Околу 300 учесници и гости од странство на фестивалот „Пеце Атанасовски“ на Рудина, Долнени - Канал 5

Околу 300 учесници и гости од странство на фестивалот „Пеце Атанасовски“ на Рудина, Долнени

 На Рудина, Долнени синоќа се одржа првата фестивалска вечер, а денеска е вториот натпреварувалки ден на 51. Фестивал на народни инструменти и песни „Пеце Атанасовски.

Околу 300 учесници и гости од странство на фестивалот „Пеце Атанасовски“ на Рудина, Долнени

Околу 300 учесници од сите краишта на Македонија и гости од Холандија и од Австрија, изведуваат изворни песни и свират на народни инструменти продолжувајќи ја вековната традиција на зачувување на богатиот изворен мелос. Денеска ќе бидат прогласени најдобрите изведувачи, а најдобриот гајдаџија ќе ја понесе гран при фестивалската награда „Гајдата на Пеце“ што ја доделува општина Долнени.

Повеќе од половината учесници оваа година се млади изведувачи, што го потврдува фактот дека богатиот изворен мелос се пренесува на новите генерации.

-Фестивалот ја исполнува својата задача. Поголемиот дел се млади изведувачи, значи, продолжува пренесувањето и зачувувањето на богатиот фолклорен мелос, вели Стојанче Костов, етнокорелог од Iнститут за фолклор „Марко Цепенков“ од Скопје, член на управниот одбор на Фестивалот.

Учесниците од сите краишта на Македонија го зачувуваат квалитетот на изведбите.

- Речиси сите учесници на високо ниво го изведуваат изворниот мелос, музицираат на изворните инструменти кои се изработени во земјава. Фестивалот ја негува традицијата и не случајно се одржува во Долнени, лулката на гајдаџиството, домот на универзалниот уметник со светски глас Пеце Атанасовски. Фестивалот ќе ја додели гран при наградата за најдобар гајдаџија, токму во чест на патронот, но и како потврда дека е нераскинливо врзан со овој изворен инструмент кој е веќе на листата на УНЕСКО како заштитено нематеријално културно наследство, рече Родна Величковска, уметнички директор на Фестивалот.

Учесниците се на возраст од 8 до 90-тина години, а радува фактот што и нашинците во Виена Австрија го негуваат изворниот мелос. На Фестивалот настапи виенскиот оркестар „Александар“, а веќе четврта година на Фестивалот е ентузијасот, вљубеник во македонскиот мелос Ернест Холанд.

-Многу сакам да свирам на гајда, ја сакам македонската традиционална музика со сите ритами. Научив многу песни на гајда од источна Македонија, вели Холанд.

Во рамките на фестивалот се одржаа семинар за изучување на народните инструменти и песни и симпозиум за „Фолклорот во минатото и денес“, на кој беше промовиран шестиот зборник на научни трудови од фолклористирака.

Денеска со прогласувањето на најдобрите ќе заврши 51. Фестивал на народни инструменти и песни „Пеце Атанасовски“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Делчево ќе добие современа спортска сала - Ристовски: Ги враќаме во живот спортските центри низ цела Македонија

Министерството за спорт продолжува со реализација на проектите за изградба и реконструкција на спортската инфраструктура низ целата држава. 

Делчево ќе добие современа спортска сала - Ристовски: Ги враќаме во живот спортските центри низ цела Македонија

Во Делчево денеска официјално започнаа градежните активности за реконструкција на спортската сала, значаен проект во вредност од 50 милиони денари, со кој ќе се обезбедат современи и квалитетни услови за развој на спортот во општината.

Почетокот на градежните активности го означија претседателот на Владата, Христијан Мицкоски, министерот за спорт, Борко Ристовски и градоначалникот на Општина Делчево, Иван Гоцевски.

Министерот Ристовски, истакна дека реконструкцијата на спортската сала е дел од пошироката стратегија на Министерството за спорт за изградба и реконструкција на спортската инфраструктура низ целата држава.

„Овој проект е уште еден чекор во она што Министерството за спорт сака да го направи, а тоа е враќање во живот на сите спортски центри на територијата на цела Македонија. Со реконструкцијата на оваа спортска сала Делчево ќе заживее како спортски град, а што е уште поважно, децата и младите ќе имаат место каде што ќе можат да се занимаваат со спорт. По реконструкцијата, која треба да биде реализирана во рок од 18 месеци, сигурен сум дека овој објект, кој со години пропаѓал, ќе прерасне во современ спортски центар, во кој ќе може да се организираат и поголеми спортски настани“ - истакна Ристовски.

Министерот за спорт нагласи дека спортската инфраструктура е основа за развојот на спортот и токму затоа Министерството за спорт посветува посебно внимание на овој сегмент.

„Упатувам голема благодарност до претседателот на Владата, Христијан Мицкоски, за поддршката што ја имаме во спроведувањето на ваквите инфраструктурни проекти како и до градоначалниците и локалните самоуправи со кои имаме добра соработка во реализацијата. Без сето тоа не би можеле да се реализираат овие капитални проекти кои значат многу за македонскиот спорт и генерално за граѓаните, особено за младите на кои мора да им обезбедиме современи, достапни и безбедни објекти за спорт и рекреација“ - рече министерот Ристовски.

Реконструкцијата на спортската сала во Делчево е дел од континуираните инвестиции на Министерството за спорт и Владата во подобрување на спортските услови и инфраструктурните капацитети.

Во рамките на оваа програма на Министерството за спорт во изминатиот период целосно се реконструирани спортските сали во Радовиш, Ново Село и спортската сала „Расадник“ во Скопје, започната е реконструкцијата на салата „Македонија“ во Прилеп, а паралелно се реализира и изградба на три нови спортски сали – две во Скопје и една во Крушево.

Министерството за спорт останува посветено на реализација на конкретни инфраструктурни проекти со цел создавање современи услови за спортување, унапредување на спортскиот потенцијал и поттикнување на младите да бидат активни и да се занимаваат со спорт.


Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Филипче: Мицкоски да одговори зошто со законски измени се брише одредбата за уплата на 6% во вториот столб?

Претседателот на СДСМ, Венко Филипче,  на денешната прес-конференција предупреди на сериозен скандал поврзан со вториот пензиски столб .

Филипче: Мицкоски да одговори зошто со законски измени се брише одредбата за уплата на 6% во вториот столб?

Претседателот на СДСМ, Венко Филипче, на денешната прес-конференција предупреди на сериозен скандал поврзан со вториот пензиски столб и го повика Мицкоски да одговори зошто со законски измени се брише одредбата за уплата на 6% од придонесите во вториот столб.

Филипче посочи дека во новиот предлог-закон, кој е веќе објавен на ЕНЕР, се брише членот 120, и го отвори прашањето дали ова значи дека вториот пензиски столб нема да постои.

„Се брише членот 120 и се брише одредбата со која 6% од парите од придонесите, кои сите ние ги плаќаме за пензиско и инвалидско осигурување, 6% кои треба да одат во вториот столб, сега таа одредба се брише. Каде ќе одат парите? Дали тоа значи дека се елиминира вториот пензиски столб? Огромен скандал на повидок. Треба добро да се објасни. Христијан Мицкоски да каже зошто не се уплаќаат парите таму и зошто во новиот предлог-закон, кој е на ЕНЕР, се брише членот 120 за уплата на 6% од вкупниот придонес за пензиско осигурување во вториот столб“, потенцираше претседателот на СДСМ, Венко Филипче.

Филипче укажа на сериозната состојба со пензискиот систем, и ризикот во кој се ставени и членовите на вториот пензиски фонд, односно дека над 5 милиони евра не се префлрени во вторито столб.

„ Освен што се пензионерите украдени, дупката во пензискиот фонд е милијарда евра. изминатите месеци не се уплаќаат парите од пензискиот фонд во фондовите за дополнително пензиско осигурување, таканаречениот втор столб. 50 милиони евра недостасуваат и притоа не ги уплаќаат парите во вториот столб. Се поставува прашањето: доведен ли е во ризик вториот столб на сите нас кои плаќаме таму пари за нашите идни пензии?“, праша Филипче.

Тој предупреди дека секое доцнење и неуплата повлекува и камата и побара да се утврди кој ќе ја преземе одговорноста за тие средства.

