Македонија

ОЈО ГОКК „ја врати топката“ кај ЕСМ: Тврдат дека генералниот директор ги овластил лицата што дале исказ дека нема штета

Состојбата не е утврдена паушално, ниту само врз основа на поединечни изјави – одговраат од ОЈО ГОКК.

Состојбата не е утврдена паушално, ниту само врз основа на поединечни изјави – одговраат од ОЈО ГОКК откако АД ЕСМ ја обвинија предметната обвинителка Катерина Коларевиќ дека не ги зела превдид фактите и одлуката за затворање на случајот за набавките на мазут за ТЕЦ Неготино, ја базирала врз искази на некомпетентни лица од компанијата..

Од обвинителството велат дека исказ дале оние кои АД ЕСМ, односно генералниот директор ги овластил и од каде точно знаеле за што се повикани.

„Врз основа на овластување од Генералниот директор на АД ЕСМ од 4.3.2026 година, Помошник директорот за производство на електрична енергија од хидроелектрани и управување со производни капацитети, како и Советникот за комерцијални работи, беа овластени како претставници на АД ЕСМ да дадат исказ во својство на сведоци и претставници на оштетеното правно лице. Оттука, не може постфестум да се тврди дека биле повикани „погрешни луѓе“, кога токму раководството на АД ЕСМ ги определило лицата кои ќе ја претставуваат компанијата пред обвинителството.“

Од ОЈО ГОКК додадаат и дека ЕСМ не приложижа конкретни докази за оштетно побарување, а доказите кои ги доставиле од компанијата – покажувале дека немало настаната штета. Обвинителските одлуки се носат врз докази и факти, а не за задоволување на јавната перцепција, додаваат од ОЈО ГОКК.

„Најлесно е секоја одлука што некому не му се допаѓа да се прогласи за политички договор. Но обвинителска одлука не се носи врз основа на реакции на социјални мрежи, партиски соопштенија или медиумски притисок, туку врз основа на докази и закон. ОЈО ГОКК не може да измислува кривично дело за да задоволи јавна перцепција, ниту пак да продолжува постапка само затоа што предметот е политички атрактивен. Тоа би било незаконито и неодговорно постапување.“

Во меѓувреме, итна истрага од правосудните органи и да прекине молкот на Советот на јавни обвинители, побараа од владејачката ВМРО-ДПМНЕ, кои прашаа дали зад запирањето на истрагата стои корупција и подмитување.

„Тандемот Коларевиќ и Абази се коалиција во обвинителството, како што се СДСМ и ДУИ во политиката. Катерина Коларевиќ, моминско Маркова, ќерка на Павле Марков, државен правобранител, избран од владата на СДС во 1998та година и на Вера Маркова, Уставен судија во 2004 година, избрана од коалицијата СДС и ДУИ. Фамилијарни кариери во обвинителството на услуга на СДС. За Абази и да не говориме, човек кој дојде на времето на Русковска во ОЈО ГОКК, сосед на Ахмети од Зајас кој функционира на начин како што Али ќе му каже. Коларевиќ и Абази застанаа цврсто во одбрана на криминалот на функционерите СДС и ДУИ, наречен „Мазут“.“

Од ОЈО ГОКК ваквите наводи ги оценија како шпекулации без фактичка основа. Според нив, станува збор за класичен обид за дискредитација наместо аргументирана критика на обвинителска одлука. Велат, несериозно е, а воедно и политички конструирано да се оценува обвинител по тоа што го работеле нејзините родители пред 20 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Србин убиен во Барселона- Напаѓачот му се приближил одзади и испукал неколку куршуми

Во пукотницата што се случи во Барселона, убиен е маж, за кого шпанските медиуми велат дека е од српска националност.

Според порталот ElCaso.cat, пукотницата се случила во недела околу 21 часот во внатрешниот двор на зграда во населбата Зона Франко, кога маж облечен во црно испукал неколку куршуми во грбот на човекот.

И покрај напорите на соседите, медицинските работници и агентите на Мосос, кои брзо излегле на терен, човекот починал. Некое време, целата населба била блокирана, но напаѓачот не бил пронајден.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: „Центарска симфонија“ во сабота , оркестар, македонски шлагери и филмска музика во срцето на Скопје

Општина Центар ги поканува граѓаните во сабота, 13 јуни, со почеток во 19:30 часот, на „Плочник“ во Градски Ѕид (Клуб на новинари), на „Центарска симфонија“ , музички спектакл под отворено небо во срцето на Скопје.

„Ќе имате можност да уживате во македонски шлагери инспирирани од домашната кинематографија од седумдесеттите години до денес, како и во безвременски мелодии од светските филмски класици, претставени во моќно и современо симфониско издание“, порача градоначалникот на Општина Центар, Горан Герасимовски.

На концертот ќе настапат Сонора Колектив оркестар и вокалните солисти Иван Наумовски и Елена Васова. Влезот е слободен.

„Оваа манифестација стана традиција. Првото издание лани привлече голем инетерес, што покажува дека ваквите настани му се потребни на Скопје. Во летните денови тие го раздвижуваат градот и ги сплотуваат граѓаните. Се надевам дека и годинава ќе го имаме истото силно и емотивно доживување,“посочи Герасимовски.

Проектот е дел од Програмата за култура на Општина Центар за 2026 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Само Филипче на иста линија со Радев бара уставни измени како единствена реформа

Само Филипче на иста линија со Радев бара уставни измени како единствена реформа, додека ЕУ претставници и институции го признаваат напредокот на Македонија.

Признанија и пофалби за работа на Владата и напредокот на државата доаѓаат од повеќе функционери и претставници на земји членки на Европската Унија.

Европски претставници како што е Антонио Кошта, претседател на Европскиот Совет и институции како Европската Комисија кои потврдуваат дека Македонија се развива и напредува во Реформската агенда, за што доби и најмногу финансиски средства од Планот за раст од земјите во регионот.

Унијата со внимание ги следи реформите на македонската влада и истите ги поздравува, велејќи дека сме лидери во регионот, а само Венко Филипче е на иста линија со Румен Радев и велат единствена реформа за Македонија се уставните измени.

Со тоа Филипче ја продолжува веќе видената пракса на Зоран Заев, кој за власт се согласи на разни идентитетски отстапки и национални предавства, како што е промена на името, само за да дојде и подолго да остане на власт.

По долго време коленичење и поданост од страна на властите предводени од СДС, сега европските претставници кај македонската влада предводена од ВМРО-ДПМНЕ, гледаат државнички пристап и сигурен партнер за соработка.

Голем дел европски претставници и на земји членки на ЕУ сметаат дека Македонија бележи видливи резултати и дека, после долги години чекање, заслужуваме гаранции и предвидливост на европскиот пат.

Но, Филипче како пиун на Радев и специјален пратеник на Бугарија не смета така. Оваа генерација на СДС предводена од Венко Филипче, покажува дека е нај мекото ткиво на Македонија, надминувајќи го и тоа на Зоран Заев.

Наместо да застанат заедно со Владата зад македонските национални и идентитетски интереси, тие се на иста линија до Радев во служба на Бугарија и спремаат уште едно поголемо предавство.

Додека Бугарија се обединува во цврст став по однос на Македонија, Румен Радев во државава си најде пиун по негова мера, Венко Филипче кој е подготвен да исполни се што ќе му побара без никаков приговор.

Затоа, го прашуваме Филипче и ова раководство на СДС, што уште сакаат да направат за да и наштетат на државата и да бидат запаметени како најголемите предавници во најновата историја на Македонија, веднаш после Заев и компанија.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.