Одложени нарачките: Царините го „исплашија“ Нинтендо - Канал 5

Технологија

Одложени нарачките: Царините го „исплашија“ Нинтендо

Нарачките за „Nintendo Switch 2“ во САД се одложени, а причината се новите царини што ги најави американскиот претседател Доналд Трамп.

Одложени нарачките: Царините го „исплашија“ Нинтендо

Јапонскиот електронски гигант требаше да ги отвори преднарачките за американскиот пазар во среда, на 9 април, но таа одлука е повлечена, иако официјалниот датум на лансирање на конзолата (5 јуни) останува непроменет.

„Претнарачките на Nintendo Switch 2 во САД нема да започнат на 9 април 2025 година, со цел да се процени потенцијалното влијание на тарифите и променливите услови на пазарот. Nintendo ќе објави нов датум за почеток на нарачки однапред“, се вели во соопштението на компанијата.

Веста доаѓа само неколку дена откако компанијата ги претстави првите официјални информации за долгоочекуваната конзола, која има предложена малопродажна цена од 449,99 долари.

На истиот ден кога компанијата го претстави новиот уред, Трамп објави царина од 24 отсто за јапонските производи, вклучително и електронската стока. Покрај тоа, „Nintendo“ дел од своето производство го прави во Виетнам, кој е погоден со уште повисока царина од 46%.

Аналитичарите посочуваат дека тарифите можеби и нема да се применуваат, но ја разбираат претпазливоста на јапонските компании.

„Ситуацијата е премногу неизвесна. Тие не сакаат да ја соопштат цената од 449 долари, а подоцна ќе излезе дека конзолата ќе чини 500, 600 или дури 700 долари“, изјави Мајкл Пактер, директор за истражување на пазарот на капитал во инвестициската куќа „Wedbush“, за „NBC News“.

Веста беше шокантна за фановите во САД, кои со нетрпение го очекуваа почетокот на продажбата на новата конзола, особено поради продолжувањето на популарните серии како „Super Mario Kart“ и „Legend of Zelda“.

„Switch 2“, кој го задржува мобилниот формат на својот претходник, доаѓа со значително подобрен процесор, со што влегува во посериозна конкуренција со домашните конзоли како „Sony PlayStation“ и „Microsoft Xbox“.

Исто така, новиот „Switch“ очигледно ќе биде значително покомпатибилен со игри од трети страни кои не се развиени од „Nintendo“, вклучувајќи ги „NBA 2K“, „Hogwarts Legacy“, „Civilization VII“ и „Elden Ring“.

Извор: Б92

Тагови: САД царини Нинтендо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер