Огромен астероид следната недела ќе прелета на досега најмало растојание од Земјата

Астероид долг еден километар на 18 јануари ќе пролета релативно блиску до Земјата.

Ќе помине на растојание од 1,93 милиони километри од нашата планета, движејќи се со брзина од 19,56 километри во секунда. Станува збор за астероидот 7482 (1994 PC1) кој е откриен во 1994 година.

НАСА наведува дека нема веројатност овој астероид да удри во Земјата, но дека следната недела ќе помине најблиску до нас во следните два века, пишува CNN.

Тоа нема да биде најголемиот астероид кој некогаш поминал покрај Земјата. Таа чест му припаѓа на астероидот 3122 Florence (1981 ET3), кој прелета покрај нашата планета на 1 септември 2017 година, а беше широк помеѓу 4 и 9 километри.

Иако е малку веројатно дека 7482 (1994 PC1) ќе биде видлив со голо око, би можело да го следат астрономи аматери со нивните телескопи.

Во Крушево одбележан роденденот на Тоше, ќе полнеше 41 година

Родното Крушево на балканската музичка ѕвезда Троше Проески на неговиот 41 роденден  сака овој ден да не биде само ден на хуманоста во градот.

Туку 25 јануари да биде ден на хуманоста во Македонија. Така како што денеска десетици негови сограѓани и подржувачи од Балканот се хумани и доследни кон неговиот животен пат. Зашто Тоше пред се беше човек кој ширеше љубов топлина и разбирање.

Со богата музичко сценска изведба во спомен куќата на Гумење и во неговииот вечен дом. Секој посетител имаше прилика да ја почуствува тагата и болката. Но и внатрешната потреба да напише некој убав збор.

Над милион посетители со својот пишан збор дале придонес тој вечно да биде меѓу нас.

Со својот ангелски глас го освои Балканот. Игри без граници и многу негови хитови уште долго ќе се пејат а во спомен куќата за него свои изведби имаа камерниот оркестар од Битола. Солисти од Македонската опера и балет. Како и групата Мелем и Никола Зацески а беше изведен и музичкиот перформанс на Горан Папаз.

Целосно е исчистена дивата депонија на кејот на реката Вардар во општина Гази Баба

Екипите на Град Скопје денеска завршија со чистење и целосно е исчистена дивата депонија кај кејот на реката Вардар во општина Гази Баба, која зафаќаше површина од над 13.000 квадратни метри. 

Собрани се над 4.000 кубни метри комунален отпад и градежен шут што секојдневно ја загадуваше животната средина и го загрозуваше здравјето на жителите од оваа општина.

Градот Скопје интензивно работи на чистење на депонии во населбата Лисиче, Ново Село во општина Ѓорче Петров, како и целосно чистење на дива депонија во населено место Брњарци, општина Гази Баба.

Чистење на сите диви депонии во Скопје е приоритет, со цел превенција на загадување на воздухот, почвата и водите и заштита на здравјето на граѓаните. Ги охрабруваме граѓаните да се вклучат во оваа акција на Градот, со тоа што ќе пријавуваат диви депонии, но пред се, да бидеме совесни граѓани кои се однесуваат еколошки одговорно и се грижат за својот град и за животната средина.

Град Скопје

ССМ бара минималната плата да се зголеми најдоцна до март, во спротивно се закануваат со штрајк

Минималец од 18 илјади или штрајк.

ССМ се закани дека ако износот на минималната плата не се зголеми најдоцна до март и не се усогласат и другите плати нагоре - ќе излезат на улица. Иако претходно владини министри најавија можно зголемување на минималецот во јуни годинава, од ССМ велат дека ќе ја почекаат средбата со Влада закажана за 31ви па потоа ќе носат одлука што понатаму.

В петок претседателството и советот на синдикатот ќе кројат план за следните чекори. Синдикалците бараат и К-15 за цел јавен сектор исто како што е за приватниот.

„Најпоследна дата што може да се зголеми минималната плата е согласно законот и таа да се зголеми од март, согласно законско решение член 4 кој вели дека таа расте по однос на три параметри, БДП, животни трошоци и пораст на просечна плата.“ изјави Дарко Димовски, претседател на ССМ

ССМ со апел до пратениците – прво на листа за гласање да се измените на законот за минимална плата, со кој таа ќе изнесува 60% од просечната, па дури потоа на дневен ред да се сите други закони.

„Бараме народни избраници да не се занимаваат со закони како што се изборен закон, прекин на апанажа итн. Сметаме дека овој закон е еден есенцијален закон за егзинстенција каде што бараме се што поднесовме да се изгласа, па потоа тие што предлагаат како бенефит на нивни цели.“ изјави Дарко Димовски, претседател на ССМ

ССМ вчера имаше средба со министерката за труд Јована Тренчевска, од чиј кабинет соопштија дека и владина заложба е минималецот да биде 18 илјади што е можно побрзо оваа година, додека до крајот на мандатот да порасне на 20 илјади денари.

притисни ентер