„Што ако се покренат тужби, ќе ги дадат ли парите плус камата, затоа што секое доцнење и неуплата повлекува и камата? Кој ќе ја преземе одговорноста за каматите?“, рече Филипче.

YouTube video

Филипче: Мицкоски ветуваше дека струјата нема да поскапи, сега се најавува поскапување кое ќе ги крене и цените

Мицкоски ветуваше дека струјата нема да поскапи, а сега најавува ново поскапување на струјата и парното кое директно ќе удри по стандардот на граѓаните и ќе предизвика нов раст на цените на сите производи, потенциарше претседателот на СДСМ, д-р Венко Филипче, денеска на прес-конференција. Филипче предупреди дека ова е уште една потврда за лошите економски политики на Владата и за нејзината неспособност да го заштити животниот стандард на граѓаните.

„Иако токму тој во септември ветуваше и укажуваше дека струјата нема да поскапи, претседателот на Регулаторната комисија, член од ВМРО-криминалната група, Ацо Ристов, чија сопруга е член на Судскиот совет, најави зголемување на струјата. Ете толку од добрите економски политики на оваа власт и толку од желбата да се зачува, во најмала рака, а не пак да стане збор како што гледаме, за зголемување на стандардот на граѓаните“, нагласи Филипче.

Тој рече дека ова ќе значи дополнително поскапување на производите.

„Што ќе се случи после Нова година? Ова зголемување на струјата за дополнителни 2-3% ќе повлече повторно поскапување на буквално сите производи кај нас“, предупреди претседателот на СДСМ.

Филипче укажа дека граѓаните веќе се соочуваат со сè повисоки трошоци за живот, а синдикалната кошничка повторно е зголемена и достигна 71.000 денари.

„Се наоѓаме во катастрофална ситуација со буџетот, која премиерот се обидува да ја замаскира со неговата секојдневна демагогија, која сè полошо ја продаваат неговите пропагандни медиумски канали, затоа што луѓето гледаат сè повеќе колку потешко се живее дополнително, од почетокот на следната година, кога ќе поскапи струјата и понатаму ќе повлече да поскапи и сè друго“, порача Филипче.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ѓорѓиевски: Водно освежено и уредено со нови содржини

Градоначалникот на Град Скопје, Орце Ѓорѓиевски, информираше дека Град Скопје изминатиов период на Водно реализираше голем број работни активности со фокус на уредувањето на влезот кон жичарата и поставувањето на ново детско катче.

Ѓорѓиевски: Водно освежено и уредено со нови содржини

Градоначалникот на Град Скопје, Орце Ѓорѓиевски, информираше дека Град Скопје изминатиов период на Водно реализираше голем број работни активности со фокус на уредувањето на влезот кон жичарата и поставувањето на ново детско катче, а извршена е и обнова на клупите, кантите за отпадоци и летниковците.

- За илјадници скопјани, Водно е дел од животот. Тука доаѓаме на прошетка по работниот ден, а за викенд тргнуваме по патеките со семејството и со пријателите. Затоа, за мене како градоначалник, заштитата на Водно и обновата на местата каде што скопјани се собираат и одмораат се меѓу најважните приоритети. Изминатиов период работевме на уредување влезот кон жичарата и изградивме ново детско катче. Денес, Водно го доби својот нов лик. Ги обновивме клупите, кантите за отпадоци и летниковците, а дрвените елементи ги освеживме со нова боја – изјави Ѓорѓиевски.

Градоначалникот Ѓорѓиевски истакна дека претходно е поставен и нов асфалт на патот кон Средно Водно и дека за првпат е поставено ЛЕД-осветлување. Дополнително, изграден е и моторички парк, каде што децата низ игра на отворено можат да вежбаат рамнотежа и координација.

- Од Водно најубаво се гледа колку е убаво нашето Скопје. Затоа, да внимаваме каде го оставаме отпадот, да ги чуваме дрвјата и сето она што е направено за сите нас. Да го оставиме Водно чисто по секоја прошетка и зелено за секоја следна генерација – рече Ѓорѓиевски.

Градоначалникот Ѓорѓиевски изрази благодарност до општествено одговорната компанија „Филип Морис“, за поддршката во уредувањето на овој простор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер