Официјално отворање на третиот Галичник филм фестивал

„ Диши длабоко и погледни кон небото. Си замисли желба?  Се гледаме на Галичник! “

Овој викенд центарот на универзумот ќе биде Галичник! Извезен под ѕвезденото небо на недопрената Галичка убавина на височина од 1500м2, денес ќе биде свеченото отворање на третиот по ред Галичник филм фестивал. Викенд во природа, богата филмска програма еднаква на големите помпезни филмски фестивали и добра музика, спакувани во три-дневна магија надвор од хаосот на градот!

Филмови кои ни доаѓаат директно од Cannes Film Festival, Oscars, Sundance, IDFA, Toronto International Film Festival, Locarno Film Festival, овој викенд ексклузивно ќе бидат проектирани за префинетото око на љубителите на кинематографијата. Официјалната селекција со 23 краткометражни филмови од цел свет, ќе сместени во следните категории: играни краткометражни филмови, документарни краткометражни филмови и анимирани краткометражни филмови. Како дел фестивалот, по завршувањето на проекциите следи музичка програма за уште поголемо уживање под богатото соѕвездие на Галичкото небо.

Како дел од жири комисијата оваа година се актерот Никола Ристановски, режисерката и сценаристка Елеонора Вениновa и режисерот Георги М. Унковски, победник на минатогодишниот Галичник филм фестивал со филмот „Налепница.“

Третиот Галичник филм фестивал несомнено ќе биде огромен предизвик за изострениот вкус на овие големи уметници имајќи го предвид фактот дека оваа година во игра се неверојатни 23 филмови кои секој на свој начин доаѓаат со својата единственост и уметничка тежина, но и позадина на веќе нанижани признанија ширум светот.

Како дел од Галичник филм фестивал, од 3ти до 5ти август, беше одржана „Екс - ЈУ“ работилницата за краткометражни сценарија под водство на Дејан Дуковски, во рамки на истата учество земаа 5 проекти: „Дали е тетка Божана, тато?“ – Ева Камчевска и Небојша Јовановиќ – Македонија, „Не е добар ден за паркирање“ - Филип Лафазановски - Македонија „Базен-дупка“ – Ана Вуќичевич – Србија, „Брат и Мајка“ – Александар Вујович – Црна Гора, „Цут“- Тамара Брочич

Повикувајќи се на традицијата за филмски проекции во старото кино, во чест минатото кога со магариња од Јанче се носеле филмските ленти, и со носталгија за тоа како кровот во старото кино татне да чуе макар уште еден галички аплауз за некој нов филм, овој викенд бидете дел од кинематографското соѕвездие.

Фестивалот е поддржан од Агенција за филм на Република Македонија, а го реализираат ДАРМА ФИЛМ и МЗ Галичник. Програмата на Галичник Филм Фестивал е бесплатна.

Силна експлозија во џамија во Кабул- десетици загинати и повредени (ВИДЕО)

Силна експлозија одекна денеска за време на вечерната молитва во џамија во Кабул и се стравува дека има многу мртви и повредени, соопшти полицијата.

Претставник на талибанското разузнавање изјавил дека можеби се убиени или повредени 35 лица.

Ал Џезира објави, цитирајќи неименуван функционер, дека загинале 20 луѓе. Болницата во Кабул на Твитер објави дека примила 27 повредени, меѓу кои и седумгодишно дете.

Нападот се случил во населбата Каир Кан. Меѓу загинатите е и имамот на џамијата.

Ин мемориам: Почина Гале Фиданоски, долгогодишен новинар и директор на Радио Гостивар

По кратко боледување на 86-годишна возраст, почина Гале Фиданоски, еден од основоположниците на новинарството во полошкиот регион. 

Тој повеќе од две децении раководеше со радиостаницата „Радио Гостивар“, единствениот локален медиум до почетокот на 90-тите години од минатиот век.

Покрај активната и ангажирана новинарска работа во Радио Гостивар, тој повеќе од 35 години беше дописник на Радио Скопје. За време на работниот век се покажа и како публицист, хроничар. Има напишано неколку книги со историско-фолклорни теми, а негови трудови објавувале повеќе други екс ју-информативни куќи, пред сé радио станици и печатени медиуми. Фиданоски важeше за човек кој со својот ангажман дал значаен придонес во поновата ера на Гостивар и гостиварско извршувајќи значајни општествено политички функции во втората половина на минатиот век. Пензионерските денови ги минуваше во Гостивар и родното Битуше.

Гале Фиданоски е роден во 1936 година во село Битуше, каде што ги поминува и своите најрани детски години. По завршување на основното образование се запишува во учителската школа „Никола Карев“ во Скопје. Со дипломата народен учител две години работи во ОУ „Иво Рибар Лола“ во Ростуше. Во 1962 дипломирал на Филозофскиот факултет во Скопје и набрзо е поставен за директор на ОУ „Денче Дејаноски“ во Маврови Анови. По три години работа во Маврово, во 1965 година е примен за новинар-уредник во Радио Гостивар. Таму, како новинар-уредник, односно директор и главен и одговорен уредник останува сé до пензионирањето во 2000 година.

Автор е на публикацијата „Априлскиот злостор во Ново Село“ во 1976 година, а како коавтор се појавува во повеќе монографии и публикации. Подоцна (2010) како пензионер ја објавува книгата „Копанка“. Тоа приказна за битушките гурбетчии со сведоштва на неговиот татко Трпе, кој во тетратка бележел описи за печалбарската традиција и за животот во овој период./МИА

Мане и на хигиеничарките и на чуварите на Ливерпул им испратил ист подарок

Садио Мане (30) летово се пресели од Ливерпул во Баерн.

Германците му платија 32 милиони евра, а сенегалскиот офанзивец на три натпревари досега постигна два гола за германскиот шампион. Мане е познат како голем хуманитарец, кој гради болници и инвестира во инфраструктурата и образованието во родниот Сенегал, но изненади многумина со подарок за вработените во Ливерпул.

Мане испрати вкупно 150 подароци на вработените во сите сектори на Ливерпул во знак на благодарност за сѐ што направиле за него во изминатите шест години. Сите во клубот, од чистачките до обезбедувањето, добија пакет со чоколадо, фотографија од Мане и лично потпишана благодарница.

Набрзо фотографиите од подарокот се проширија на социјалните мрежи, а некои почнаа да се потсмеваат на фактот дека тој ставил своја фотографија на чоколадото. Мане за Ливерпул играл од 2016 година и по 269 одиграни натпревари и 120 голови реши да го напушти клубот. Во кариерата настапуваше и за Мец, Салцбург и Саутемптон.

притисни ентер