот оркестар на НОБ и маестра Чадловска

За мене „Охридско лето“ е секогаш посебна свеченост. Овој фестивал го доживувам како свој, како да сум дома и секогаш ми е огромна чест кога доаѓам тука.

Импресивен концерт на Камерниот оркестар на НОБ и маестра Чадловска

По неколкуте успешни гостувања на одлични солисти и ансамбли со различна жанровска програма за кои публиката покажа голем интерес, синоќа репертоарот на класична музика на 66. „Охридско лето“ повторно беше исполнет со импресивен настап на Камерниот оркестар на Националната Опера и Балет под диригентската палка на Бисера Чадловска и сопранот Наде Талевска која беше солист на вечерта.

Професионализмот и големиот креативен потенцијал на уметниците ги одразуваше не само нивните индивидуални квалитети, туку и префинетоста во заедничкото музицирање што беше видливо уште при првата композиција од репертоарот, меланхоличната мелодија „Хризантеми“ од Џакомо Пучини.

Диригентката Бисера Чадловска, како и секогаш, и овојпат покажа голема уметничка зрелост, креативност и енергичност.

-За мене „Охридско лето“ е секогаш посебна свеченост. Овој фестивал го доживувам како свој, како да сум дома и секогаш ми е огромна чест кога доаѓам тука. Изведовме неколку композитори, Џакомо Пучини, Бенџамин Бритн, Џовани Батиста Перголези, но и македонски автори како Ристо Аврамовски, Драган Шуплевски и Дамир Имери. Програмата беше специјално креирана за фестивалот „Охридско лето“, рече маестра Чадловска, која од 2022 до 2024 година беше и музички селектор на „Охридско лето“, а во 2021 година ја диригираше програмата на свеченото отворање на 61. издание на фестивалот.

Маестра Чадловска редовно диригира со Симфонискиот и Оперскиот оркестар во Националната опера и балет, но, како што кажа, првпат со Камерниот оркестар на најголемата национална установа од областа на културата во земјава.

Камерниот оркестар на Националната опера и балет е формиран во 2010 година и е составен од истакнати музичари и солисти на Оркестарот на НОБ. Во своето постоење настапувал на бројни сцени надвор од Македонија, а во својот репертоар секогаш отстапува голем простор за македонските композитори.

Тагови: Охридско лето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер