ОН: 2,3 милијарди луѓе тешко или умерено гладни во 2021 година

Според извештајот, гладот ​​продолжил да се зголемува во Африка, Азија, Јужна Америка и Карибите во 2021 година, но со побавно темпо отколку од 2019 до 2020 година.

Околу 2,3 милијарди луѓе во светот се соочуваат со умерени или сериозни потешкотии во добивање доволно храна, што е состојбата пред почетокот на војната во Украина, што предизвика зголемување на цената на житото, ѓубривата и енергијата, се наведува во извештајот на ОН објавен денеска.

„Последните достапни докази сугерираат дека бројот на луѓе кои не можат да си дозволат здрава исхрана ширум светот е зголемен за 112 милиони на речиси 3,1 милијарди, што ги одразува последиците од зголемувањето на цените на храната за широка потрошувачка за време на пандемијата на коронавирусот“.

ОН предупредија дека војната во Украина, што почна на 24 февруари, „го нарушува снабдувањето и влијае на цените на житото, ѓубривата и енергијата“, што доведува до повисоки цени во првата половина на 2022 година, додека се почестите и екстремни климатски настани се исто така нарушување на синџирите на снабдување, особено во земјите со низок приход.

Според извештајот, гладот ​​продолжил да се зголемува во Африка, Азија, Јужна Америка и Карибите во 2021 година, но со побавно темпо отколку од 2019 до 2020 година.

„Во 2021 година гладот ​​погоди 278 милиони луѓе во Африка, 425 милиони во Азија и 56,5 милиони во Јужна Америка и Карибите“, се вели во соопштението.

Развојните цели на ОН бараат крај на екстремната сиромаштија и глад до 2030 година, но во извештајот се вели дека проекциите покажуваат дека осум отсто од светското население, околу 670 милиони луѓе, ќе се соочат со глад на крајот на деценијата. /МИА

Поради технички проблем граѓаните плаќаат по неколку пати за едно возење со ЈСП

За едно возење со автобус, преку мобилен телефон им било наплатено повеќе од 100 денари. Проблемот со валидаторите за наплата во автобусите на ЈСП, ги збуни граѓаните во Скопје.

-Дел од граѓаните се жалат дека не можат да платат карта во автобус со мобилен телефон. На некои од нив, ни по еден ден не им стигнала смс-пораката

До редакцијата на Канал 5 пристигнаа фотографии на граѓани, кои покажуваат како им стигнале неколку пораки за платен билет, едноподруго, иако одамна ги искористиле услугите на јавниот превоз.

Некои од луѓето кои ги анкетиравме велат дека немале никаков проблем при наплата на билет, додека пак останатите со соочиле со ваква ситуација. Од страв да не бидат фатени од контрола на ЈСП, морале да слезат неколку постојки порано.

Од ЈСП во текот на вчерашниот ден најавија дека можни се технички проблеми поради надградба на системот. Апелираа до корисниците на јавниот превоз – да го пријават случајот на мејлот аскопска@јсп.ком.мк. Ги запрашавме: колку лица досега пријавиле дека имале проблем со плаќањето.

Од Јавното сообраќајно претпријатие уверуваат дека во иднина нема да има никакво проблеми со валидаторите, и граѓаните без проблем ќе можат да ги користат.

Специјалниот пратеник на ЕУ за дијалогот Белград-Приштина нема да остане втор мандат

Специјалниот пратеник на Европската унија за дијалогот Белград-Приштина, Мирослав Лајчак, нема да остане втор мандат на функцијата, објави Радио Слободна Европа (РСЕ).

Според РСЕ, Лајчак од 1 септември ќе ја преземе функцијата амбасадор на ЕУ во Швајцарија.

Лајчак е поранешен министер за надворешни работи на Словачка и беше назначен на функцијата специјален пратеник на ЕУ за дијалогот за нормализација на односите меѓу Белград и Приштина во април 2020 година.

Засега нема информации кој ќе го наследи Лајчак на оваа функција. Според извори на РСЕ, дискусиите на ниво на ЕУ почнале, но одлуката ќе биде донесена по европските избори во јуни годинава.

Оваа недела беа именувани 43 европски амбасадори во различни земји низ светот. Меѓу нив се и новите амбасадори во Босна и Херцеговина и Косово.

Средба Ковачевски – Азески за приоритетите во економијата

По Mицкоски на средба со претседателот на Стопанската комора на Македонија беше и преседателот на СДСМ Димитар Ковачевски, на која разговараа за приоритетите во економијата.

притисни ентер