Свет

ОН: „Репресивниот режим“ во Венецуела се уште е целосно оперативен

Мисијата на Обединетите нации за утврдување факти соопшти дека „репресивниот државен апарат“ во Венецуела е целосно оперативен и по соборувањето на поранешниот претседател Миколас Мадуро.

Мисијата на Обединетите нации за утврдување факти соопшти дека „репресивниот државен апарат“ во Венецуела е целосно оперативен и по соборувањето на поранешниот претседател Миколас Мадуро, извршено од страна на американските сили на почетокот на јануари годинава.

Во извештајот доставен до Советот за човекови права на ОН се наведува дека „институционалните структури кои овозможуваат кршење на човековите права не се укинати“, додавајќи дека од падот на Мадуро се регистрирани 87 политички мотивирани апсења.

Владата во Венецуела со години ги негира обвинувањата за кршење на човековите права и постоењето политички затвореници, тврдејќи дека притворените лица се товарат за класични кривични дела.

Во извештајот се наведува и дека високи владини и воени функционери, претходно посочени како одговорни за злосторства против човештвото, се уште се мошне влијателни во земјата.

Вашингтон подолг период ја критикува состојбата со демократијата во Венецуела, обвинувајќи ја социјалистичката власт за изборни измами и политичка репресија.

САД претходно соопштија дека ќе „преземат контрола“ врз Венецуела, но не инсистираа веднаш на нови избори, нагласувајќи ги притоа добрите односи со поранешната потпретседателка Делси Родригез, која ја презеде функцијата привремена претседателка и поддржа измени во националните регулативи за нафта и за рударство насочени кон привлекување инвестиции.

Нејзината Влада усвои и закон за амнестија како дел од договор за ослободување илјадници затвореници. Според Владата во Каракас, до крајот на февруари биле ослободени речиси две илјади лица, што сепак беше оспорено од локалните невладини организации, кои упатуваат критики до власта за недоволна транспарентност и забелешки за далеку помал број ослободени затвореници.

Алфредо Ромеро, директорот на организацијата „Форо Пенал“ изјави дека „репресивниот систем и натаму постои и оти правосудниот систем и натаму е алатка за политички прогон“.

Тагови: Венецуела

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Завршени операциите за спасување, бројот на жртви од лизгањето на земјиштето во Кина се искачи на 21

Бројот на загинати во лизгањето на земјиштето во округот Дангчанг, во провинцијата Гансу во северозападна Кина, се искачи на 21, а операциите за спасување се завршени, соопштија денеска локалните власти.

Лизгањето на земјиштето се случи во вторник наутро во селото Рензанг, во општината Нанхе, при што 33 лица останаа затрупани, објави „Глобал тајмс“.

По несреќата, на терен веднаш беа испратени екипи за итни случаи, противпожарни единици и припадници на службите за јавна безбедност, кои започнаа операција за пребарување и спасување.

Во знак на сеќавање на жртвите, владините претставници и новинарите присутни на конференцијата оддадоа почит со едноминутно молчење.

Dam wall collapses in China after heavy rain #khabraindigital #China #DamCollapse #HeavyRain #Floods pic.twitter.com/VlhJIIsyqw
— Khabrain Digital (@daily_khabrain) July 8, 2026

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Силен земјотрес во Кина

Земјотрес со јачина од 5,0 степени според Рихтеровата скала денеска ја погоди кинеската провинција Сечуан, соопшти Европско-медитеранскиот сеизмолошки центар (EMSC).

Епицентарот на земјотресот бил на длабочина од 10 километри и на растојание од 19 километри од градот Џибин. Досега нема извештаи за повредени или материјална штета.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Добро испланираните економските политики на Владата дават резултати, храната поевтини, инфлацијата се намали

Економските политики на Владата даваат резултати, пазарот се стабилизира, цените се намалуваат, храната поевтини.

Владините мерки за намалување на цените на нафтените деривати, вродија со плод, така што Македонија во континуитет беше држава со најниски цени на енергенсите, кои доведоа и до намалување на цените на прехранбените производи.

Според официјалните податоци на Државниот завод за статистика, годишната инфлација во јуни месец изнесува 3,4%, додека споредено со мај месец годинава бележи намалување од 0,5 проценти, додека индексот на цените на мало, исто така, во однос на мај бележи намалување за 0,8%.

Тоа е што е посебен успех е фактот што инфлацијата кај храната и безалкохолните пијалаци изнесува 2,5%, додека кај облека и обувки е 2,1%.

Практично, тоа што ја зголемува годишната инфлација во јуни се алкохолните пијалаци и тутунот со 9,3%, и транспортот со 6,2 проценти.

Ова значи дека храната поевтини и дека основните производи за живот, граѓаните ги обезбедуваат со помалку пари.

Колку за споредба со земјите од регионот, инфлацијата во Грција изнесува 3,9 проценти, во Бугарија 5,6, во Хрватска 4,5, Словенија 3,6, додека пак во Турција инфлацијата изнесува неверојатно високи 32,11%.

Што се однесува на инфлацијата во другите земји од регионот, тие сè уште ги немаат објавено податоците за јуни месец. Последен податок им е за месец мај, кога инфлацијата во соседно Косово изнесувала 6,8%, во Босна и Херцеговина 5,6%, Црна Гора била подобра со инфлација од 3,6 проценти и Албанија со 3%.

Од друга страна, ако ги споредиме јуни 2026 и јуни 2022 година, сега кога владата ја предводи ВМРО-ДПМНЕ и периодот кога на власт била СДС, тогаш бројките се следни: јуни 2026 инфлацијата во Македонија е 3,4%, додека во јуни 2022 била високи двоцифрени 14,5 проценти.

Ова е резултатот кога ќе споредат двете енергетски кризи, првата со нападот на Русија на Украина и втората со нападот на САД на Иран. Соодносот на инфлацијата сега со таа тогаш во 2022 година е 1:4,26.

Овие не се само статистички податоци и бројки, туку одраз на реалната слика, која влада како се справила со енергетската, со растот на цените, со инфлацијата.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.